Коринфынхидтэ 1-дэхи 7:29 - Библи

²⁹ Аха дүүнэр, би таанадта иимэ удхатайгаар хэлэнэб: саг багал үлэнэ, тиимэһээ гэрлэһэн хүнүүд гэрлээгүй хүнүүдтэл адли ажамидарха ёһотой.

Шэнэ Хэлсээн

²⁹ Аха дүүнэр, би таанадта иимэ удхатайгаар хэлэнэб: саг багал үлэжэ байна, тиимэһээ гэрлэһэн хүнүүд гэрлээгүй хүнүүдтэл адли ажамидарха ёһотой.

Коринфынхидтэ 1-дэхи 7:29 ပူးပေါင်းရင်းမြစ်များ

2 Хаан түрэнүүд 19:34

Теэд Барзиллай иигэжэ харюусаба: – Үндэр түрэлтэ хаан! Би үндэр наһатайб. Тантай хамта Иерусалим ошоошье хадаа би хэды удаан амиды мэндэ ябахабиб даа?

Экклезиаст 6:12

Һүүдэр мэтэ үнгэрдэг удхагүй амидаралай үсөөхэн үдэрнүүдтэ өөртэнь юун һайн бэ гэжэ хэн мэдэхэб? Нарата дэлхэйдэ өөрһөөнь хойшо юунэй болохые тэрээндэ хэн хэлэжэ шадахаб?

Экклезиаст 9:10

Гарайнгаа хэжэ шадаха юумэ шадал соогоо хэгты. Ушарынь гэхэдэ, үхэлэй орондо ошоходош, тэндэ ажал үйлэ, бодол сэдьхэлгэ, мэдэсэ, мэргэн ухаан гэжэ байхагүй.

Эзэкээл 7:12

Тэрэ саг ерэхэнь! Худалдажа абааша, худалдаашашье дэмы оролдолго гаргана, юуб гэхэдэ, Бурханай уур хилэн хүн бүхэн дээрэ бууха.

Лука 14:20

«Би һаял һамга абабаб, тиимэһээ ошожо шадахагүй байнаб», – гэжэ гурбадахинь захюулба.

Коринфынхидтэ 1-дэхи 7:28

Һамга абаашье һаа, ши нүгэл шэбэлдэ унахагүйш, хадамгүй басаганшье хадамда гарабал, нүгэл шэбэлдэ унахагүй. Гэрлэһэн хүнүүдтэ үдэр бүхэн бэрхэшээлнүүд тулгардаг юм, тиин би таанадые тэдэ бэрхэшээлнүүдһээ һэргылнэб.

Коринфынхидтэ 1-дэхи 7:30

Уйлажа байһан хүнүүд гашуудал амсаагүй хүнүүдтэл адляар, баярлажа байһан хүнүүд жаргал амсаагүй хүнүүдтэл адляар, юумэ худалдажа абаһан хүнүүд зөөри зөөшэгүй хүнүүдтэл адляар ажамидарха ёһотой.

Коринфынхидтэ 1-дэхи 7:31

Энэ дэлхэйн баялигуудые хэрэглэжэ байһан хүнүүд энэ дэлхэйн баялигуудта шуналгүй хүнүүдтэл адляар ажамидарха ёһотой, юундэб гэхэдэ, оршон үеын һүнэхэ сагынь ойртоно.

Пётрой 1-дэхи хандалга 1:24

«Бүхы зон үбһэ ногоон мэтэ, гоё һайханиинь хээрын сэсэг мэтэ удахагүй, набша намаа хатан хагдардаг, сэсэгынь унадаг.

Пётрой 1-дэхи хандалга 4:7

Бүхы юумэнэй эсэс ойртожо байна. Тиимэһээ һэргэлэн байгты, бэеэ баригты, тиигэбэл зальбарха аргатай байхат.

Иоаннай 1-дэхи хандалга 2:17

Харин оршолон юртэмсэ энэ дэлхэйдэ һайшаагдадаг бүхы юумэнтэй хамта һүнэн һалаха. Эсэгэ Бурханай дура хүсэлые сахин бэелүүлэгшэл хэтэ мүнхэдөө амиды ябаха.