Коринфынхидтэ 1-дэхи 9:23 - Библи

²³ Эдэ бүгэдые би Һайн Мэдээсэлэй түлөө, тэрэнэй адис хэшэгтэ хүртэхын түлөө хэжэ байгааб.

Шэнэ Хэлсээн

²³ Эдэ бүгэдые би Һайн Мэдээсэлэй түлөө, тэрэнэй буян хэшэгые хубаалсахын түлөө хэжэ байгааб.

Коринфынхидтэ 1-дэхи 9:23 ပူးပေါင်းရင်းမြစ်များ

Марк 8:35

Ушарынь хэлэбэл, ами наһаяа абарха һанаатай хүн тэрэнээ алдаха, харин Минии түлөө, мүн Һайн Мэдээсэлэй түлөө ами наһаяа үгэбэл, абарагдаха.

Римэйхиндэ 11:17

Һуулгагдаһан модоной зарим һалаануудыень таһалаад, орондонь зэрлиг оливай һалаануудые һуурижуулба ха. Бусад арадуудай түлөөлэгшэ таанад эгээл тэрэ зэрлиг оливай модотой адлит, мүнөө таанад үндэһэндэ, шэмэ шүүһэндэ баһа хабаатай болобот.

Коринфынхидтэ 1-дэхи 9:12

Хэрбээ бусад зоной таанадһаа дэмжэлгэ хүлеэхэ эрхэтэй байхадань, бидэ бүришье ехэ эрхэтэй бэшэ аалди? Тиигэбэшье бидэ энэ эрхэеэ хэрэглээгүйбди. Орондонь бидэ Христоос тухай Һайн Мэдээсэл ямаршье уршаг бэрхэшээлгүй тараахын тула бүхы юумые тэсэбэритэйгээр дабанабди.

Коринфынхидтэ 1-дэхи 9:22

Бирагүйхэн һүзэгтэй зоной дунда байхадаа, тэдэниие татахын тула бирагүйхэн һүзэгтэнүүдэй нэгэниинь шэнги болоод ябааб. Хүнүүдэй заримыеньшье шадаха зэргээрээ абархын тула би бүхы хүнүүдтэ бүхы юумэн болооб.

Коринфынхидтэ 1-дэхи 9:24

Урилдаанда хабаадалсагшадай бултанайнь нэгэниинь лэ шагналда хүртэдэг гэжэ таанад һайн мэдэнэт. Тиимэһээ шагналда хүртэхын тула гүйгты.

Коринфынхидтэ 2-дохи 2:4

Гашуудан голхорхынтнай тула бэшэ, харин аргагүй ехээр дуратай байһанаа мэдүүлхын тула би ехэл һанаа зобон, ехэл нулимсаа гоожуулан, таанадта бэшээб.

Галадуудта 2:5

Харин бидэ һургаалай бодото удхые хэбээрнь таанадта дамжуулхын тула тэдэнэй үгэдэ ойро зуурашье ороогүй һэмди.

Тимофейдэ 2-дохи 2:10

Бурханай шэлэжэ абаһан хүнүүдэй Иисүүс Христоосой ашаар абарагдан, мүнхын алдарта хүртэхын тула би эдэ зоболонгуудые дабажа байнаб.

Тимофейдэ 2-дохи 2:6

Хүндэ ажал хэжэ байһан таряашан гараһан ургасаһаа түрүүн өөрөө амсаха ёһотой.

Еврейнүүдтэ 3:1

Бурханай баһал Өөртөө дуудаһан арюун гэгээн аха дүүнэрни! Баримталжа байһан һүзэгэймнай Ахамад Санаарта болгогдон эльгээгдэһэн Иисүүс тухай һанажа байгты.

Еврейнүүдтэ 3:14

Хэрбээ бидэ эхилһэн амидаралаа һүүл болоторнь хатуугаар баримталжа байбал, Христоосто хабаатай болонобди.

Пётрой 1-дэхи хандалга 5:1

Мүнөө би танай һүзэглэгшэдэй бүлгэмэй хүтэлэгшэдтэ ханданаб. Би өөрөө бүлгэмэй хүтэлэгшэб, Христоосой зобохыень хараа һэнби, һаядаа элирхэйлэгдэхэ Тэрэнэй алдарые хубаалсахаб.

Иоаннай 1-дэхи хандалга 1:3

Бидэнтэй таанарай харилсахын тула хараһан, дуулаһан юумэеэ бидэ таанарта мэдээсэнэбди. Харин бидэнэр Эсэгэ Бурхантай, Тэрэнэй хүбүүн Иисүүс Христоостой харилсанабди.