Коринфынхидтэ 2-дохи 4:4 - Библи

⁴ Һүзэглэдэггүй зоной ухаан бодолыень энэ дэлхэйе захиржа байһан нүгэлтэ бурхан харанхы мунхагаар хушаа, тиимэһээ тэдэ балар һохор зон Бурханай дүрэнь болохо Христоосой алдар тухай һайн мэдээсэлһээ сасарһан гэрэл туяае хараха аргагүй байгаа.

Шэнэ Хэлсээн

⁴ Һүзэглэдэггүй зоной ухаан бодолыень энэ дэлхэйе захиржа байһан нүгэлтэ бурхан харанхы мунхагаар хушаа, тиимэһээ тэдэ балар һохор зон Бурханай дүрэнь болохо Христосой алдар тухай һайн мэдээсэлһээ сасарһан гэрэл туяае хараха аргагүй байгаа.

Коринфынхидтэ 2-дохи 4:4 ပူးပေါင်းရင်းမြစ်များ

3 Хаан түрэнүүд 22:22

Тэрэ «би ошожо, тэрэнэй бүхы лүндэншэдые худал абарал буулгадаг болгохоб» гэбэ. Эзэн «шадахаш. Ошожо, энээнээ бүтээ» гээ һэн.

Псалманууд 50:2

Давидай Бат-Шээбэтэй унтаһанай дараа лүндэншэ Натаан тэрээн руу ерээ һэн, тиихэдэ Давид энээниие зохёогоо бэлэй.]

Исай 6:10

Энэ арад түмэниие ухаагүй ойгог болгожо, шэхынь дүлии, нюдынь һохор болго. Тэдэ бү хараг, бү дуулаг, бү ойлгог. Үгы һаа, тэдэ Нам руу эрьежэ, эдэгэхэл.

Матвей 13:22

Үүргэнэ соо унаһан үрэһэн гээшэнь иимэ удхатай: хэн нэгэн мэдээсэл дуулажа абабашье, энэ ажамидаралайнгаа түлөө оролдолгонь, эд зөөридэ обтолгонь мэдээсэлые даражархидаг, тиин тэрэ мэдээсэл ямаршье үрэ дүнгүй байдаг.

Иоанн 1:14

Үгэ хадаа хүн боложо түрөөд, бидэнэй дунда амидаржа байгаа. Эсэгэ Бурханай ори ганса Хүбүүниинь үршөөл хайрын ба үнэн зүйлэй бэелэл байжа, бидэндэ һүр шадалаа харуулаа.

Иоанн 1:18

Бурханиие хэншье, хэзээдэшье хараагүй. Бурхантай нэгэн хамта, Эсэгэдээ ойро дүтэ ори ганса Хүбүүниинь лэ Бурханиие юртэмсэ дэлхэйдэ харуулаа.

Иоанн 12:31

Иигээд энэ дэлхэйе шүүбэрилхэ саг тулажа ерээ, мүнөө энэ дэлхэйн Ноёниинь һэегүй намнуулха!

Иоанн 12:35

Иисүүс тэдээндэ иигэбэ: – Гэрэл туяагай таанартай хамта байха саг бага үлөө. Шэг балай харанхы таанадые хушаагүйдэ, гэрэл туяагай байһан дээрэнь ябажа ябыт даа. Харанхы соогуур ябадаг хүн хайшаашье ошохоёо мэдэдэггүй бшуу.

Иоанн 12:40

«Бурхан тэдэ хүнүүдые һохор болгоо, ухааень балартуулаа. Тиимэһээ тэдэ нюдөөрөө юумэ харанагүй, ухаагаараа юумэ ойлгоногүй. Тиигээгүй һаа, Намда тэдэ хандаха һэн, Би тэдэниие аргалжа эдэгээхэ һэм».

Иоанн 12:45

Намайе харадаг хүн Намайе харана бэшэ, харин Намайе эльгээһэн Эсэгые харана.

Иоанн 14:30

Би таанартай ииһээр ондоо хөөрэлдэхэгүйб: энэ дэлхэйн Ноёниинь ойртожо байна. Би тэрэнэй мэдэлдэ бэшэб.

Иоанн 15:24

Хэрбээ ондоо хүнэй урда хээгүй гайхамшаг хэрэгүүдые тэдэндэ харуулаагүй һаамни, тэдэ зэмэгүй байха һэн. Теэд мүнөө тэдэнэр гайхамшаг хэрэгүүдыемни өөһэдөө хараһан, үзэһэн аад, Намдашье, Минии Эсэгэдэшье зэбүүрхэн дурагүйтэдэг болоо.

Иоанн 16:11

Харуулха зарга шүүбэринь юун бэ гэбэл – энэ дэлхэйн Ноён гэмнүүлээд байна.

Иоанн 8:12

Иисүүс дахин тэдэнтэй хөөрэлдэбэ: – Би дэлхэйе гэрэлтүүлэгшэ Гэрэл туяа гээшэб. Минии хойноһоо дахаһан хүн харанхы соогуур төөрижэ ябахагүй, харин амидарал олгодог гэрэл туяатай болохо.

Хэрэгүүд 26:23

Харин Бурханай табисуурта ехэ зоболон эдлэжэ, үхэһэн зоной дундаһаа эгээн түрүүн амидыржа, манайшье арад зондо, бусад арадуудташье абаралга тухай хөөрэхэ гэжэ тэдэнэй бэшэһые хэлэһэн байгааб.

Коринфынхидтэ 1-дэхи 10:20

Үгыл даа, бусад арадуудай онгонуудта үргэдэг юумэнүүд Бурханда бэшэ, харин ада шүдхэрнүүдтэ зорюулаатай гэжэ би хэлэхэ һанаатайб. Тиимэһээ таанадай ада шүдхэрнүүдтэй нэгэдэхые хүсэнэгүйб.

Коринфынхидтэ 2-дохи 2:11

Тиигэбэл сатана маанадые мэхэлжэ шадахагүй. Бидэ булта тэрэнэй һанал бодолыень һайн мэдэнэ ха юмди.

Коринфынхидтэ 2-дохи 2:12

Христоос тухай һайн мэдээсэл номнохоёо Троада хото ерэхэдэмни, Эзэн бүхы хэрэгүүдтэмни урагшатай байгаа.

Коринфынхидтэ 2-дохи 3:11

Саг зуура оршодог юумэнэй алдартай байбал, хэтын хэтэдэ оршодог юумэн бүришье ехэ алдартай байха бэшэ аал?

Коринфынхидтэ 2-дохи 3:14

Үнэхөөрөө тэдэ зоной ухаан бодолынь хаалтатай байгаа. Манайшье үдэрнүүд хүрэтэр Хуушан Хэлсээе уншахадань, үнөөхи хушалтань абтаагүй байна. Гансал Христоос тэрэ хушалтые абаха аргатай.

Коринфынхидтэ 2-дохи 3:18

Тиимэһээ бидэ булта халхалагдаагүй нюураараа Эзэнэй алдарые харанабди. Эзэнэй Һүлдэ Эзэнэй алдарта бүри ойртуулан маанадые хубилгана.

Коринфынхидтэ 2-дохи 4:6

«Гэрэл туяагай харанхыһаа гэрэлтэхэнь болтогой», – гэжэ Бурхан хэлээ. Мүнөө тэрэл Бурхан манай сэдьхэлдэ гэрэлтэжэ, Христоосто оршожо байһан Бурханай алдарай мэдээгээр бидэниие гэгээрүүлээ.

Галадуудта 1:4

Христоос болбол манай Эсэгэ Бурханай эрхэ мэдэлээр бидэниие нүгэл шэбэлһээ, оршон үеын хорото муу байдалһаа аршалан сүлөөлхын түлөө ами бэеэ үргэл болгожо үгөө.

Эфесэйхиндэ 2:2

Тиихэдэ таанад газар дэлхэйн нүгэл шэбэлтэ замаар ябажа, Бурханай мэдэлдэ байдаггүй хүнүүдые мүнөөшье захиржа байдаг һүлдын, хара хүсэнүүдэй ноёной мэдэлдэ байгаат.

Эфесэйхиндэ 6:12

Ушарынь юуб гэбэл, бидэ хүнүүдэй урдаһаа бэшэ, харин замбуулинай харата хүсэнүүд, захирагшад, эрхэ засагууд, энэ харанхы мунхаг үеын замбуулинай хүсэнүүдэй урдаһаа тэмсэнэбди.

Филиппынхидтэ 2:6

Тэрэ анханһаа Бурханай шанартай аад, Бурхантай нэгэ зиндаада байха ёһотойб гэжэ Өөр тухайгаа бодоогүй.

Колоссынхидтэ 1:15

Харагдадаггүй Бурханиие бидэ Христоос соо хараха аргатайбди. Христоос Бурханай ууган Хүбүүн мүн, Тэрэ бүтээгдэһэн бүхы юумэнэй дээгүүр юм.

Колоссынхидтэ 1:27

Энэ нюусаяа Бурхан Өөрынгөө хүнүүдтэ мэдүүлхэ гэжэ түсэблэнэ, гэхэтэй сасуу энэ үнэтэй ба алдарта нюусань бүхы хүнүүдтэ юм. Тэрэ нюусань – Христоос таанадай досоо гэһэн удхатай, таанад Бурханай алдарые хубаалсахат гэһэн удхатай.

Тимофейдэ 1-дэхи 1:11

Һайн Мэдээсэлэй үнэн зүб һургаалые намда алдарта ба үршөөлтэ Бурхан айладхажа байхыемни даалгаһан байна.

Тидтэ 2:13

Манай агууехэ Бурханай, Абарагша Иисүүс Христоосой алдарай элирхэ тэрэ үршөөлтэй Үдэртэ найдан, тэрэ Үдэрые хүлеэжэ байнабди.

Еврейнүүдтэ 1:3

Бурханай алдарай туяа сасаруулан, Бурханай шанар шэнжэтэй байжа, Тэрэ бүхы замбуулин дэлхэйе Өөрын үгын хүсөөр баридаг. Бидэниие нүгэлнүүдһээмнай арилгаад, огторгой дээрэ һүр жабхаланта Бурханай баруун талада һуугаа.

Еврейнүүдтэ 6:4

Һүзэг этигэлээ алдаһан хүнүүд яажа дахин гэм хэхэеэ болёод, Бурханда хандахаб? Тэдэнэр нэгэ үедэ Бурханай гэрэл туяада ябаа, тэнгэриин бэлэг абажа, Арюун Һүлдые тогтоожо абаа.

Пётрой 2-дохи хандалга 1:19

Тиимэһээ таанад лүндэншэдэй айладхаһан юумэнүүдтэ бүришье ехээр этигэжэ байгты. Үдэр мандаад, үглөөнэй толон зүрхэ сэдьхэлдэтнай бадарха үе саг болотор харанхы газарта аһажа байһан зуладал адли лүндэншэдэй үгэнүүдтэ анхаралаа хандуулбал, таанад зүб юумэ хэхэт.

Иоаннай 1-дэхи хандалга 2:11

Аха дүүдээ дурагүй хүн нүгэлэй харанхы соо ябана, тэрэ хүн хайшаа тэмтэржэ ябаһанаа мэдэнэгүй, яахадааб гэбэл, тэрэ хүниие нүгэлэй харанхы һохор болгоно.

Иоаннай 1-дэхи хандалга 2:8

Гэхэтэй хамта, минии бэшэжэ байһан юумэн шэнэшье захяа заабари мүн. Энэ захяа заабари үнэн зүб юм гэжэ Христоосойшье, таанарайшье ажабайдал харуулна. Нүгэлэй харанхы һүнэн хосорно, ёһотой гэрэл туяа сасаран гэрэлтэнэ!

Иоаннай 1-дэхи хандалга 5:19

Бидэ Бурханай үхибүүдбди, бүхы газар дэлхэйнхид шолмосой эрхэ мэдэлдэ байна гэжэ мэдэнэбди.