Коринфынхидтэ 1-дэхи 5:7 - Библи

⁷ Таанад шэнэ эдьхүүр байхын тула хуушан нүгэлтэ эһээбэриһээ өөһэдыгөө арилгагты. Тиигэбэшье таанад эһээбэригүй арюунта, юундэб гэбэл, манай Паасхын хурьган болохо Христоос тахил болгон үргэгдөө юм.

Шэнэ Хэлсээн

⁷ Таанад шэнэ эдьхүүр байхын тула хуушан нүгэлтэ эһээбэриһээ өөһэдыгөө арилгагты. Тиигэбэшье таанад эһээбэригүй арюунта, юундэб гэбэл, манай Паасхын хурьган болохо Христос тахил болгон үргэгдэһэн байгаа ха юм.

Коринфынхидтэ 1-дэхи 5:7 ပူးပေါင်းရင်းမြစ်များ

Египедһээ гаралга 12:15

Долоон үдэр эһээбэригүй талхаар болгоһон хилээмэ эдигты, анханһаа эхилжэ эһээбэри гэртээ үгы хэгты. Энэ долоон хоног соо эһээһэн юумэ эдиһэн хүн Израилиин хүн гэжэ бэшэ нэрлэгдэхэгүй.

Матвей 13:33

Иисүүс тэдэндэ ондоо һургаалта үгэ хэлэбэ: – Огторгойн хаан түрэ эһээбэритэй сасуулжа болохо: нэгэ эхэнэр багахан эһээбэри абажа, гурбан хэмжүүрэй гурилтай худхажа эһэтэрынь эдьхэбэ.

Марк 14:12

Эһээгдээгүй хилээмэнэй һайндэрэй түрүүшын үдэр болобо. Тэрэ үдэр Паасхын хурьга гаргаад байхада, шабинарынь Иисүүсһээ: – Паасхын хоол хаана бэлдэхэбибди? – гэжэ һураба.

Иоанн 1:29

Хойто үдэрынь урдаһаань Иисүүсэй ерэжэ ябахые хараад, Иоанн иигэжэ хэлэбэ: – Энэл хадаа Бурханда үргэгдэхэ Хурьган мүн. Энэл хадаа газар дэлхэйн бүхы хүнүүдэй хэһэн нүгэл хилэнсые Өөр дээрээ даажа абаха!

Иоанн 1:36

Хажуугаарнь Иисүүсэй гаража ябахые хараад, Иоанн: – Харагты, Энэл Бурханда үргэгдэхэ Хурьган мүн! – гэжэ хэлэбэ.

Иоанн 19:14

Энэ ушар Паасхын һайндэрэй урдахана, зургаан гарагай хахад үдэрэй багаар болоо. – Харагты даа, энэ таанарай Хаан! – гэжэ Пилат еврейнүүдтэ хандан хэлэбэ.

Римэйхиндэ 3:25

Бурхан маанадтай эбтэй эетэй болохын тула Христоосые тахил болгон эльгээгээ. Тиимэһээ бидэ Тэрээндэ һүзэглэһэнэйнгөө ашаар Бурхантай эблэрнэбди. Бурхан урдань тэсэбэритэй, нүгэлтэнүүдые тоонгүй байһанаараа үнэн зүб байһанаа харуулба. Баһа Иисүүстэ һүзэглэһэн зониие үнэн сэдьхэлтэй гэжэ тоолоходоо, Бурхан үнэн зүб байһанаа харуулна.

Коринфынхидтэ 1-дэхи 10:17

Хилээмэн ори ганса юм, тиимэһээ ори ганса хилээмэ хубаалсажа байхадаа, бидэ олоороо ганса бэе гээшэбди.

Эфесэйхиндэ 4:22

Тэрээнһээ иимэ юумэндэ һураат: хуурмаг хүсэлэнгүүдээрээ өөһэдыгөө һүнөөн, урданайхяараа амидархаяа болигты.

Гэршэлгэ 5:12

Тэдэ шанга шангаар иигэжэ хашхаралдаа: Тахил болгогдожо табигдаһан Үргэлэй Хурьган засаг түрэ, зөөри баялиг, сэсэн бодол, хүсэ шадал, нэрэ түрэ, алдар соло, магтаал юрөөлдэ хүртэхэ эрхэтэй.