Коринфынхидтэ 2-дохи 13:9 - Библи

⁹ Маанадай ахир һула байхада, харин таанадай хүсэтэй байхада, бидэ баярладагбди. Тиигээд баһал таанадай заһархын түлөө бидэ зальбарнабди.

Шэнэ Хэлсээн

⁹ Маанадай ахир һула байхада, харин таанадай хүсэтэй байхада бидэ баярладагбди. Тиигээд баһал таанадай заһархын түлөө бидэ зальбаржа байдагбди.

Коринфынхидтэ 2-дохи 13:9 ပူးပေါင်းရင်းမြစ်များ

Римэйхиндэ 15:2

Бусад һүзэглэгшэдэй эрхим һайн байхын түлөө, һүзэгынь бата бэхи болгохын тула бидэ булта тэдэндэ аша туһатай юумэ хэхэ ёһотойбди.

Коринфынхидтэ 1-дэхи 1:10

Аха дүүнэр, хоорондоо хубааралдажа байхагүйн тула һаналаа нэгэдүүлжэ байгты, нэгэ һанал бодолтой, нэгэ зорилготой байгты гэжэ Манай Эзэн Иисүүс Христоосой нэрэ түрөөр та бүхэндэ гуйн ханданаб.

Коринфынхидтэ 1-дэхи 2:3

Тиимэһээ таанадта ерэхэдээ, би һуларшаһан, ехэл һүрдэһэн амитан байгааб,

Коринфынхидтэ 1-дэхи 4:10

Бидэ Христоосой түлөө тэнэг болообди, зүгөөр таанад Христоостой хамтаран сэсэн мэргэн болобот! Бидэ ахир һулабди, тиихэдэ таанад хүсэтэй болобот! Бидэнэй нэрые гутаагаа, харин таанад алдар солодо хүртэбэт!

Коринфынхидтэ 2-дохи 11:30

Хэрбээ бахархаха ёһотой байбал, минии һула байһыемни харуулһан юумэнүүдээр бахархахаб.

Коринфынхидтэ 2-дохи 13:11

Мүнөө, аха дүүнэрни, баяртай! Заһарха гэжэ оролдожо, хэлэһэн юумэнүүдыемни анхаржа, хоорондоо эбтэй эетэй, энхэ тайбан байгыт даа. Хайра дуран ба энхэ тайбан үршөөдэг Бурхан таанадтай оршожо байһай!

Коринфынхидтэ 2-дохи 13:4

Хэрээһэн дээрэ хадуулан саазалуулхадаа, Тэрэ һула байбашье, Бурханай хүсэ шадалаар амиды ябаа. Тэрээнтэй нэгэдэхэдээ, бидэ ахир һуланууд байнабди, тиин Тэрээнтэй хамта Бурханай хүсэ шадалаар амиды ябахыемнай таанад харахат.

Коринфынхидтэ 2-дохи 4:12

Энэнь үхэл маанад соо, харин амидарал таанад соо ажаллана гэһэн удхатай юм.

Коринфынхидтэ 2-дохи 7:1

Нүхэдни, Бурхан эдэ найдуулгануудаа маанадта үгөө. Тиимэһээ бэеыемнай, һүнэһэ һүлдыемнай бузарладаг юумэнүүдһээ өөһэдыгөө сэбэрлэел, Бурханда һүгэдэн, гүйсэд арюун байял.

Колоссынхидтэ 1:28

Тиимэһээ бидэ Христоосые хүн бүхэндэ номнонобди. Иисүүс Христоостой нэгэдэһэн хүн бүхэниие Бурханай урда байлгахын тула бидэ бүхы ухаан бодолоороо тэдэниие һурганабди, идханабди.

Колоссынхидтэ 4:12

Иисүүс Христоосой зараса, таанадай үшөө нэгэн болохо Эпапраас таанадта баһа амар мэндые хүргэнэ. Тэрэ таанадай эрхим түгэс боложо, Бурханай эрхэ хүсэлые бүрин мэдэжэ байхын тула таанадай түлөө үргэлжэ Бурханда зальбардаг юм.

Фессалоникиинхидтэ 1-дэхи 3:10

Таанадтай уулзаха, этигэл һүзэгтэтнай дутажа байһан юумые үгэхэ хүсэлтэйгөөр бидэ үдэр һүнигүй Бурханиие үнэн зүрхэнһөө гуйнабди.

Тимофейдэ 2-дохи 3:17

Тиимэһээл Бурханда алба хэһэн хүн бүхэн ямаршье буянтай һайхан хэрэгүүдые хэхэдэ бэлэн байха.

Еврейнүүдтэ 12:23

Нэрэнүүдынь тэнгэридэ бэшэгдэһэн Бурханай эгээн түрүүшын һүзэглэгшэдэй бүлгэмэй гэшүүдынь болон таанад ерээт. Таанад бүхы хүнүүдэй Зарга шүүгшэ болохо Бурханда, эрхим түгэс болоһон үнэн сэдьхэлтэнүүдэй һүлдэнүүдтэнь ерээт.

Еврейнүүдтэ 6:1

Христоосой һургаалай түрүүшын хэшээлнүүдые хойноо орхижо, урагшаа дабшаял. Үхэлдэ хүргэдэг хэрэгүүдээ орхижо, Бурханда һүзэглэхэ, уһаар арюудхаха болон гараараа адислаха тухай, үхэһэн хүнүүдэй амидырха, хэтын зарга шүүбэри тухай һургаалай һуури дахин табиха хэрэггүй.

Пётрой 1-дэхи хандалга 5:10

Зүгөөр танай зоболонгууд һаядаа дууһаха. Иисүүс Христоостой нэгэдүүлэн, мүнхэ алдараараа хубаалсахын тула таанадые дуудаһан, элдэб үршөөлнүүдэй эхин болохо Бурхан таанадые заһаха, бэхижүүлхэ, хүсэ шадалтай болгохо, батадхаха.