Коринфынхидтэ 1-дэхи 8:5 - Библи

⁵ Тэнгэри дээрэ гү, али газар дээрэ бурхад гэжэ нэрлэгдэдэг юумэнүүдэй байбашье, олон түрэлэй бурхадай, эзэдэй байбашье,

Шэнэ Хэлсээн

⁵ Тэнгэри дээрэ гү, али газар дээрэ бурхад гэжэ нэрлэгдэдэг юумэнүүдэй байбашье, олон түрэлэй бурхадай, эзэдэй байбашье,

Коринфынхидтэ 1-дэхи 8:5 ပူးပေါင်းရင်းမြစ်များ

Ерэмияа 11:13

Иудын хан түрын хото бүхэндэ өөрын бурхан бии. Иерусалимай үйлсэ бүхэндэ жэгшүүритэй муухай юумэндэ үргэлэй шэрээ табигдаа, Баалда санзай ууюулхын тула тэдэ бодхоогдоо.

Ерэмияа 2:11

Ямаршье арад үндэһэтэн бурхадаа һэлгэжэ байгаагүй, бурхадайнь бурхадшье бэшэ байгаа хадань тиигэжэ байгаагүй. Харин Минии арад зон Намайе, нэрэ хүндэ тэдээндэ олгуулһан Бурханиие, орхижо, аша туһагүй шүтөөнүүдтэ мүргэжэ эхилээ.

Ерэмияа 2:28

Өөһэдтөө хэһэн бурхадтнай хаана юм? Гай гасаланай таанадта тохёолдоходо, тэдэ абаржа шадаха юм һаа, ерэжэ абараг лэ. Иуда, хэды олон хотонуудтайбта, тэды олон бурхадтай таанад байнат.

Даниил 5:4

Үзэмэй дараһан архи уужа байгаад, тэдэ алтан, мүнгэн, гуулин, түмэр, модон болон шулуун бурхадаа магтан байба.

Матвей 27:17

Тиин улад зоной суглархадань, Пилат тэдэнһээ: – Таанар ямар хүниие сүлөөдэ табюулха дуратай байнабта: Иисүүс Бараббаае гү, али Бурханай табисуурта Христоос гэжэ алдаршаһан Иисүүсые гү? – гэжэ һураба.

Галадуудта 4:8

Урдань таанад Бурханиие мэдэхэгүй ушарһаа үнэн дээрээ бурхад бэшэ «бурхадуудта» алба хэжэ байгаат.

Хуули дабталга 10:17

Юуб гэхэдэ, Эзэн Бурхантнай бурхадай ехэ Бурхан, эзэдэй ехэ Эзэн, Тэрэ агууехэ, асари хүсэтэй, һүрөөтэй Бурхан. Тэрэ нюур илгажа байдаггүй, эдилгэ абадаггүй,

Фессалоникиинхидтэ 2-дохи 2:4

Бурханда, нангин гэжэ нэрлэгдэдэг бүхы юумэндэ тэрэ хүн эсэргүүсэхэ, тэдэ бүхэнэй дээгүүр өөрыгөө табиха. Тиихэдээ тэрэ бүри Һүмэдэ һуугаад, өөрыгөө Бурханби гэжэ баталан хэлэхэ.