Коринфынхидтэ 2-дохи 4:3 - Библи

³ Хэрбээ манай номножо байһан Һайн Мэдээсэл далда байгаа һаа, тэрэ гансал хосоржо байһан зондо далда байха.

Шэнэ Хэлсээн

³ Хэрбээ манай номножо байһан Һайн Мэдээсэл далда байгаа һаа, тэрэ гансал хосоржо байһан зондо далда байха.

Коринфынхидтэ 2-дохи 4:3 ပူးပေါင်းရင်းမြစ်များ

Матвей 11:25

Баһа тэрэ сагта Иисүүс иигэжэ хэлэбэ: – Газар тэнгэриин Эзэн, Эсэгэмни! Сэсэн мэргэн, эрдэм номтой зонһоо далдалан нюуһан юумэеэ эгээлэй юрын зондо нээжэ элирүүлһэнэйтнай түлөө Танда баяр баясхалан хүргэнэб.

Римэйхиндэ 2:16

Тон энээндэл адляар номноһон Һайн Мэдээсэлэймни ёһоор тэрэ Үдэр Иисүүс Христоосой ашаар бүхы хүнүүдэй нюуса бодолгонуудыень Бурхан гэмнэн шүүхэ.

Коринфынхидтэ 1-дэхи 1:18

Христоосой хэрээһэн дээрэ үхэһэн тухай мэдээсэл хосорогшодто ямаршье удхагүй тэнэг юм, харин абарагдажа байһан бидэндэ тэрэ мэдээсэл Бурханай һүр хүсэн болоно.

Коринфынхидтэ 1-дэхи 2:6

Зүгөөр сэсэн ухаан тухай мэдээсэлые би һүзэгөөрөө болбосон хүнүүдтэ номнодогби. Гэхэдээ тэрэ сэсэн ухаан энэ дэлхэйн бэшэ, эрхэ засагаа алдадаг энэ дэлхэйе захирагшадай бэшэ.

Коринфынхидтэ 2-дохи 2:12

Христоос тухай һайн мэдээсэл номнохоёо Троада хото ерэхэдэмни, Эзэн бүхы хэрэгүүдтэмни урагшатай байгаа.

Коринфынхидтэ 2-дохи 3:14

Үнэхөөрөө тэдэ зоной ухаан бодолынь хаалтатай байгаа. Манайшье үдэрнүүд хүрэтэр Хуушан Хэлсээе уншахадань, үнөөхи хушалтань абтаагүй байна. Гансал Христоос тэрэ хушалтые абаха аргатай.

Коринфынхидтэ 2-дохи 4:4

Һүзэглэдэггүй зоной ухаан бодолыень энэ дэлхэйе захиржа байһан нүгэлтэ бурхан харанхы мунхагаар хушаа, тиимэһээ тэдэ балар һохор зон Бурханай дүрэнь болохо Христоосой алдар тухай һайн мэдээсэлһээ сасарһан гэрэл туяае хараха аргагүй байгаа.

Фессалоникиинхидтэ 1-дэхи 1:5

Һайн Мэдээсэлые таанадта асархадаа, бидэ ганса үгэнүүдые хэрэглээ бэшэ, үшөө Арюун Һүлдын хүсэ хэрэглээбди. Һайн Мэдээсэлэй үнэн зүб байһыень харуулаабди. Таанадай дунда байхадаа, танай аша туһада яажа амидаржа байһыемнай таанад мэдэнэт.

Тимофейдэ 1-дэхи 1:11

Һайн Мэдээсэлэй үнэн зүб һургаалые намда алдарта ба үршөөлтэ Бурхан айладхажа байхыемни даалгаһан байна.