Коринфынхидтэ 1-дэхи 9:18 - Библи

¹⁸ Тиихэдээ би ямар шагналда хүртэхэбиб? Түлөөһэгүйгөөр Һайн Мэдээсэл номножо байһамни, номногшынгоо эрхэнүүдые мэдүүлэнгүй ажаллажа байһамни минии шагнал гээшэ.

Шэнэ Хэлсээн

¹⁸ Тиихэдээ би ямар шагналда хүртэхэбиб? Түлөөһэгүйгөөр Һайн Мэдээсэл номножо байһамни, номногшынгоо эрхэнүүдые мэдүүлэнгүй ажаллажа байһамни минии шагнал гээшэ.

Коринфынхидтэ 1-дэхи 9:18 ပူးပေါင်းရင်းမြစ်များ

Иоанн 4:36

Таряа хадагша өөрынгөө түлөөһэ абадаг, мүнхэ амидаралай тула ургаса хуряадаг юм, тиин таряа таригшашье, таряа хадагшашье адли баясадаг байна.

Хэрэгүүд 18:3

Нэгэ ажал урлалгатай дээрэһээ хамта хүдэлбэ. Тэдэнэр майхануудые хэдэг байгаа.

Римэйхиндэ 14:15

Хэрбээ эдижэ байһан юумээрээ ши ондоо хүниие гомдохооболшни, ши хайра дураар хүтэлүүлэгдэнэгүйш. Эдижэ байһан хоолоороо ши тэрэ хүниие доройтуулан бү хосороо. Тэрэ хүнэйшни түлөө Христоос Өөрынгөө амиие үргөө.

Коринфынхидтэ 1-дэхи 10:33

Ямаршье юумэ хэхэдээ, би өөрынгөө аша туһада бэшэ, харин бүхы хүнүүдэй абарагдахын тула, тэдэнэй аша туһада оролдодогби.

Коринфынхидтэ 1-дэхи 3:8

Тариһан, уһалһан хүнүүдэй хоорондо ямаршье илгаа үгы, Бурхан хүн бүхэниие хэһэн ажалайнь зэргээр шагнаха.

Коринфынхидтэ 1-дэхи 7:31

Энэ дэлхэйн баялигуудые хэрэглэжэ байһан хүнүүд энэ дэлхэйн баялигуудта шуналгүй хүнүүдтэл адляар ажамидарха ёһотой, юундэб гэхэдэ, оршон үеын һүнэхэ сагынь ойртоно.

Коринфынхидтэ 1-дэхи 8:9

Гэхэтэй сасуу танай алишье хоол шэлэхэ эрхэтэй байһантнай бирагүйхэн һүзэгтэй зониие нүгэлдэ бү оруулуужа.

Коринфынхидтэ 1-дэхи 9:12

Хэрбээ бусад зоной таанадһаа дэмжэлгэ хүлеэхэ эрхэтэй байхадань, бидэ бүришье ехэ эрхэтэй бэшэ аалди? Тиигэбэшье бидэ энэ эрхэеэ хэрэглээгүйбди. Орондонь бидэ Христоос тухай Һайн Мэдээсэл ямаршье уршаг бэрхэшээлгүй тараахын тула бүхы юумые тэсэбэритэйгээр дабанабди.

Коринфынхидтэ 1-дэхи 9:15

Гэхэтэй зэргэ би энэ дурдаһан эрхэнүүдээ нэгэтэшье хэрэглээгүй һэнби, тиин эрхэеэ мэдүүлхын тулашье энэ бүхэниие мүнөө бэшэнэгүйб. Тиигээ һаа, үхэбэлни дээрэ. Хэншье минии хүлһөөрөө олоһон магтаалые хооһон үгэ болгожо шадахагүй.

Коринфынхидтэ 1-дэхи 9:17

Хэрбээ би ажалаа һайн дураараа хэжэ байбал, шагналда хүртэхэ байгааб; гэхэдэ би Бурханай намда даалгаһан албые дүүргэнэб.

Коринфынхидтэ 2-дохи 4:5

Бидэ өөһэдыгөө айладханагүйбди, харин Иисүүс Христоосые Эзэн гэжэ, бидэ Иисүүсэй аша туһада танай зарасанарбди гэжэ номнонобди.

Фессалоникиинхидтэ 1-дэхи 2:6

Бидэ хэнэйшье, таанадайшье, бэшэшье зоной магтаалда хүртэхые оролдоногүйбди.