Коринфынхидтэ 1-дэхи 8:1 - Библи

¹ Мүнөө онгонуудта үргэгдэһэн эдеэн тухай асуудалаар хөөрэлдэе. Бидэ булта мэдэлгэтэйбди гэжэ тэдэнэй хэлээшэ үнэн зүб юм. Гэхэдэ тиимэ мэдэлгэ хүниие омог бардам болгодог, харин хайра дуран бэхижүүлдэг юм.

Шэнэ Хэлсээн

¹ Мүнөө таанадай бэшэһэн онгонуудта үргэгдэһэн эдеэн тухай хөөрэлдэе. Бидэ булта мэдэлгэтэйбди гэжэ тэдэнэй хэлээшэ үнэн зүб юм. Гэхэдэ тиимэ мэдэлгэ хүниие омог бардам болгодог, харин хайра дуран бэхижүүлдэг юм.

Коринфынхидтэ 1-дэхи 8:1 ပူးပေါင်းရင်းမြစ်များ

Исай 47:10

Муу юумэ хэхэдээ бэрхэ бэлэйш, хэншье энээнииеш харахагүй гэжэ һанааш. Сэсэн мэргэн ухааншни, эрдэм мэдэсэшни шамайе төөрюулээ. Бил гээшэб, намһаа ондоо хэншье байхагүй гэжэ шэбшэжэ байгааш.

Исай 5:21

Өөһэдыгөө ехэ сэсэн мэргэн, ухаатайбди гэжэ һанажа байгаашад гай гасаланда орохо!

Тоололго 25:2

Моһааб басагад өөһэдынгөө бурхадта үргэл үргэхэдөө, Израилиин эрэшүүлые уриба. Израильшууд үргэлэй мяха эдижэ, тэдэнэй бурхадта мүргэбэ.

Хэрэгүүд 15:10

Тиигээд үбгэ эсэгэнэртэмнайшье, маанадташье даагдахагүй хүндэ ашаае шабинарай хүзүүндэ тээхэеэ оролдон, Бурханиие мүнөө юундэ туршаа юмта.

Хэрэгүүд 21:25

Бусад арадуудай дундаһаа Христоосто һүзэглэһэн зон тухай хэлэбэл, тэдэ бидэнэй урда бэшэһэн захиралтые дүүргэхэ ёһотой: онгонуудта үргэжэ бузарлагдаһан боожо алаһан амитадай шуһа, мяха амсангүй, забхайрангүй байгаарайгты.

Римэйхиндэ 11:25

Аха дүүнэр, өөһэдыгөө сэсэн ухаатайбди гэжэ бодожо байхагүйнтнай тула энэ нюуса үнэниие таанадта мэдүүлхэ һанаатайб. Израилиин зарим зон хододоо тиимэ зүрюу байхагүй, тэдэнэр шэлэгдэһэн бусад арадуудай бүрин Бурханда ерэтэр лэ тиимэ байха.

Римэйхиндэ 12:16

Хоорондоо нэгэ һанал бодолтой һуугты. Омогорхол бахархалгүйгөөр юрын хүнүүдтэй нүхэсэгты. Өөһэд тухайгаа сэсэн ухаантайбди гэжэ бү бодогты.

Римэйхиндэ 14:10

Тиихэдээ ши юундэ һүзэглэгшэ аха дүүгээ шүүбэрилээ хүмши? Али яахадаа ши һүзэглэгшэ аха дүүгээ доогуур хараа хүмши? Бидэ бултадаал Бурханай зарга шүүбэридэ орохо ха юмбибди.

Римэйхиндэ 14:14

Ямаршье хоол барижа болохо гэжэ Эзэн Иисүүс намда бата этигэл үгөө. Хэрбээ таанад зарим эдихэ юумээ бузартай гэжэ тоолоо һаа, тэрэ эдеэнтнай танда бузартай байха.

Римэйхиндэ 14:19

Тиимэһээл бидэ энхэ тайбаниие найруулдаг, бэе бэеынгээ һүзэг бэхижүүлдэг юумэнүүдтэ зорижо байха ёһотойбди.

Римэйхиндэ 14:22

Эдэ мэтэ һанамжануудаа зосоогоо баряад, Бурхандаал мэдүүлээд бай. Эдиһэн ууһан юумээрээ һэшхэлдээ гэмнүүлээгүй хүн жаргалтай байна!

Римэйхиндэ 14:3

Ямаршье юумэ эдидэг хүн нүгөөдэ эдидэггүй хүнөө доогуур бү хараг; тиин гансал ургамал эдидэг хүн үнөөхи ямаршье юумэ эдидэг хүнөө бү шүүбэрилэг, Бурхан тэрэ хүниие һайшаагаад байна ха юм.

Римэйхиндэ 15:14

Аха дүүнэрни, таанад эрхим һайнта, элдэб янзын эрдэм мэдэрэлтэйт, бэе бэеэ һургаха аргатайт гэжэ би хатуу этигэлтэйб.

Коринфынхидтэ 1-дэхи 1:5

Христоостой нэгэдэхэдээ, таанад алишье талаһаа баяжабат, зондо Бурханай мэдээсэл дуулгахадаашье, тэрэниие ойлгоходоошье эрхим һайн болобот.

Коринфынхидтэ 1-дэхи 10:15

Би таанадые бодомжолхо аргатай хүнүүд гэжэ тоолон хэлэнэб, тиимэһээ хэлэһэн юумэнүүд тухаймни өөһэдөө бодооройгты.

Коринфынхидтэ 1-дэхи 10:28

Харин хэн нэгэнэй: «Энэ эдеэн онгонуудта үргэгдөөтэй», – гэжэ таанадта хэлэбэлнь, тэрэ хэлэһэн хүнэй аша туһада, бусадай һанаае зобоохогүйн тула тэрэ эдеэнһээ бү амсаарайт.

Коринфынхидтэ 1-дэхи 14:20

Аха дүүнэр, таанад үхибүүдтэл адляар бодомжолхоёо болигты. Нүгэл шэбэлэй талаар зэмэгүй хүүгэд байгты, харин бодомжолходоо, наһаяа хүсэһэн хүнүүд байгты.

Коринфынхидтэ 1-дэхи 15:34

Ой ухаандаа орогты, нүгэл хэхэеэ болигты. Заримантнай Бурханиие мэдэхэгүй, тиин эшэжэ зобожо байхаартнай энээниие хэлэнэб.

Коринфынхидтэ 1-дэхи 4:10

Бидэ Христоосой түлөө тэнэг болообди, зүгөөр таанад Христоостой хамтаран сэсэн мэргэн болобот! Бидэ ахир һулабди, тиихэдэ таанад хүсэтэй болобот! Бидэнэй нэрые гутаагаа, харин таанад алдар солодо хүртэбэт!

Коринфынхидтэ 1-дэхи 4:18

Таанадые би эрьежэ ошохогүйб гэжэ бодон заримантнай хамараа үргэшэбэ.

Коринфынхидтэ 1-дэхи 4:6

Аха дүүнэр, таанадайл аша туһада би эдэ бүхэниие Аполлос бидэ хоёрой жэшээ дээрэ харуулбаб. Хүн бүхэнтнай Бурханай һургаалые гүйсэдхэжэ байһай гэжэ хүсэнэб. Хэнтнайшье нэгэ хүнөө хүндэлөөд, нүгөөдэеэ баһаад бү ябаһай.

Коринфынхидтэ 1-дэхи 5:2

Харин тиихэдэ таанад омогорхолдобот! Орондонь таанад гашуудаха байгаат, тиимэ бузар юумэ хэһэн хүниие өөһэдһөө холодуулха ёһотой байгаат.

Коринфынхидтэ 1-дэхи 5:6

Таанадай омогорхолдожо байһантнай буруу. Багахан эһээбэри бүхы эдьхүүр эһээдэг гэдэгые таанад мэдэхэгүй аалта?

Коринфынхидтэ 1-дэхи 8:2

Ехэ юумэ мэдэнэб гэжэ бодоһон хүн үнэндөө болбол юушье мэдэдэггүй.

Коринфынхидтэ 1-дэхи 8:4

Онгонуудта үргэгдэһэн хоол бариха тухай хэлэбэл, онгонууд юуншье бэшэ, зүбхэн ори ганса Бурхан бии юм гэжэ бидэ мэдэнэбди.

Коринфынхидтэ 1-дэхи 8:7

Энэ үнэн юумые зарим зон мэдэдэггүй. Зариман мүнөө болотор онгонуудта үргэгдэһэн хоол эдихые онгонуудые тахиһантай адляар урдынхяараа сэдьхэдэг. Тиин тэрэ эдеэ амсан, бирагүйхэн һэшхэлээ бузарлуулдаг.

Эфесэйхиндэ 4:16

Христоосой хүтэлбэри доро бэеын эрхэтэнүүд бүхэ зангилаагаар холбогдонхой байһанһаа боложо бэе өөрөө бүрин бүтэн байна. Эрхэтэн бүхэн өөрынгөө хэхэ ёһотой үүргые дүүргээд, бүхы бэе хайра дурын ашаар ургажа, өөрыгөө бүрилдүүлнэ.

Колоссынхидтэ 2:18

Үзэл үзэдэг хадаа бусад хүнүүдһээ дээгүүрби гэдэг хүнүүд, даруу зантай байһан хэбэр үзүүлдэг хүнүүд, Эльгээмэлнүүдтэ шүтэдэг хүнүүд шагналыетнай бү буляаг лэ. Тиимэ хүнүүд ехэ ухаатайб гэжэ дэмы һайрхана. Үнэндөө тэдэнэр тэнэгүүд юм.

Гэршэлгэ 2:14

Теэд таанадые зэмэлхэ зарим юумэн Намда бии: Балаһаамай һургаалые баримталагша хүнүүд таанарай дунда байдаг. Балаһаам хадаа Израилиин зониие нүгэл шэбэлдэ оруулха, хуурмаг бурхануудта үргэһэн эдеэнһээ амсуулха, зальхай һамуу ябадалтай болгохо тухай Балаак хааниие һургаа һэн.

Гэршэлгэ 2:20

Теэд таанадые зэмэлхэ зарим юумэн Намда бии: өөрыгөө лүндэншэ гээд тоолодог Изээбэл һамгые таанад зүбшөөнэт; тэрэ һамган өөрынгөө һургаал заабариие номножо, Минии зарасанарай тархи толгой эрьюулнэ, тэдэниием зальхай һамуу ябадалтай болгоно, худал бурхануудта үргэһэн хоол эдюулжэ һургана.