Лука 1:48 - Библи

⁴⁸ Ахир жаахан намайе Бурхан хаража, агуу эбигээл хайрадаа хүртөөбэ. Бүхы угсаата зон энээнһээ хойшо намайе амар жаргалтай эхэнэр гэжэ нэрлэдэг болохонь гээшэл.

Шэнэ Хэлсээн

⁴⁸ Ахир жаахан намайе Бурхан хаража, Агуу эбигээл хайрадаа хүртөөбэ. Бүхы угсаата зон энээнһээ хойшо намайе Амар жаргаланта эхэнэр гэжэ нэрлэдэг болохонь гээшэл.

Лука 1:48 ပူးပေါင်းရင်းမြစ်များ

Эхин 30:13

Тиихэдэнь Лэһаа иигэжэ хэлэбэ: – Одоо минии ехэ жаргалтайе эхэнэр хүн бүхэн гэршэлхэ даа. Тиигээд тэрэ хүбүүндэ «Ашээр» («Жаргал» гэһэн удхатай) гэжэ нэрэ үгэбэ.

2 Хаан түрэнүүд 7:8

Тиимэһээ мүнөө ши Минии богоол Давидта иигэжэ хэлэ: – Түмэн Сэрэгтэ Эзэн иигэжэ айладхажа байна. Өөрынгөө арад түмэн Израилиин захирагша болгохын тула Би шамайе бэлшээриһээ, хонин һүрэг харууһалжа байхадаш абаа һэм.

Псалманууд 102:17

Харин Эзэнэй энэрэл хайра Өөрһөөнь түбэгшөөдэг зондо мүнхэһөө мүнхэ, Зүб шударгань үри һадаһадтайнь хододоо байхал.

Псалманууд 138:6

Иимэ мэдэлгэ намда угаа гайхамшагтай, би тэрэнэй үндэртэ хүрэжэ шадахагүйб.

Псалманууд 72:17

Энэ Бурханай нангин газарта минии оротор үргэлжэлөө. Тиихэдэл тэдэнэй эсэс болохые ойлгоо бэлэйб.

Исай 66:2

Эдэ бүгэдые Би Өөрөө бүтээгээ һэм. Даруу зантай, Намһаа айдаг, үгыем дууладаг зоной талые харахаб.

Малаахи 3:12

«Нютаг оронтнай баяртай хүүртэй болохо, бүхы үндэһэ яһатан таанадые үреэлдэ хүртэһэн гэжэ дуудаха болоно» гэжэ Түмэн Сэрэгтэ Эзэн айладажа байна.

Лука 1:28

Бурханай Эльгээмэл Марияда ерээд: – Амар мэндэ, аза жаргалтай басаган! Эзэн шамтай байна, шамайе буян хэшэгтээ элбэг дэлбэгээр хүртөөбэ! – гэжэ хэлэбэ.

Лука 1:42

тиигээд шангаар хэлэбэ: – Ши бусад эхэнэрнүүдһээ үлүү ехээр Бурханай үршөөлдэ хүртэбэш, мүн хэбэл соо хэбтэһэн үришни үршөөлдэ хүртэбэ!

Лука 1:45

Эзэн Бурханай айладхаһан үгэ бэелхэ гэжэ этигэһэн ши амар жаргалтайш!

Лука 1:49

Түгэс Хүсэтэ Бурхан туйлай ехэ хэрэг намда бүтээгээл, Тэрэнэй алдар нэрэнь арюун нангин лэ!

Лука 11:27

Иимэ юумэ хэлэжэ байхадань, зоной дундаһаа нэгэ эхэнэр: – Хэбэл соогоо Таниие абажа ябаһан, хүхөөрөө тэжээһэн эхэ жаргалтай! – гэжэ хоолойгоо шангадхан дуугарба.

1 Хаан түрэнүүд 1:11

Ханнаа дашаа тангариг үгэжэ, иигэжэ хэлэбэ: – Түмэн Сэрэгтэ Эзэн, Танай шэбэгшэ болохо минии гай гашуудалые хаража, нам тушаа һанажа, мартангүй, хүбүү үршөөгөө һаатнай, тэрэниие бүхы наһаараа Танай мэдэлдэ үгэхэб. Толгойнь үһые хайша хүрэхэгүй.

1 Хаан түрэнүүд 2:8

Хумхаа тооһон сооһоо Тэрэ үгытэй хүниие дээшэнь гаргажа, гуйраншаниие ядуу байдалһаань мултаруулжа, амбан ноёдтой хамта һуулган, Хойморто һуури эзэлүүлнэ. Дэлхэйн түшэг тулгуур – Эзэнэй, тэрээн дээрэ юртэмсэ Тэрэ тогтоогоо.