Коринфынхидтэ 2-дохи 8:2 - Библи

² Тэдэнэр бэрхэшээл зоболонгуудаар ехэтэ туршуулһаншье һаа, аргагүй ехэ баяртай байдаг. Тэдэнэр үгытэй ядуушье һаа, үгэхэдөө аргагүй баян бардам юм.

Шэнэ Хэлсээн

² Тэдэнэр бэрхэшээл зоболонгуудаар ехэтэ туршуулһаншье һаа, аргагүй ехэ баяртай байдаг. Тэдэнэр үгытэй ядуу байһаншье һаа, үгэхэдөө аргагүй баян бардам байгаа.

Коринфынхидтэ 2-дохи 8:2 ပူးပေါင်းရင်းမြစ်များ

Һургаал 11:25

Элбэг гартай, харуу бэшэ хүн зөөритэй байха, бусадые тэнхэрүүлэгшэ өөрөө тэнхээ орохо.

Матвей 20:15

Өөрынгөө мүнгэтэй би дуратай юумэеэ хэхэ эрхэтэй бэшэ гүб? Али минии гар бардам байһанда ши атаархахаяа һанаба гүш?»

Римэйхиндэ 12:8

бусадые урмашуулха табилантай һаа, урмашуулха ёһотойбди. Бусадтай хубаалсажа байгаа һаа, бардам баянаар хубаалсагты; хүтэлэгшэ юм һаа, бүхы хүсэ шадалаараа захиржа байгты; буян үйлэдэбэл, баяртайгаар буян үйлэдэгты.

Римэйхиндэ 2:4

Али таанад Бурханай агууехэ үршөөл хайра, хүлисэл, тэсэбэри тооногүй аалта? Таанадые Өөртөө хандуулхын тула Бурхан танда үршөөл хайратай байна гэжэ мэдэнэгүй аалта?

Коринфынхидтэ 2-дохи 1:12

Энэ дэлхэйдэ байхадаа, илангаяа таанадтай харилсахадаа, бидэ Бурханһаа үгтэһэн үнэн сэхэ, арюун сэбэр ажамидаралтай байгаабди, һэшхэл бодолнайшье тэрэниие батална, тиимэһээл бидэ ехэл бахархадагбди. Бидэ хүнэй сэсэн ухаагаар бэшэ, харин Бурханай үршөөлөөр тиигэжэ ажамидараабди.

Коринфынхидтэ 2-дохи 2:9

Туршалгануудые хэр дабахатнай гээшэб, хэлэһэн юумэнүүдыемни ходо дүүргэхэтнай гү гэжэ харахын лэ тула би бэшээ хүнби.

Коринфынхидтэ 2-дохи 6:10

Зобожо байһаншье һаа, бидэ ходо баяртай байдагбди; үгытэй ядуушье һаа, олон хүнүүдые баян болгодогбди; ямаршье юумэгүй байһан шэнги аад, үнэндөө бидэ бүхы юумэнэй эзэдынь гээшэбди.

Коринфынхидтэ 2-дохи 9:11

Тиигээд таанадай ямаршье юумэ үгэхэдэ бардам гартай байхынтнай тула Тэрэ таанадые бүхы юумээр баяжуулжа байха, тиимэһээ маанадай бадар хубаахада, олон зон Бурханда баяр баясхалан хүргэхэ.

Коринфынхидтэ 2-дохи 9:13

Таанадай Христоос тухай мэдээсэлые баримталжа байһые, тэрэнээ баталан өөһэдтэйнь болон бусад зонтой бардам хубаалсажа байһые хараһандаа тэдэ Бурханиие алдаршуулна.

Хуули дабталга 15:4

Танай орон нютагта үгытэй хүн бү үзэгдэг. Эзэн Бурхан танай хуби гээд эдлэхыетнай тэрэ газар үгэнэ, таанадые үреэхэл.

Фессалоникиинхидтэ 1-дэхи 1:6

Таанад маанадта болон Эзэндэ һажаан ажамидаржа эхилээ һэнта. Ехэ зобожо байһаншье һаа, Бурханай үгые таанад баяртайгаар угтажа абаа һэнта. Энэ баярые таанадта Арюун Һүлдэ олгоно.

Фессалоникиинхидтэ 1-дэхи 2:14

Аха дүүнэрни, Иисүүс Христоостой нэгэдэһэн Иудейн һүзэглэгшэдэй бүлгэмүүдтэй ямар юумэн ушараа һэм, тон тиимэ юумэн таанадтайшье ушараа. Урдань лүндэншэдые алажа байһандаал адли мүнөө тэдэ Эзэн Иисүүс Христоосые алаа, бидэниие хашажа мүрдэжэ байһан Иудейн зонһоо боложо, тэдэ зоной зобоһондол адли таанад баһа өөһэдынгөө хотынхидто мүрдүүлэн зобоот. Тэдэ Иудейн зон Бурханда ехэл жэрхэдэһэтэй байна. Хүн бүхэндэ үһөөрхэнэ.

Яковай хандалга 2:5

Хайрата аха дүүнэрни, шагнагты даа: Бурхан үгытэйшүүлые һүзэгөөрөө баян бардам байхыень, Өөртэнь дуратай хүнүүдтэ үгэхэб гэжэ найдуулһан хаан оронойнгоо залгамжалагшад болохыень шэлэжэ абаа бэшэ һэн гү?

Гэршэлгэ 2:9

танай зоболон гашуудалые, үгытэй ядуу байһыетнай мэдэнэб, – үнэндөө таанад баянта! Мүн еврейнүүд бэшэ аад, еврейнүүдбди гэгшэдэй таанадые хардаашадые Би мэдэнэб, юундэб гэбэл, тэдэнэр сатанагай мэдэл доро сугларһан улад гээшэ.