33 Таанадые буса арад зоной дунда тараахаб, хойноһоотнай һэлмэ һугалхаб. Газартнай хооһорхо, хото балгасатнай һандаргагдаха.
Нүгэл хэдэггүй хүн байхагүй. Харин Танай урда тэдэнэй нүгэл хэхэдэнь, Та тэдээндэ ехэ уурлажа, дайсадай һабарта оруулба гэлэйт. Дайсад тэдэниие холо, ойрын хариин газар руу баряанда абаашаха.
Тэрэ Эзэнэй һүмэ, хаанай ордон, Иерусалимай бүхы томо һайн гэрнүүдые дууһан шатааба.
Харин таанадай Намһаа буруу харан, Минии үгэһэн захяа заабаринуудые, тогтоолнуудые орхёод, ондоо бурхадта мүргэн шүтэжэ, тэдэндэ алба хэдэг болоболтнай,
Тэдэнэр иигэжэ харюусаба: – Баряанһаа амиды бусаашад тэрэ газарта аргагүй хүшэр хүндэ байдалда, ехэ доромжолго доро байна. Иерусалим һандаргагданхай, үүдэнүүдынь галдагданхай.
Гэбэшье Өөрын богоол Моисейдэ иигэжэ айладаһанаа һаныт: «Хэрбэеэ таанадай урбабал, Би таанадые арадуудай хоорондо сасан тараахаб.
Энээнэй удаа Һамаан Ахашвероош хаанда орожо: – Манай улас түрын бүхы аймаг, бүхы үндэһэ яһатадай дунда таранхай нэгэл зүрюу һанаатай үндэһэтэн бии. Тэдэнэй хуули ёһонууд ондоо, тэдэ хаанай хуули зарлиг сахинагүй. Эзэн хаан, та тэдэниие хэһээнгүй миин бү орхиита.
Тэдэ архиншадал эрьелдэн, найгалзан байгаа, бүхы сэсэн мэргэн тэдээндэ хэрэгтэй бэшэ.
Шагнаарай, охин, харан, анхаралтай соносоорой, өөрын арад түмэниие болон эсэгынгээ гэрые мартаарай.
Шинии гоо һайханда хаан татагдаха, тэрэ шинии эзэн мүн, тиимэһээ тэрээндэ һүгэдэн байгаарай.
Орон нютагтнай хооһороо, хотонуудтнай дууһан шатаагдаа, хараһаар байтартнай хариин зон танай газар эзэмдэн, бүхы юумыетнай залгина, һандаргана.
Би асуубаб: – Эзэмни, хэр удаан энэ үргэлжэлхэб? Тэрэ иигэжэ харюусаба: – Хотонуудай һандаран сүйдтэ орожо, хүн зонгүй болотор, оршон тойроной эзэгүйржэ, газар нютагай юушьегүй болотор.
Тиимэһээ Эзэн таанадые хооһон талын һалхинда үлеэгдэдэг мэхиинэ шэнгеэр тарааха.
Хэзэкияагай хүбүүн, Иудын хаан Мэнашшээ гэгшэһээ боложо, Иерусалимда үйлэдэһэн зүйлэйнь түлөө газар дэлхэйн бүхы улад зондо Би тэдэниие айдаһа хүрэмөөр жэшээ болгохоб.
Эзэн тунхаглана: Үндэһэ яһатад, Намайе шагнагты, алас холын эрьенүүдээр үгыем соносхогты. Би Израилиин арад түмэниие тараагаа һэм, теэд Бил тэдэниие суглуулхаб. Хонишоной хонин һүрэгөө хамгаалдаг мэтэ Би тэдэниие хамгаалхаб.
Нюуса газарһаа гаража байһан арсаландал, үндэһэн арадуудые усадхагша хүдэлэн гаража эхилээ. Иудын хан түрые үгы хэхэеэ тэрэ өөрын газарһаа гараба. Хотонуудтнай һандаргаагдаха, тэндэ хэншье ажаһуухагүй.
Энэ газар ханха зайдан болохо. Иудын хотонуудаар болон Иерусалимай үйлсэнүүдээр зугаа нааданай, баяр баясхалангай абяа дууе, түрэ найрай жаргалтай абяа Би таһалдуулхаб!
Харин амиды мэндэ үлэһэн зон, энэ муу муухай угсаатанай үлдөөсэ зон, амиды байхаһаа үхэһэмнай дээрэ гэжэ тоолохо. Минии тэдэниие үлдэн гаргаһан бүхы газарта амиды мэндэ үлөөшэдынь тиигэжэ һанахал. Энэ болбол Би, Түмэн Сэрэгтэ Эзэн, айладхана мүн!
Би тэдэниие өөһэдыньшье, үбгэ эсэгэнэрэйньшье мэдээгүй үндэһэ яһатанай дунда тараахаб. Тэдэниие дууһан хюдатараа хойноһоонь сэрэг ябуулжал байхаб.
Оо, гай даа! Улад зоноор хүүен-хүнхинэн байгааша энэ хото мүнөө яагаа гансаарданги гээшэб! Үндэһэтэдые зонхилон байһан аад, мүнөө тэрэ бэлбэһэн эхэнэртэ адли болоол! Хото можонуудай хатан байһан тэрэ мүнөө богоол болоо!
Иудын улад зон туугдан абаашагдана. Гай гасалан, хүндэ богоолшолго тэдээндэ тохёолдоо, хариин зоной дунда байрлаад, амар заяа үзэнэгүй. Дайсад Иудые хойноһоонь намнажа хүсөө, гай тодхор тэрэниие бахалуурдана!
«Зайлагты! Бузартайт! Холодогты, бү хүрэгты!» гэжэ тэдээндэ зон хашхарна. «Тэнээшэд! Тэдэ бэшэ амидарахагүй!» гэжэ тэдээн тушаа үндэһэтэд хэлсэнэ.
Эзэн Өөрөө тэдэниие тараан тэнүүлээ, бэшэ ойшоожо харахагүй. Санаартад мүнөө хүндэлэгдэнэгүй, аха захатан хайрлагданагүй.
Олон зонтой хото һууринуудынь һандаргагдаха, орон нютагынь хооһорхо. Тиихэдэ тэдэ Намайе Эзэн гээд мэдэрхэ.
Иигээд элһэн сүл губида ондоо шахаа тангариг үргэбэб, үндэһэ яһатадай дундуур тэдэниие тараан сасахаб гэжэ тангариглаа бэлэйб.
Таанадые үндэһэ яһатадай дундуур сасан тараахаб, ондоо газар нютагуудаар хиидхүүлэн байхаб. Тиигээд бузарлаха ябадалнуудыетнай болюулхаб.
Шинии зураглажа харуулһан бүһэлэлтын дууһахада хотын дунда нэгэ хуби үһые шатаа. Нүгөө хубииень хотые тойруулан ябажа, һэлмээр сабша. Үлөөшэ хубиие һалхинда хиидхүүлэ, Би һэлмэ һугалан, Иерусалим хотынхидые дахан мүрдэхэб.
Аюул боложо, арад зоной тэрьедэн гүйхэдэ, Египедэй зон тэдэниие суглуулаад, Мээмпис хүдөөлүүлхэ! Үнэтэ мүнгэн хэрэгсэлнүүдынь болон гэрнүүдынь адаалхай һөөгүүдээр дүүрэн ургашанхай, хаясаанай болоод байха.
Дайсан тэдэниие баряанда абаашаба гэлэй, сэрэг хойноһоонь эльгээхэдэм, һэлмээр тэдэ усадхагдаха, жаргал бэшэ, гай тодхор тэдээндэ ушаруулхаяа харасаа тэдээн руу шэглүүлхэб.
Тэдэниие һалхи шуургантай хамта хари зоной дунда тараан сасаахаб, харин өөһэдэйнь газар нютаг эзэгүй болон хооһоржо, хойшо урагшаа нэгэшье хүн ябахагүй. Тэдэ өөһэдөө һайхан орон нютагаа хооһон губи болгобо», – гэжэ Түмэн Сэрэгтэ Эзэн айладхаа.
Зарим зон һэлмээр таһа сабшуулха, нүгөө зариманиинь хариин гүрэнүүдтэ богоол болон абаашагдаха. Бусад арадуудай захирха үе сагай дүүрэтэр хариин зон Иерусалимые гэшхэжэ дэбһэжэ байха.
Эзэн таанадые бүхы арадуудаар тарааха, тиихэдэнь тэдэ арадуудайнь дунда үсөөхэн тоотой үлэхэт.
Бүхы газар дэлхэйгээр тараһан арбан хоёр угсаата Бурханай зон, таанадые Бурханай болон Эзэн Иисүүс Христоосой Яков зараса мэндэшэлнэ.