Коринфынхидтэ 1-дэхи 6:10 - Библи

¹⁰ хулгайшад, алта мүнгэндэ шунагшад, архиншад, хардагшад, мэхэшэд, эдэнэй али нэгэньшье Бурханай хаан орониие залгамжалхагүй.

Шэнэ Хэлсээн

¹⁰ хулгайшадшье, алта мүнгэндэ шунагшадшье, архиншадшье, хардагшадшье, мэхэшэдшье, эдэнэй али нэгэньшье Бурханай хаан орониие залгамжалхагүй.

Коринфынхидтэ 1-дэхи 6:10 ပူးပေါင်းရင်းမြစ်များ

Һургаал 7:27

Тэрэнэй гэр – Үхэлэй орондо хүргэхэ харгы, үхэлэй танхимууд руу уруудаһан харгы болоно.

Исай 1:23

Ударидагшадтнай гэмтэд, хулгайшадай нүхэд, бэлэг, эдилгэ абаашад. Тэдэ үншэдые хамгаалдаггүй, бэлбэһэн эхэнэрнүүдэй хэрэг шагнадаггүй.

Ерэмияа 7:11

Минии нэрээр нэрлэгдэдэг энэ үргөө, танай һанамжаар, дээрмэшэдэй үүр болоо юм гү? Үзөөрэйгты, Би бүхы юумэ хаража байнаб!

Эзэкээл 22:13

Үнэн зүб бэшэ аргаар олоһон олзо ашаг, алаха ушар тухайтнай дуулахадаа, уур хилэнтэжэ, нюдаргаа үбдэтэрнь сохиноб.

Эзэкээл 22:27

Ноёдынь олзоо зулгаажа байһан шононууд мэтэ. Тэдэ хүниие алажа, баяжана.

Эзэкээл 22:29

Баяшуул арад зониие мүлжэнэ, үгытэйшүүлые, ядуу байдалтай зониие дарлана, ерүүл хүниие худалаар харшална.

Матвей 21:19

Харгын захада нэгэ боди модоной ургажа байхые хараад, хажуудань ошобо, теэд тэндэнь набшаһадһаа бэшэ ямаршье жэмэс олдобогүй. Тиимэһээ Иисүүс тэрэ модондо хандажа: – Энээнһээ хойшо шамһаа ямаршье жэмэс гарахагүй, – гэжэ хэлээ. Тэрэ дороо модон хаташаба.

Матвей 23:13

Хуули заадаг багшанар, фарисейнүүд, таанад гашуудал зоболон үзэхэт! Хоёр нюурта таанад! Огторгойн хаан орониие хүнүүдһээ хаажа, өөһэдөөшье тэндэ ороногүйт, орохо дуратайшуулыешье тиишэнь табинагүйт.

Матвей 23:33

Могойнууд, хорото могойн таһардаһад! Таанар тамада хаягдаха хэһээлтэһээ яажа хулжархые бодонобта?

Иоанн 12:6

(Иуда үгытэйшүүлдэ һанаагаа зобоод тиигэжэ хэлээгүй, харин тэрэ хулгайшан байгаа: тэрээндэ даалгагдаһан хамтын мүнгэнһөө олон ушарта өөрынгөө хэрэглэмжэдэ гаргашалдаг байгаа.)

Хэрэгүүд 20:32

Би таанадые Бурханда, Бурханай үршөөл хайра тухай һургаалда даалганаб. Бурханай үршөөл хайра тухай һургаал таанадые үлүү һайн һургажа магадгүй. Һүзэглэгшэ зондо бэлдээтэй зөөри зөөшэһөө тэрэ һургаал таанадта баһа үгэхэ.

Коринфынхидтэ 1-дэхи 15:50

Махабад бэе шуһан хоёрһоо бүтээгдэһэн юумэн Бурханай хаан түрые залгамжалха аргагүй, үмхиржэ хосордог юумэн үмхирдэггүй мүнхэ юумые залгамжалха аргагүй гэжэл би таанадта хэлэхэ һанаатайб.

Коринфынхидтэ 1-дэхи 5:11

Харин өөрыгөө Христоосто һүзэглэдэг хүн гэжэ нэрлэжэ байһан мүртөө забхай ябадалтай, али алта мүнгэндэ шунахай, али онгонуудта шүтэдэг, али хорон хэлэтэй, али архинша, али хулгайшан зонтой бү харилсагты гэһэн удхатайгаар бэшээб. Тиимэ хүнүүдээр хамта хоолшье эдихэ хэрэггүй.

Галадуудта 5:21

жүтөөрхэхэ, архидаха ба аашалха гэхэ мэтын буруу ябадалнууд. Иимэ муу юумэ үйлэдэжэ байгаа хүнүүд Бурханай хаан орондо уг залгамжалан орожо шадахагүй гэжэ урда хэлэһэнээ би дахин дабтанаб.

Эфесэйхиндэ 4:28

Юумэ хулуудаг байбал, дахин юумэ хулуухаяа болёод, гараараа аша туһатай юумэ хэжэ, дутажа зүдэржэ байһан хүнүүдтэй юумээрээ хубаалдажа, үнэн зүбые баримталан амидаржа байгты.

Эфесэйхиндэ 5:5

Зальхайржа, бэлиндэжэ, али алта мүнгэндэ шунашаһан ямаршье хүн (алта мүнгэндэ шунаһан байдал онгондо мүргэһэндэл адли) Христоосой болон Бурханай хаан орониие залгамжалхагүй юм гэжэ таанад мэдэхэ ёһотойт.

Фессалоникиинхидтэ 1-дэхи 4:6

Тиимэһээ таанадай хэншье Христоосто һүзэглэгшэ ондоо хүндэ муу юумэ хэхэ, мэхэлэн барашхаа ёһогүй. Тиимэ юумэ хэһэн зониие Эзэн хэһээхэ гэжэ бидэ уридшье хэлээ һэмди, мүнөөшье хатуугаар һэргылнэбди.

Пётрой 1-дэхи хандалга 4:15

Алууршан, хулгайшан, хүнэй хэрэгүүдтэ оролсодог, хуули эбдэһэн хүн байһанһаа боложо хэнтнайшье зоболон эдлэхэгүйнь болтогой.