Коринфынхидтэ 2-дохи 7:1 - Библи

¹ Нүхэдни, Бурхан эдэ найдуулгануудаа маанадта үгөө. Тиимэһээ бэеыемнай, һүнэһэ һүлдыемнай бузарладаг юумэнүүдһээ өөһэдыгөө сэбэрлэел, Бурханда һүгэдэн, гүйсэд арюун байял.

Шэнэ Хэлсээн

¹ Нүхэдни, Бурхан эдэ найдуулгануудаа маанадта үгөө юм. Тиимэһээ бэеыемнай, һүнэһэ һүлдыемнай бузарладаг юумэнүүдһээ өөһэдыгөө сэбэрлэел, Бурханда һүгэдэн, гүйсэд арюун нангин байял.

Коринфынхидтэ 2-дохи 7:1 ပူးပေါင်းရင်းမြစ်များ

2 Угай бэшэг 19:9

иимэ захяа тэдээндэ тэрэ үгэбэ: – Эзэндэ үнэн сэхээр албалагты.

Псалманууд 19:9

Тэдэ ганхажа унаба, харин бидэ бата зогсонобди!

Псалманууд 51:10

Харин би хадаа Бурханай нангин үргөө соо һалбаран ургажа байгаа чидүүн модон мэтэб, Бурханай энэрэл хайрада хэтэ мүнхэдөө найданаб.

Һургаал 16:6

Этигэл ба үнэн гэмые сагаадхадаг. Эзэнһээ бэшэрэл хорон мууһаа холодуулна.

Һургаал 20:9

Хэн «Би зүб мүрөөр үйлэ хэнэб, нүгэл хилэнсэгһээ зайлааб» гэжэ хэлэжэ шадахаб?

Һургаал 30:12

Өөрын нюдэндэ сэбэр хэмээхэ, үнэндөө хирэ богто баригдашаһан хүнүүд баһа байха.

Һургаал 8:13

Эзэнһээ бэшэрэл хадаа хорото мууе үзэн ядаха ябадал юм. Бардамлал, ехэрхүү зан, хорото зам ба худалша амые би үзэн яданаб.

Экклезиаст 11:10

Иимэһээ сэдьхэлэй зоболон, бэеын шаналалһаа зайлажа ябаарай. Ушарынь хадаа залуу наһан, эршэ хүсэн гээшэ ойро зуурын юм.

Исай 1:16

Бэеэ угаагты. Өөһэдыгөө сэбэрлэгты. Минии хаража байһан муу муухай үйлэ хэрэгүүдээ орхигты. Мууе үйлэдэхөө болигты.

Исай 55:7

Муу хүн тэрэ замаа орхиг, нүгэлтэй хүн һанаа бодолоо хубилгаг, Эзэн руу эрьег лэ! Тэрэ хүлисэхэ. Манай Бурхан хүлисэхэ уужам сэдьхэлтэйл.

Ерэмияа 13:27

Үзэн ядадаг юумыень хэжэ байхыетнай Эзэн хараа бэлэй. Хүршынгөө һамга эдлэхые хүсэдэг хүндэл гү, али гүүнэй хойноһоо инсагаалһан азаргадал адли таанадай хээрэ талын добонууд дээрэ шүтөөнүүдтэ мүргэжэ байхые Тэрэ хараа һэн. Иерусалимай улад зон, таанад заатагүй хосорхот! Хэды болотор бузартай байхабта?!

Ерэмияа 4:14

Иерусалим, абарагдахын тула муу муухайе зүрхэ сэдьхэлһээ зайсуулагты. Хэды болотор хорон муу бодолоо бодохо юмта?

Левит 13:58

Хэрбээ хубсаһа гү, али утаашаа болон хүндэлэн утаһа гү, али арһан зүйл угааһанай һүүлээр, яра шархань һалаашье һаань, тэдэниие дахин угааха хэрэгтэй, тиихэдээ тэдэнь арюун бузаргүй болохо.

Матвей 12:33

Һайн модон һайн үрэ жэмэс үгэдэг, муу модон муу үрэ жэмэс асардаг. Модоной шанарынь тэрэнэй үрэ жэмэсээрнь танигдадаг юм.

Матвей 5:48

Тиимэһээ эрхим түгэс Огторгойн Эсэгэдээл адли таанадшье эрхим һайн байгты.

Матвей 5:8

Арюун сэдьхэлтэн жаргалтайл, тэдэнэр Бурханиие үзэхэл.

Хэрэгүүд 9:31

Тэрэ үедэ бүхы Иудейн, Галилейн, Самариин нютагуудай һүзэглэгшэдэй бүлгэмүүдтэ энхэ тайбан мандажа, Арюун Һүлдын хүсөөр тэдэ бэхижэжэ, олошоржо, Эзэнэй урда һүгэдэжэ байгаа.

Римэйхиндэ 5:20

Нүгэл шэбэлые элеэр харуулхын тула Хуули үгтөө. Зүгөөр нүгэл шэбэлэй ехэ элбэг байһан газарта Бурханай үршөөл хайрашье бүри элбэг дэлбэг үгтэжэ байгаа.

Коринфынхидтэ 1-дэхи 6:20

Бурхан таанадые үнэтэй сэнгээр худалдажа абаа. Тиимэһээ бэеэрээ Бурханиие алдаршуулжа байгты.

Коринфынхидтэ 2-дохи 1:20

Тэрэ Бурханай бүхы найдуулгануудайнь «тиимэ» гээшэ. Тиимэһээл Христоосоор дамжуулан бидэ «Болтогой» гэжэ Бурханай алдарта айладхаабди.

Эфесэйхиндэ 2:3

Бидэ булта тэдэ зондол адли мүн шанарайнгаа жама ёһоор амидаран, өөһэдын бэеын ба һанал бодолой хүсэлэнгүүдые ханган, хүн бүхэндэл адли Бурханай уур сухал хүргэжэ байгаабди.

Фессалоникиинхидтэ 1-дэхи 3:13

Тиигэбэл Эзэн Иисүүсэй Өөрынгөө хүнүүдтэй ерэхэдэнь, Эсэгэ Бурханай урда нүгэлгүй, арюун сэбэр байхынтнай тула Эзэн таанадые бэхижүүлхэ.

Фессалоникиинхидтэ 1-дэхи 4:7

Бурхан бидэниие забхайралдахыемнай бэшэ, харин арюун гэгээнээр амидархыемнай уряалаа юм.

Фессалоникиинхидтэ 1-дэхи 5:23

Бидэндэ амгалан тайбаниие үршөөжэ байһан Бурхан таанадые бүримүһэн арюун гэгээн болгог, Эзэн Иисүүс Христоосой ерэтэр танай һанал бодол, һүнэһэ һүлдэ, махабад бэе бүрин бүтэнөөрөө ямаршье зэмдэг дутагдалгүй хадагалагдажа байг.

Еврейнүүдтэ 12:23

Нэрэнүүдынь тэнгэридэ бэшэгдэһэн Бурханай эгээн түрүүшын һүзэглэгшэдэй бүлгэмэй гэшүүдынь болон таанад ерээт. Таанад бүхы хүнүүдэй Зарга шүүгшэ болохо Бурханда, эрхим түгэс болоһон үнэн сэдьхэлтэнүүдэй һүлдэнүүдтэнь ерээт.

Еврейнүүдтэ 12:28

Хубилгаха аргагүй хаан орониие эзэлээд, бидэ баяр баясхалангаар дүүрэн байял. Бурханда хүндэтэйгөөр хандан, һүгэдэн, Тэрээндэ һайшаагдамаар алба хэжэ байял.

Еврейнүүдтэ 4:1

Тэрэ найдуулһан амаралтадань хүртэнгүй үлэшэхэгүйн тула бидэ булта болгоомжотой байха ёһотойбди.

Еврейнүүдтэ 6:9

Инаг хайрата нүхэдни, маанадай иигэжэ хатуугаар хэлэжэ байһаншье һаа, таанад үлүү һайн нүхэсэлдэ байнат, тиимэһээ абарагдахат гэжэ найданабди.

Яковай хандалга 4:8

Бурханда дүтэлэгты, тиихэдэтнай Тэрэ танда ойртохо. Нүгэлтэн, ажамидаралаа арюудхагты; билдагуушад, зүрхэ сэдьхэлээ арюудхагты.

Пётрой 1-дэхи хандалга 1:15

Таанадые дуудаһан Бурханай арюун нангин байдагтал адляар, алишье талаһаа арюун нангин байгты.

Пётрой 1-дэхи хандалга 1:17

Нюур харангүй, бүхы хүнүүдые хэһэн хэрэгүүдэйнь хэмжээгээр шүүбэрилдэг Бурханиие таанад Эсэгэмнай гэжэ нэрлэнэт, тиимэһээ эндэ, энэ дэлхэйдэ байха үдэрнүүдээ Тэрээндэ һүгэдэн үнгэргыт даа.

Пётрой 1-дэхи хандалга 1:22

Үнэн зүбые дахажа, Бурханда һүзэглэдэг аха дүүнэртээ үнэн зүрхэнһөө дуратай байхын тула таанад сэдьхэлээ арюудхабат. Тиимэһээ бүхы һанал бодолоороо бэе бэедээ дуратай байгты.

Пётрой 1-дэхи хандалга 2:11

Хүндэтэ аха дүүнэрни, энэ дэлхэйдэ таанад хариин, ерүүл хүнүүд хадаа танай ухаан бодолые һамааруулдаг нүгэлтэ хүсэлэнгүүдһээ холодожо,

Пётрой 1-дэхи хандалга 5:10

Зүгөөр танай зоболонгууд һаядаа дууһаха. Иисүүс Христоостой нэгэдүүлэн, мүнхэ алдараараа хубаалсахын тула таанадые дуудаһан, элдэб үршөөлнүүдэй эхин болохо Бурхан таанадые заһаха, бэхижүүлхэ, хүсэ шадалтай болгохо, батадхаха.

Иоаннай 1-дэхи хандалга 1:7

Хэрбээ Бурхандал адляар гэрэл туяа соо байгаа һаа, хоорондоо бидэ эбтэйбди, тиин Бурханай Хүбүүн Иисүүсэй шуһаниинь маниие ямаршье нүгэл шэбэлһээ арюудхан сэбэрлэнэ.

Иоаннай 1-дэхи хандалга 1:9

Хэрбээ нүгэл шэбэл хэһэнээ мэдэрээ һаамнай, үнэншэ зүб Бурхан нүгэл шэбэл хэһыемнай хүлисэхэ, бүхы муу юумэнһээ маниие арюудхан сэбэрлэхэ.

Иоаннай 1-дэхи хандалга 3:3

Христоосто иимэ этигэл найдабаритай һаа, алишье хүн өөрыгөө арюудхана, ушарынь гэбэл, Христоос арюун сэбэр байгаа.