Коринфынхидтэ 1-дэхи 6:3 - Библи

³ Бидэ эльгээмэлнүүдтэшье шиидхэбэри гаргахабди гэжэ таанад мэдэхэгүй аалта? Тиихэдэ энэ дэлхэйн хэрэгүүдые бүришье бэлээр шиидхэхэ бэшэ аалта?

Шэнэ Хэлсээн

³ Бидэ Бурханай Эльгээмэлнүүдтэ шиидхэбэри гаргахабди гэжэ таанад мэдэхэгүй аалта? Тиихэдэ энэ дэлхэйн хэрэгүүдые бүришье бэлээр шиидхэхэ бэшэ аалта?

Коринфынхидтэ 1-дэхи 6:3 ပူးပေါင်းရင်းမြစ်များ

Псалманууд 17:14

Эзэн огторгойдо хүнхинэжэ, Дээдэ Бурхан дуугаа үгэбэ. Мүндэр болон галта нүүрһэн.

Даниил 7:22

Гэбэшье Үндэр наһатай ерэжэ, Дээдын дээдэ Бурханай гэгээшүүлэй үнэн зүбынь элиржэ, тэдэ гэгээшүүлэй засаг бариха саг мандаба.

Матвей 25:41

Тиигээд хаан Тэрэнэй зүүн талада байгаашадта хандан: «Бурханай хараалда хүртэгшэ таанад, Намһаа холо бологты! Шолмосто, мүн тэрэнэй эльгээмэлнүүдтэ бэлдээтэй хэтэ заяанай гал тамада ошогты!

Лука 21:34

Хүлеэгээгүй байтартнай занга мэтээр тэрэ сагай гэнтэ дээрэтнай буужа таанадые барихагүйн тула үзэмэй дараһан архида шунангүй, хубиингаа хэрэгтэ дашуурангүй, бэеэ эртэнһээ бэлдэжэ байгаарайгты.

Лука 8:14

Үүргэнэ соо унаһан үрэһэн гээшэнь – номнол үгэнүүдые шагнабашье, урдынхидаал адли хубиингаа хэрэгтэ дашуурһаар, эд зөөриин барлаг болоһоор, бэеэ жаргуулха шуналда абтаһаар ямаршье аша үрэ асарангүй һалагшад тухай хэлэгдэнэ.

Римэйхиндэ 6:16

Хэнэй үгэ дууланат, тэрэнэйл барлагынь болонот гэжэ таанад мэдэнэгүй аалта? Таанад нүгэлэй барлагынь байбал, үхэлдэ хүртэхэт, зүгөөр Бурханай үгөөр байдаг барлагынь байбал, үнэн сэдьхэлтэй болохот.

Коринфынхидтэ 1-дэхи 6:15

Танай бэе Христоосой бэеын хэһэгынь юм гэжэ таанад мэдэхэгүй аалта? Тиихэдээ би Христоосой бэеын хэһэгые абажа, янханай бэеын хэһэг болгохо аалби? Үгыл даа!

Коринфынхидтэ 1-дэхи 6:16

Янхан эмэтэй ниилэһэн хүн тэрээнтэй нэгэ бэе болоно гэжэ таанад мэдэхэгүй аалта? «Хоёр хүн ганса бэе болон эблэрхэ», – гэжэ Нангин Бэшэг соо элеэр бэшээтэй.

Коринфынхидтэ 1-дэхи 6:19

Бэетнай Бурханһаа таанадта үгтэһэн зосоотнай оршодог Арюун Һүлдын һүмэ юм гэжэ мэдэхэгүй аалта? Таанад өөһэдынгөө дураар бэшэт, Бурханай мэдэлдэ байнат.

Коринфынхидтэ 1-дэхи 6:4

Харин таанад заргалдаанай хэрэгүүдые шиидхэхэдээ, һүзэглэгшэдэй бүлгэмдэ ямаршье хабаагүй хүниие яахадаа заргашанаар табижа, тэрээндэ заргаяа үргэнэбта?

Тимофейдэ 2-дохи 2:4

Алба хэжэ байһан сэрэгшэ ахалагшадаа һайшаагдахын тула юрын ажамидаралтай холбоотой хэрэгүүдтэ оролсодоггүй.

Тимофейдэ 2-дохи 4:10

Дэмаас энэ оршолон дэлхэйдэ татагдажа, намайе орхёод, Фессалоники руу ябаа. Крээск Галаадай можо, Тит Далмаадын можо ошобод.

Пётрой 2-дохи хандалга 2:4

Эльгээмэлнүүдэйшье нүгэл үйлэдэхэдэ, Бурхан тэдэниие хайрлаагүй, Зарга шүүбэриин Үдэрэй ерэтэр тэдэниие тамада хэтын харанхыда хүлеэд барижа байгаа.

Иудын хандалга 1:6

Эрхэ түрэеэ алдаад, байраяа орхиһон эльгээмэлнүүдые Бурхан харанхыда хэтын хэтэдэ гэнжээр хүлиһэн тухайнь һанагты. Тэдэ Эльгээмэлнүүд агууехэ үдэр зарга шүүбэридэ оротороо тэндэ байха.