Коринфынхидтэ 2-дохи 9:2 - Библи

² Туһалха дуратай байһан тухайтнай би мэдэнэб, тиин Македониин зоной урда би таанадаар бахархаа хүм. «Ахайяын һүзэглэгшэд үнгэрһэн жэлһээ хойшо туһаламжа үзүүлхэдэ бэлэн байна», – гэжэ би хэлээ хүнби. Тиигэжэ танай зүдхэмжэ тэдэнэй олонииень үргэл хэхэдэ баһал нүлөөлөө.

Шэнэ Хэлсээн

² Таанадай туһалха дуратай байһан тухай би мэдэнэб, тиин Македониин хүн зоной урда би таанадаар бахархаа хүм. «Ахайяын һүзэглэгшэд үнгэрһэн жэлһээ хойшо туһаламжа үзүүлхэдэ бэлэн байна», – гэжэ би хэлээ хүнби. Тиигэжэ танай зүдхэмжэ тэдэнэй олонииень үргэл хэхэдэ баһал зүдхүүлһэн байгаа.

Коринфынхидтэ 2-дохи 9:2 ပူးပေါင်းရင်းမြစ်များ

Хэрэгүүд 18:12

Ахайя можын захирагшаар Галлиониие табихада, еврейнүүд хоорондоо үгэсэлдөөд, Павелай урдаһаа бодожо, тэрэниие сүүдлэхэеэ шэрэжэ асарба.

Хэрэгүүд 24:17

Иерусалимда олон жэл ерэнгүй байгаад, һаяар би арадтаа мүнгэнэй туһаламжа хүргэхэеэ, үргэл асархаяа ерээ һэм.

Коринфынхидтэ 1-дэхи 16:15

Таанад Стефан ба тэрэнэй гэр бүлэ тухай мэдэнэт, тэдэнэр Ахайяын зоной дундаһаа анха түрүүн Эзэндэ һүзэглэһэн, Бурханай хүнүүдэй алба хэхэдэ өөһэдыгөө бүрин зорюулаа юм. Аха дүүнэрни,

Коринфынхидтэ 2-дохи 1:1

Коринф хотын һүзэглэгшэдэй бүлгэм, Ахайяын нютагта байһан Бурханай бүхы хүнүүд, таанадые Бурханай эрхэ мэдэлээр Христоос Иисүүсэй элшэн болохоор дуудуулагдаһан Павел болон һүзэглэгшэ Тимофей мэндэшэлнэ.

Коринфынхидтэ 2-дохи 7:14

Би тэрэнэй урда таанадаар бахархааб, тиин таанадшье намайе эшээжэ улайлгаагүйт. Бидэ таанадта ходо үнэн зүбые хэлэдэгбди, тон тиигэжэл мүнөө Титэй урда таанадаар бахархаһан ябадални үнэн зүб юм.

Коринфынхидтэ 2-дохи 7:4

Би таанадта аргагүй ехээр найданаб, таанадаар аргагүй ехээр омогорхожо байнаб. Бүхы бэрхэшээл зоболонгуудтаа би ехэл урма зоригтой, аргагүй баяр жаргалтай байнаб.

Коринфынхидтэ 2-дохи 8:10

Таанадтай һаналаараа хубаалсахамни. Үнгэрһэн жэл эхилһэн юумэеэ мүнөө дүүргэбэлтнай, һайн лэ байха һэн. Таанад гансал хэхэдээ бэшэ, харин хэхэ гэжэ шиидэхэдээшье эхи табигшад һэнта.

Коринфынхидтэ 2-дохи 8:11

Харин мүнөө ажалаа гүйсэдхэгты. Шадаха зэргээрээ туһаламжа хүргэбэл, үгэхэл гэжэ байһанаа үгэбэт гэжэ баталхат.

Коринфынхидтэ 2-дохи 8:19

Тэрээнһээ гадна һүзэглэгшэдэй бүлгэмүүд тэрэ хүниие замаймнай нүхэр боложо, буянта хэрэгээ бүтээхэдэмнай маанадта туһалхаар һунган табяа юм. Энэ ажалаа бидэ Эзэнэй алдарай тулада ба Иерусалимда ажамидардаг Тэрэнэй хүнүүдтэ аргагүй ехээр туһалха дуратай байһанаа баталан дүүргэнэбди.

Коринфынхидтэ 2-дохи 8:24

Тиимэһээ һүзэглэгшэдэй бүлгэмүүдэй мэдэжэ байхаарнь тэдэндэ өөһэдын энэрэл хайрые харуулагты, манай бахархал байһанаа баталагты.

Коринфынхидтэ 2-дохи 8:8

Би таанадые захирнагүйб, гэхэтэй сасуу бусад зоной аргагүй ехээр туһалха дуратай байһые харуулан, хайра дурантнай гүнзэгы аа гү гэжэ туршанаб.

Фессалоникиинхидтэ 1-дэхи 1:7

Тиигэжэ таанад Македонидо ба Ахайяда амидарһан бүхы һүзэглэгшэдтэ жэшээ харуулбат.

Еврейнүүдтэ 10:24

Хүнүүдэй бэе бэедээ анхарал табижа, бэе бэедээ инаг хайраяа харуулхадань, дэмбэрэлтэй һайхан юумэ хэхэдэнь туһалжа байял.