Коринфынхидтэ 1-дэхи 8:9 - Библи

⁹ Гэхэтэй сасуу танай алишье хоол шэлэхэ эрхэтэй байһантнай бирагүйхэн һүзэгтэй зониие нүгэлдэ бү оруулуужа.

Шэнэ Хэлсээн

⁹ Гэхэтэй сасуу танай эрхэ сүлөөтнай ахир һула һүзэгтэй зониие нүгэлдэ бү оруулуужа.

Коринфынхидтэ 1-дэхи 8:9 ပူးပေါင်းရင်းမြစ်များ

Исай 35:3

Тэнхээгүй гарые хүсэтэй болгон, һуларһан үбдэг бата болгогты.

Исай 57:14

Эзэн иигэжэ айладхана: «Минии арад түмэнэй Нам руугаа бусахадань туһалагты. Харгы зам жэгдэлэгты. Харгы дээрэ байгша һаалта зүйлнүүдые үгы хэгты.

Эзэкээл 14:3

– Хүнэй үри Эзэкээл! Эдэ зон зүрхэ сэдьхэлээ онгонуудта зорюулжа, гэмтэ зам шэлэнхэй. Тиигээд мүнөө болоходо тэдээндэ зүбшэл үгэхэ гэжэ Намайе һанана гү?

Эзэкээл 44:12

Израилиин зоной онгонуудта мүргэхэ ёһололнуудые үнгэргэдэг, иигэжэ нүгэл шэбэл дэлгэрүүлһэнэйнь түлөө Би, Эзэн Бурхан, тэдэнэй урдаһаа гараа далайхаб, тиигэжэ тэдэниие хэһээхэб!

Левит 19:14

Дүлии хүниие бү хараа, һохор хүнэй урда торожо унахынь түлөө юумэ бү таби. Өөрынгөө Бурханһаа һүрдэн ай. Би Эзэн гээшэб.

Матвей 18:10

Таанад эдэ багашуулай нэгыеньшье доогуур бү харагты, тэдэнэй тэнгэридэ оршогшо һахюуһан – Эльгээмэлнүүдынь – Минии Эсэгын шарайе хододоо тэнгэридэ хаража байдаг юм гэжэ танда хэлэнэб.

Римэйхиндэ 15:1

Бата һүзэгтэй бидэнэр ганса бэе тухайгаа бодохо ёһогүйбди, харин һүзэгөөр бирагүйхэн зониие дэмжэхэ ёһотойбди.

Коринфынхидтэ 1-дэхи 10:24

Нэгэнтнайшье өөрынгөө һайн һайханай түлөө бү оролдог, харин бусадай аша тулада оролдожо байг.

Коринфынхидтэ 1-дэхи 10:28

Харин хэн нэгэнэй: «Энэ эдеэн онгонуудта үргэгдөөтэй», – гэжэ таанадта хэлэбэлнь, тэрэ хэлэһэн хүнэй аша туһада, бусадай һанаае зобоохогүйн тула тэрэ эдеэнһээ бү амсаарайт.

Коринфынхидтэ 1-дэхи 10:29

Би танай һэшхэл тухай бэшэ, харин бусад зоной һэшхэл тухай бодон хэлэнэб. Минии эрхэ сүлөө бусад зоной һэшхэлээр бү шүүмжэлэгдэһэй гэжэ хүсэнэб.

Коринфынхидтэ 1-дэхи 10:32

Иудейнүүдтэшье, бусад арадай зондошье, Бурханай һүзэглэгшэдэй бүлгэмдэшье ямаршье гомдохол түрүүлэнгүй ажамидарагты.

Коринфынхидтэ 1-дэхи 8:10

Тиимэ бирагүйхэн һүзэгтэн онгонуудта шүтэдэг газарта юумэ мэдэрһэн шинии эдеэлхыешни хараад, онгонуудта үргэгдэһэн эдеэ амсахаяа һанахагүй гү гэжэ бодоод үзөөрэй.

Коринфынхидтэ 1-дэхи 8:12

Тиигэжэ таанад һүзэглэгшэ аха дүүгэйнгээ урда нүгэл абахадаа, бирагүйхэн һэшхэлыень доройтуулжа, Христоосой урда нүгэл хэнэт.

Коринфынхидтэ 1-дэхи 9:22

Бирагүйхэн һүзэгтэй зоной дунда байхадаа, тэдэниие татахын тула бирагүйхэн һүзэгтэнүүдэй нэгэниинь шэнги болоод ябааб. Хүнүүдэй заримыеньшье шадаха зэргээрээ абархын тула би бүхы хүнүүдтэ бүхы юумэн болооб.

Коринфынхидтэ 2-дохи 11:21

Тиигэжэ өөһэдыгөө абажа ябадаг зөөлэн һуланууд байгаабди гэжэ эшэжэ хэлэнэб! Хэрбээ бусадай өөһэдөөрөө бахархахаяа зүрхэлбэл, бишье зүрхэлнэб. Тиихэдээ минии тэнэг байһамни мэдээжэ.

Коринфынхидтэ 2-дохи 11:29

Хэн нэгэнэй һулархада, бишье һуларһан шэнги байдагби. Хэн нэгэнэй хорхойтолгодо абтан нүгэл үйлэдэхэдэ, бишье тэрэнэй түлөө сухалдадагби.

Коринфынхидтэ 2-дохи 6:3

Ямаршье зондо бэрхэшээлнүүдые ушаруулхаяа бидэ оролдоногүйбди, тиимэһээ хэжэ байһан ажалдамнай алдуу дутагдал олохо шалтаг бидэ хэндэшье үгэнэгүйбди.

Галадуудта 5:13

Аха дүүнэрни, Бурхан таанадые эрхэ сүлөөдэ дуудаа. Энэ эрхэ сүлөөтнай хүсэлэнгүүдээ хангахын тулада муу юумэ үйлэдэхэ харгыда таанадые гансал бү түлхиг. Таанад бэе бэедээ дуратай байгты, бэе бэедээ туһалжа байгты.

Колоссынхидтэ 2:8

Христоосһоо бэшэ, харин замбуулиниие захирһан хүсэнүүдһээ, хүнүүдэй хөөрэдэг үльгэрнүүдһээ эхи абадаг дэмы хооһон, хуурмаг үгэнүүдэй эльбэдэ абтаад, богоолшолуулхаһаа һэргылэгты.

Пётрой 1-дэхи хандалга 2:16

Эрхэ сүлөөтэй хүнүүдтэл адляар ажамидарагты. Зүгөөр элдэб янзын нүгэлнүүдээ нюухын тула тэрэ эрхэ сүлөөгөө бү хэрэглэгты. Таанад Бурханай зарасанарта адляар ажамидарагты.

Пётрой 2-дохи хандалга 2:19

Өөһэдөө үхэлэй барлагууд байһан мүртөө мэхэдээ оруулһан хүнүүдтэ эрхэ сүлөө амалдаг. Бидэниие ямар юумэн иланаб, бидэ тэрэ юумэнэй барлагууд болонобди.

Гэршэлгэ 2:14

Теэд таанадые зэмэлхэ зарим юумэн Намда бии: Балаһаамай һургаалые баримталагша хүнүүд таанарай дунда байдаг. Балаһаам хадаа Израилиин зониие нүгэл шэбэлдэ оруулха, хуурмаг бурхануудта үргэһэн эдеэнһээ амсуулха, зальхай һамуу ябадалтай болгохо тухай Балаак хааниие һургаа һэн.