Коринфынхидтэ 1-дэхи 6:9 - Библи

⁹ Харата хэрэг үйлэдэгшэд Бурханай хаан орониие залгамжалхагүй гэжэ таанад мэдэхэгүй аалта? Бү эндүүрэгты: забхайралдагшад, онгонуудта шүтэгшэд, нүхэртөө, али эхэнэртээ урбагшад, эрэшүүлтэй гүйлдэдэг эрэ хүнүүд,

Шэнэ Хэлсээн

⁹ Харата хэрэг үйлэдэгшэд Бурханай хаан орониие залгамжалхагүй юм гэжэ таанад мэдэхэгүй аалта? Бү эндүүрэгты: забхайралдагшадшье, онгонуудта шүтэгшэдшье, нүхэртөө, али эхэнэртээ урбагшадшье, эрэшүүлтэй гүйлдэдэг эрэ хүнүүдшье,

Коринфынхидтэ 1-дэхи 6:9 ပူးပေါင်းရင်းမြစ်များ

Эхин 19:5

тэрэниие дуудан: – Танайда үдэшэ ерэһэн зон хаанаб? Наашань тэдэниие гарга! Одоо бидэ зоргоороо тэдэниие эдлэхэбди! – гэжэ хашхаралдаба.

Египедһээ гаралга 23:1

«Гүжэр үгэ дабтажа бү байгаарай. Хэрэг шүүлгэдэ гүжэрдэгшые бү дэмжэ, юуб гэхэдэ, шинии гэршэлэлгээр буруу шиидхэбэри абтажа болохо.

Һургаал 11:1

Алдуутай шэгнүүр Эзэнэй зэбүүсэл түрүүлдэг, зүбөөр шэгнэлгэ Тэрэнэй һанаанда таараха.

Һургаал 22:8

Үнэн шударга бэшэ ябадал таригша өөртөө зоболон хуряаха. Тиигэжэ уур хилэнгэйнь һабаа үгы болохо.

Һургаал 7:27

Тэрэнэй гэр – Үхэлэй орондо хүргэхэ харгы, үхэлэй танхимууд руу уруудаһан харгы болоно.

Исай 55:7

Муу хүн тэрэ замаа орхиг, нүгэлтэй хүн һанаа бодолоо хубилгаг, Эзэн руу эрьег лэ! Тэрэ хүлисэхэ. Манай Бурхан хүлисэхэ уужам сэдьхэлтэйл.

Эзэкээл 18:11

Хэдэг муу муухай юумыень эсэгэньшье оройдоо хээгүйл. Хүбүүниинь обоонуудта тахигдаһан үргэлһөө хүртэдэг, ондоо хүнэй һамгантай унтадаг,

Левит 18:20

Ондоо хүнэй һамгантай ташаяан бү үйлэдэ, бузартахаш.

Левит 18:22

Һамгантай хэбтэһэн мэтээр эрэ хүнтэй бү хэбтэ, энэ жэгшүүритэй ябадал гээшэ.

Левит 19:15

Зарга шүүбэридэ ороходоо, худалаар бү хэлэгты. Үгытэй хүнэй нюур бү сахигты. Ехэ хүндэ бү һүгэдэгты. Хажуудахи хүнэйнгөө үйлэ хэрэг үнэн сэхээр шүүбэрилэгты.

Левит 20:13

Эрэ хүн эрэ хүнтэй хурисал үйлэдөө һаа, зэбүүрхэмэ муухай юумэ хээ гээшэ. Тэдэ хоюулаа алуулха ёһотой.

Захарияа 5:3

Эльгээмэл намда иигэжэ хэлэбэ: – Энэ хадаа бүхы газар дэлхэйдэ бууһан хараал гээшэ. Хулгай хэһэн хамаг амитан һүнэхэ гэжэ нэгэ таладань бэшээтэй, худалаар тангариг үгэһэн хүншье баһал һүнөөгдэхэ гэжэ нүгөө таладань бэшээтэй.

Матвей 19:29

Баһа Минии түлөө гэр байраяа гү, аха дүүнэрээ гү, эгэшэ дүүнэрээ гү, аба эжыгээ гү, һамга үхибүүдээ гү, али эдлэжэ байһан газараа орхиһон хүн бүхэн зуу дахин ехэ юумэ абаха, үшөө тиихэдэ мүнхын амидаралда хүртэхэ.

Матвей 25:34

Тиигээд хаан Тэрэнэй баруун талада байгаашадта хандажа: «Минии Эсэгын үршөөл хайрада хүртэгшэ таанад ерэжэ, юртэмсэ дэлхэйн бии болохоһоо нааша таанарта бэлдэгдэһэн хаан түрэ халан абагты.

Лука 21:8

Иисүүс хэлэбэ: – Һэргэлэн байгты, хүнэй мэхэдэ бү орогты. Юуб гэхэдэ, олон хүнүүд Минии нэрые зүүжэ ерэхэ: «Би Бурханай табисууртаб», – гэжэ өөһэд тухайгаа гэршэлхэ, «Зарга шүүбэриин саг ойртобо», – гэжэ Минии нэрэһээ хэлэхэ. Тэдэнэй үгэдэ бү этигэгты!

Хэрэгүүд 20:32

Би таанадые Бурханда, Бурханай үршөөл хайра тухай һургаалда даалганаб. Бурханай үршөөл хайра тухай һургаал таанадые үлүү һайн һургажа магадгүй. Һүзэглэгшэ зондо бэлдээтэй зөөри зөөшэһөө тэрэ һургаал таанадта баһа үгэхэ.

Хэрэгүүд 24:25

Теэд Павелай үнэн зүб ажамидарха, бэеэ бариха тухай, ерээдүй зарга шүүбэри тухай хөөрэхэдэнь, Феликс айгаад: – Зай, иигээд мүнөөдэр болоо. Яба. Сүлөө саг гарабал, би шамайе дуудуужаб, – гэжэ хэлэбэ.

Римэйхиндэ 1:18

Нүгэлтэ болон бузар муухай юумэнүүдые үйлэдэжэ, үнэн зүбые даража байһан хүнүүдтэ ехэ уур сухалтай байһанаа Бурхан тэнгэриһээ харуулна.

Коринфынхидтэ 1-дэхи 15:33

Таанад бү эндүүржэ ябагты. «Муу ханинар һайн сэдьхэлтэй хүниие доройтуулдаг».

Коринфынхидтэ 1-дэхи 15:50

Махабад бэе шуһан хоёрһоо бүтээгдэһэн юумэн Бурханай хаан түрые залгамжалха аргагүй, үмхиржэ хосордог юумэн үмхирдэггүй мүнхэ юумые залгамжалха аргагүй гэжэл би таанадта хэлэхэ һанаатайб.

Коринфынхидтэ 1-дэхи 3:16

Таанад Бурханай һүмэ гээшэт, зосоотнай Бурханай Һүлдэ оршоно гэжэ таанад мэдэхэгүй аалта?

Коринфынхидтэ 1-дэхи 5:1

Таанадай дунда забхайралга ушарна, нэгэнтнай хойто эхэтэйгээ орёолдоно гэһэн һураг минии һонорто хүрэбэ. Тиимэ бузар забхайралга бусад арадуудайшье дунда ушараа гэжэ дуулдаагүй.

Коринфынхидтэ 1-дэхи 5:10

Зүгөөр, юрэнь забхай, алта мүнгэндэ шунаһан зоноор, дээрмэшэдээр, онгонуудта шүтэдэг зоноор огто бү харилсагты гэһэн удхаар бү ойлгооройт, тэдэ зонһоо зугадабал таанад энэ дэлхэйһээ огто гаража ошохо байгаат.

Коринфынхидтэ 1-дэхи 5:11

Харин өөрыгөө Христоосто һүзэглэдэг хүн гэжэ нэрлэжэ байһан мүртөө забхай ябадалтай, али алта мүнгэндэ шунахай, али онгонуудта шүтэдэг, али хорон хэлэтэй, али архинша, али хулгайшан зонтой бү харилсагты гэһэн удхатайгаар бэшээб. Тиимэ хүнүүдээр хамта хоолшье эдихэ хэрэггүй.

Коринфынхидтэ 1-дэхи 6:10

хулгайшад, алта мүнгэндэ шунагшад, архиншад, хардагшад, мэхэшэд, эдэнэй али нэгэньшье Бурханай хаан орониие залгамжалхагүй.

Коринфынхидтэ 1-дэхи 6:18

Ташаяан хурисалһаа зайсажа байгты. Хүнэй үйлэдэдэг бусад нүгэлнүүд бэеые ехэ гэмдэ оруулдаггүй, харин янхаржа байһан хүн өөрынгөө бэеые ехэл гэмдэ оруулна.

Коринфынхидтэ 1-дэхи 6:19

Бэетнай Бурханһаа таанадта үгтэһэн зосоотнай оршодог Арюун Һүлдын һүмэ юм гэжэ мэдэхэгүй аалта? Таанад өөһэдынгөө дураар бэшэт, Бурханай мэдэлдэ байнат.

Коринфынхидтэ 1-дэхи 9:24

Урилдаанда хабаадалсагшадай бултанайнь нэгэниинь лэ шагналда хүртэдэг гэжэ таанад һайн мэдэнэт. Тиимэһээ шагналда хүртэхын тула гүйгты.

Коринфынхидтэ 2-дохи 12:21

Дахинаа таанадта ошоходомни, таанадай урда намайе Бурхамни эшээхэгүй аал, тиин урдань нүгэл шэбэлдэ унаад, хэһэн бузар муухай ябадалнуудаа, зальхайралга забхайралгаяа, ташаяан хурисалаа орхижо гэмшээгүй хүнүүд тухай би шаналан уйлахагүй аалби гэжэ айн болгоомжолноб.

Галадуудта 6:7

Бурханиие мэхэлхэ аргагүй юм. Тиимэһээ бү эндүүрэгты. Хүн тариһанаал хададаг.

Хуули дабталга 22:22

Үбгэнтэй һамгантай хэбтэжэ байһан хэн нэгэнэй олдоо гээшэ һаань, хоюулыень – тэрэ һамгые, мүн тэрээнтэй хэбтэжэ байһан эрэ хүниие алаха хэрэгтэй. Иигэжэ муу юумэ Израильһаа зайсуулагты.

Хуули дабталга 22:5

Эхэнэр хүн эрэ хүнэй хубсаһа бү үмдэг, эрэ хүн эхэнэрэй хубсаһа бү үмдэг. Юуб гэхэдэ, Эзэн Бурхандатнай энэ ехэ муухай үйлэ хэрэг гээшэ.

Хуули дабталга 23:17

Шажан мүргэлэй тусхай ёһолол – хурисалда бэеэ зорюулһан эмэ, эрэшье хүн Израилиин улад зоной дунда бү үзэгдэг.

Колоссынхидтэ 3:5

Таанад досоотнай хүдэлдэг дэлхэйн хүсэлэнгүүдые: эрэдээ гү, али эхэнэртээ урбалта, забхайралга, шунал, нүгэлтэ хүсэлэнгүүд, онгонуудта шүтэхэтэй сасуулагдама хомхойрол гэхэ мэтын юумэнүүдые һүнөөхэ ёһотойт.

Еврейнүүдтэ 12:14

Хүн бүхэнтэй эбтэй эетэй байхые, арюун амидаралтай һуухые оролдожо байг, тиигээгүй хүнүүд Эзэн Бурханиие харахагүй.

Еврейнүүдтэ 12:16

Ууган хүбүүнэй эрхые нэгэ бариха хоолоор худалдажархидаг забхай, тиихэдэ Бурханһаа холодоһон Эсаавтай адли хүн таанадай дунда бү байг.

Еврейнүүдтэ 13:4

Гэр бүлэ алишье талаһаа үнэн сэхэ байг, үбгэн һамган хоёр бэе бэедээ шударга байг. Бурхан забхай ба ташаяаралдадаг зониие гэмнэхэ.

Яковай хандалга 1:16

Хайрата нүхэдни, өөһэдыгөө бү мэхэлүүлэгты.

Иоаннай 1-дэхи хандалга 3:7

Үхибүүд аа, хэншье таанарые зүб харгыһаатнай бү хадууруулаг! Үнэн зүб юумэ хэгшэ Христоостол адли үнэн зүб байгты.

Гэршэлгэ 21:8

Аймхай дүүлэгэрнүүд, Иисүүстэ һүзэглэдэггүй хүнүүд, бузар муухай нүгэл хэгшэд, алууршад дээрмэшэд, зальхай ябадалтан, эльбэ хэгшэд, онгондо шүтэгшэд, элдэб худалшад гал, хүхэрөөр дүлэтэн носогшо нуур руу хаюулха. Энэнь хоёрдохи үхэлгэ мүн.

Гэршэлгэ 22:15

Теэд нохосууд, эди шэдитэн, зальхай забхай ябадалтан, алуурша этэгээдүүд, онгонуудта шүтэгшэд, худал хуурмаг ябадалда дуратайшуул, тиимэ юумэ хэгшэд – хотын гадаа тээ үлэхэ.

Ударидагшад 19:22

Тэдэнэй найрлажа һуухадань, энэ хотодо хэрэгээ дүүрэһэн яндан эрэшүүл тэрэ гэр хүреэлбэ. Тиигээд тэдэнэр үүдэ тоншожо, үбгэжөөлдэ иигэжэ хашхаралдабад: – Шинии гэртэ орогшые газаашань гарга! Бидэнэр тэрэнииеш хүсөөрөө эдлэхэмнай!