Лука 12:33 - Библи

³³ Байһан юумэеэ худалдажа, мүнгынь бадар болгон үгытэйшүүлдэ хубаагты! Үмхирхэгүй дараанаа, барагдашагүй баялигаа тэнгэридэ хадагалагты, тэндэ хулгайшаншье ойронь хүрэхэгүй, хибэн хорхойшье химэлхэгүй.

Шэнэ Хэлсээн

³³ Байһан юумэеэ худалдажа, мүнгынь бадар болгон үгытэйшүүлдэ хубаагты! Үмхирхэгүй дараанаа, барагдашагүй баялигаа тэнгэридэ хадагалагты, тэндэ хулгайшаншье ойронь хүрэхэгүй, хибэн хорхойшье химэлхэгүй.

Лука 12:33 ပူးပေါင်းရင်းမြစ်များ

Һургаал 13:7

Зөөригүй аад, баян хэбэртэй болодог хүнүүд байдаг. Баян аад, өөрыгөө ядуу болгодог хүн байха.

Хаггай 1:6

Таанар ехээр тарибашье, бага ургаса хуряанат. Эдеэлээшье һаа, саданагүйт. Уугаашье һаа, һогтоногүйт. Хубсалаашье һаа, дулаасанагүйт! Олоһон мүнгэнтнай хахархай хармаанда ороод лэ үгы болоно.

Матвей 19:21

Иисүүс тэрээндэ: – Хэрбээ эрхим түгэс байха гэбэл, ошожо зөөри зөөшэеэ бултыень худалдаад, мүнгыень үгытэйшүүлдэ хубаажа үгэ, тиигээ һаа, тэнгэри дээрэ баялиг зөөритэй болохош. Тиигээд Намда ерэжэ, хойноһоомни ябаарай, – гэбэ.

Лука 11:41

Зүгөөр аяга табаг соогоо байһан юумэнһээ үгытэйшүүлтэй хубаалсажа үгэлсэжэ байбал, таанадые газаа досоогүй арюун сэбэр болоо гэжэ Бурхан тоолохо һэн!

Лука 12:21

Хөөрөөнэйнгөө түгэсхэлдэ Иисүүс: – Эрдэни баялиг Бурханай урда бэшэ, харин өөрынгөө үбэртэ суглуулдаг хүн болгон иимэ хойшолонтой, – гэжэ хэлэбэ.

Лука 16:9

Харин таанадта, шабинарни, Би хэлэхэ байнаб: энэ дэлхэйдэхи зөөри баялигаараа өөһэдтөө нүхэдые оложо байгты. Тиигэбэл хооһорон наһа барахадатнай, таанадые диваажанай орондо угтажа абаха.

Лука 18:22

Энэ харюуень дуулаад, Иисүүс тэрээндэ хэлэбэ: – Үшөөл нэгэ юумэн шамда дутана: зөөри зөөшэеэ бултыень худалдаад, мүнгыень үгытэйшүүлдэ хубаажа үгэ, тиигээ һаа, тэнгэри дээрэ баялиг зөөритэй болохош. Тиигээд Намда ерэжэ, хажуудамни ябаарай.

Иоанн 12:6

(Иуда үгытэйшүүлдэ һанаагаа зобоод тиигэжэ хэлээгүй, харин тэрэ хулгайшан байгаа: тэрээндэ даалгагдаһан хамтын мүнгэнһөө олон ушарта өөрынгөө хэрэглэмжэдэ гаргашалдаг байгаа.)

Хэрэгүүд 2:45

Тэдэнэр зөөри зөөшэеэ худалдажа, хүн бүхэндэ хэрэглэхэ зэргээрнь юумэ хубаажа үгэдэг болоо.

Коринфынхидтэ 2-дохи 8:2

Тэдэнэр бэрхэшээл зоболонгуудаар ехэтэ туршуулһаншье һаа, аргагүй ехэ баяртай байдаг. Тэдэнэр үгытэй ядуушье һаа, үгэхэдөө аргагүй баян бардам юм.