Коринфынхидтэ 1-дэхи 9:17 - Библи

¹⁷ Хэрбээ би ажалаа һайн дураараа хэжэ байбал, шагналда хүртэхэ байгааб; гэхэдэ би Бурханай намда даалгаһан албые дүүргэнэб.

Шэнэ Хэлсээн

¹⁷ Хэрбээ би ажалаа һайн дураараа хэжэ байбал, шагналда хүртэхэ байгааб; гэхэдэ би Бурханай намда даалгаһан албые дүүргэжэ байнаб.

Коринфынхидтэ 1-дэхи 9:17 ပူးပေါင်းရင်းမြစ်များ

1 Угай бэшэг 28:9

Ши, минии хүбүүн, Соломоон, өөрынгөө эсэгын Бурханиие мэдэрэ, үнэн зүрхэнһөө, хамаг сэдьхэлһээ Тэрээндээ алба хэжэ яба, Эзэн сэдьхэлыш, һанаан бодолыень мэдэжэ байха. Хэрбэеэ Тэрэниие бэдэрээ һааш, Тэрэниие олохош; харин Тэрэнээ мартабалшни, Тэрэ шамайе хэтын хэтэдэ орхихо.

1 Угай бэшэг 29:14

Юрэдөө би хэнбиб, минии арад хэн бэ, ушараа ойлгоһон дээрэһээ үргэл үргэнэ бэшэ гүбди? Эдэ бүхы Танһаал, Танай гарһаа абаһанаа Тандаал үргэл болгон үргэнэлди,

1 Угай бэшэг 29:5

алташа, мүнгэшэ дархашуулай бүтээхэ элдэб янзын бүтээлнүүдтэ, дархашуулда түлэхэ мүнгэн гээд шэглүүлэгдэхэ. Эзэндээ зорюулан, хэн мүнөө эдэ бүгэдые үргэл болгон үргэхэб?

1 Угай бэшэг 29:9

Тэдэнэй оролдолго хэшээлдэ арад түмэн урмашан баясабад, юуб гэхэдэ, тэдэнэр үнэн сэдьхэлһээ Эзэндээ үргөө бшуу, мүн Давид хааншье соёрхон баясаба.

Нэхэмьяа 11:2

Арад зон Иерусалимда һайн дураараа ажаһууха бологшодые үреэбэ.

Исай 6:8

– Би хэниие ябуулхабиб? Хэн Манай даабари дүүргэхэб? – гэһэн Эзэнэй дуу соносоод, би хэлэбэб: – Би ошохоб, намайе ябуулагты!

Ерэмияа 20:9

Теэд минии: «Эзэн тухай бэшэ һануулхагүйб, Тэрэнэй нэрэһээ бэшэ айладхахагүйб» гэжэ хэлэхэдэ, зүрхэ сэдьхэлдэмни гал шатажа байһандал, яһаарни дамжан гараһандал болоно. Тэрэниие досоогоо барижа туршааб, теэд шаданагүйб.

Эзэкээл 3:14

Эзэн Бурханай асари ехэ һүр һүлдэ намайе өөдэнь үргэжэ, би энээндэнь дурагүйлхэн, досоогоо сухалдаа һэм.

Иона 1:3

Иона Эзэнһээ зугадан, Таршииш ошохоёо зорибо, Яафада хүрэжэ ерэбэ, Таршииш тээшэ тамарха онгосо бэдэржэ олобо, түлбэрииень сүм түлэбэ, онгосо руу оробо, Таршиишта Эзэнһээ хорохо зорилготойгоор бултантай хамта тамаралгада гараба.

Малаахи 1:10

«Минии үргэлэй шэрээ дээрэ гал носоожо байнхаар хэн нэгэнтнай хаалгаяа хааха байгаа. Би таанадта дураа гутажа байнаб, таанадай гарһаа үргэлытнай абахагүйб» гэжэ Түмэн Сэрэгтэ Эзэн айладажа байна.

Матвей 10:41

Лүндэншые лүндэншэ байһанайнь түлөө угтажа абаһан хүн тэрэ лүндэншэтэй адли шагналда хүртэхэ. Баһа үнэн сэдьхэлтэниие үнэн сэдьхэлтэй байһан хадань угтажа абаһан хүн тэрэ үнэн сэдьхэлтэнтэй адли шагналда хүртэхэ.

Матвей 24:25

Болохо бүхы юумые Би таанадта эртэнһээ һэргылжэ хэлэбэб.

Лука 12:42

– Тиигэхэдээ этигэл найдабаритай, ухаантай зарасань хэн бэ? Гэрэйнгээ эрхилэгшээр табяад, бусад зарасанараа даалгажа, эдеэ хоол сагтань үгэжэ байхаар гэрэй эзэн хэниие томилхо гээшэб?

Иоанн 4:36

Таряа хадагша өөрынгөө түлөөһэ абадаг, мүнхэ амидаралай тула ургаса хуряадаг юм, тиин таряа таригшашье, таряа хадагшашье адли баясадаг байна.

Коринфынхидтэ 1-дэхи 3:14

Һуурин дээрэ баригдаһан, гал дүлые тулажа гараһан хүнэй ажал байбал, барилгашань шагналаа абаха.

Коринфынхидтэ 1-дэхи 3:8

Тариһан, уһалһан хүнүүдэй хоорондо ямаршье илгаа үгы, Бурхан хүн бүхэниие хэһэн ажалайнь зэргээр шагнаха.

Коринфынхидтэ 1-дэхи 4:1

Бурханай нюуса тайлбарилжа байхаар табигдаһан юрэ Христоосой зарасанар байһыемнай таанад ойлгохо ёһотойт.

Коринфынхидтэ 1-дэхи 9:16

Тиигээдшье гансал Һайн Мэдээсэлые номножо байһанаараа би омогорхохо эрхэгүйб. Энэ минии уялга мүн. Һайн Мэдээсэлые номноогүй һаа, гай оһол толгой дээрэмни буухал.

Коринфынхидтэ 1-дэхи 9:18

Тиихэдээ би ямар шагналда хүртэхэбиб? Түлөөһэгүйгөөр Һайн Мэдээсэл номножо байһамни, номногшынгоо эрхэнүүдые мэдүүлэнгүй ажаллажа байһамни минии шагнал гээшэ.

Коринфынхидтэ 2-дохи 8:12

Туһалхые аргагүй хүсэжэ байбал, өөһэдтөө байхагүй юумэнһээ бэшэ, харин байһан юумэнһээ үгэхэт гэжэ Бурхан хүлеэнэ ха юм.

Колоссынхидтэ 1:25

Бурхан намайе һүзэглэгшэдэй бүлгэмэй алба хэгшээр табяад, таанадай һайн һайханай түлөө Бурханай үгые гүйсэд номнохо ажал даалгаа. Тэрэ Бурханай үгэ үнгэрһэн үе сагта хүн түрэлхитэнһөө далда байгаа, харин мүнөө Бурханай зондо элирхэйлэгдээ.

Фессалоникиинхидтэ 1-дэхи 2:4

Бурхан бидэниие туршаад, Һайн Мэдээсэл номнохыемнай даалгаа. Тиимэһээ номноходоо, бидэ хүнүүдтэ һайшаагдаха гэжэ оролдодоггүйбди, харин бидэнэй һанал бодолые туршажа байдаг Бурханда һайшаагдаха гэжэ оролдодогбди.

Филимондо 1:14

Гэхэдээ би шинии зүбшөөлгүйгөөр юумэ шиидэхэеэ хүсөөгүйб. Баалалтагүйгөөр, харин өөрынгөө һайн дураар һайн хэрэг бүтээбэлшни намда һайшаагдаха һэн.