Коринфынхидтэ 1-дэхи 9:16 - Библи

¹⁶ Тиигээдшье гансал Һайн Мэдээсэлые номножо байһанаараа би омогорхохо эрхэгүйб. Энэ минии уялга мүн. Һайн Мэдээсэлые номноогүй һаа, гай оһол толгой дээрэмни буухал.

Шэнэ Хэлсээн

¹⁶ Тиигээдшье гансал Һайн Мэдээсэлые номножо байһанаараа би омогорхохо эрхэгүйб. Энэ минии уялга юм. Һайн Мэдээсэлые номноогүй һаа, гай гашуудал толгой дээрэмни буухал.

Коринфынхидтэ 1-дэхи 9:16 ပူးပေါင်းရင်းမြစ်များ

Исай 6:5

Тиихэдэнь би иигэжэ хэлэбэб: – Ай даа! Һалахамнил! Хэлэһэн үгэ бүхэмни нүгэл шэбэлтэй, нүгэл шэбэл дуугардаг зоной дунда ажаһуунаб. Тиимэ аад, Түмэн Сэрэгтэ Эзэн Хааниие хараалби.

Ерэмияа 1:17

Ши одоо бэеэ зэһээд, Минии захирһан бүхы юумэ тэдээндэ ошожо дуулга. Тэдээнһээ бү ай, үгы һааш, Би шамайе тэдэнэй урда бүри ехээр айлгахаб!

Ерэмияа 20:7

Эзэмни, Та намтай аяглан, дурыем татажа, би татагдабаб. Та намһаа хүсэтэйт, тиимэһээ намайе диилэбэт. Би бүхэли үдэрэй туршада зоной наада-энеэдэн болоноб, хүн бүхэн намайе баһана.

Ерэмияа 20:9

Теэд минии: «Эзэн тухай бэшэ һануулхагүйб, Тэрэнэй нэрэһээ бэшэ айладхахагүйб» гэжэ хэлэхэдэ, зүрхэ сэдьхэлдэмни гал шатажа байһандал, яһаарни дамжан гараһандал болоно. Тэрэниие досоогоо барижа туршааб, теэд шаданагүйб.

Амоос 3:8

Арсаланай архирхада хэн айхагүйб?! Эзэн Бурханай айладхахада хэн лүндэн табингүй байхаб?!

Амоос 7:15

Теэд Эзэн намайе хонидһоомни таһалжа, «арад түмэн Израильдам лүндэн таби» гэжэ захираа.

Матвей 25:16

Табан мянган алтан мүнгэ абаһан түрүүшын зарасань мүнгэеэ ашагтайгаар эрьесэдэ оруулжа, үшөө табан мянган алтан мүнгэнэй ашаг олзотой болобо.

Лука 9:62

– Газар хахалхаяа анзаһа бариһан аад, гэдэргээ хаража сухариһан хүн Бурханай хаан түрэдэ хэрэггүй, – гэжэ Иисүүс тэрээндэ хэлэбэ.

Хэрэгүүд 4:20

Бидэ хараһан дуулаһан юумэн тухайгаа хөөрэнгүй байжа шадахагүйбди, – гэжэ харюусаба.

Хэрэгүүд 9:15

Гэбэшье Эзэн Ананияда: – Ошо! Би тэрэниие Намда алба хэхээр шэлэжэ абааб. Тэрэ Минии нэрэ алдар тухай бүхы арадуудта, хаашуулда, Израилиин зондо дуулгаха.

Хэрэгүүд 9:6

– Эзэн аа, иигэхэдээ би яаха болонобиб? – гэжэ ехээр айн һүрдэһэн Саул асууба. – Мүнөө бодоод хото ошо, юу хэхэ тухайшни тэндэ шамда хэлэгдэхэ, – гэжэ Эзэн харюусаба.

Римэйхиндэ 1:14

Хүнүүд хүмүүжүүлэгдэһэн гү, али хүмүүжүүлэгдээгүй гү, эрдэм ухаантай гү, али ном болбосоролгүй байна гү, илгаагүй юм. Би хүн бүхэндэ Һайн Мэдээсэлые номнохо ёһотой хүм. Тиимэл ушарһаа би Римдэ һууһан таанадташье ошожо номнохые аргагүй ехээр хүсэнэб.

Римэйхиндэ 15:17

Иисүүс Христоосой ашаар Бурханда алба хэжэ байһанаараа би бахархаха аргатайб.

Римэйхиндэ 4:2

Хэрбээ тэрэ хэһэн хэрэгүүдээрээ Бурханай урда үнэн сэдьхэлтэн гэжэ тоологдобол, бахархаха юумэтэй байха. Гэхэтэй сасуу Абраһаам тэрэ хэрэгүүдээрээ Бурханай урда хэзээшье бахархажа шадахагүй.

Коринфынхидтэ 1-дэхи 4:15

Яажа Христоостой ажамидархаб гэжэ таанадые һургадаг үй түмэн хүтэлэгшэд байхаданьшье, таанадта гансал эсэгэ байна. Христоос Иисүүстэй нэгэдэхэдэтнай би таанадта Һайн Мэдээсэлые хүргэн, эсэгэтнай болооб.

Коринфынхидтэ 1-дэхи 9:12

Хэрбээ бусад зоной таанадһаа дэмжэлгэ хүлеэхэ эрхэтэй байхадань, бидэ бүришье ехэ эрхэтэй бэшэ аалди? Тиигэбэшье бидэ энэ эрхэеэ хэрэглээгүйбди. Орондонь бидэ Христоос тухай Һайн Мэдээсэл ямаршье уршаг бэрхэшээлгүй тараахын тула бүхы юумые тэсэбэритэйгээр дабанабди.

Коринфынхидтэ 1-дэхи 9:14

Тон тиигэжэл номнолгоороо хоолойгоо тэжээжэ байхыень Эзэн Һайн Мэдээсэл номногшодто захираа юм.

Коринфынхидтэ 2-дохи 2:12

Христоос тухай һайн мэдээсэл номнохоёо Троада хото ерэхэдэмни, Эзэн бүхы хэрэгүүдтэмни урагшатай байгаа.

Колоссынхидтэ 4:17

«Эзэнэй даалгаһан ажалые бүтээгээрэй», – гэжэ Архипда хэлээрэйт.

1 Хаан түрэнүүд 12:23

Мүн би таанадай түлөө зальбархаяа болихогүйб – Эзэнэй урда нүгэл хэхэеэ тэбшэхэб. Би таанадта һайн, сэхэ зам заахаб.