Коринфынхидтэ 1-дэхи 5:3 - Библи

^3-5 Танай хажууда байгаагүйшье һаа, һанал бодолоороо таанадтай хамта байнаб. Тиигээд таанадтай хамта байһан мэтэл би манай Эзэн Иисүүс Христоосой нэрээр тэрэ бузар булай юумэ хэһэн хүниие гэмнэбэб. Таанад суглархадаа, һанал бодолоороо тантай байхадамни, манай Эзэн Иисүүсэй һүр хүсэнэй маанадтай оршохо сагта тэрэ бузар булайе сатанада гардуулан, махабад бэеыень һүнөөлгэхэ ёһотойт. Тиигэжэ тэрэ хүнэй һүнэһэ һүлдэ Эзэнэй ерэхэ Үдэр абарагдаха.

Шэнэ Хэлсээн

^3-5 Танай хажууда байгаагүйшье һаа, һанал бодолоороо таанадтай хамта байнаб. Тиигээд таанадтай хамта байһан мэтэл би манай Дээдын Эзэн Иисус Христосой нэрээр тэрэ бузар булай юумэ хэһэн хүниие гэмнэбэб. Таанад суглархадаа, һанал бодолоороо тантай байхадамни, манай Дээдын Эзэн Иисусай һүр хүсэнэй маанадтай оршохо сагта тэрэ бузар булайе сатанада гардуулан, махабад бэеыень һүнөөлгэхэ ёһотойт. Тиигэжэ тэрэ хүнэй һүнэһэ һүлдэ Дээдын Эзэнэй ерэхэ Үдэр абарагдаха.

Коринфынхидтэ 1-дэхи 5:3 ပူးပေါင်းရင်းမြစ်များ

Коринфынхидтэ 1-дэхи 5:12

Гаднын хүнүүдые гэмнээд яахабиб даа. Бурхан тэдэниие шиидхэхэ. Харин өөһэдынгөө бүлэгэй хүнүүдые бидэ зэмэлхэ ёһотойбди. «Өөһэдынгөө дундаһаа муу юумэ үйлэдэгшые арилгагты», – гэжэ Нангин Бэшэг соо бэшээтэй юм.

Коринфынхидтэ 2-дохи 10:1

Хамта байхадаа, даруу номгон, холодоходоо, хатуу шэрүүн гүүлэгдэдэг би Павел таанадые Христоостой адли даруу номгон, энхэргэн зөөлэн зангаар гуйнаб.

Коринфынхидтэ 2-дохи 10:11

Тиигэжэ хэлэһэн хүнүүд иимэ юумэ ойлгохо ёһотой: таанадтай байхадаашье би бэшэгтээ бэшэһэн зангаараал байхаб.

Коринфынхидтэ 2-дохи 13:2

Дахин ерэхэдээ, би урдань нүгэл шэбэл үйлэдэһэн зониие, бусадшье зониие үршөөхэ хүлисэхэгүйб. Хоёрдохиёо таанадта ошоходоо, би тиигэжэ һэргылээ һэнби. Мүнөөшье таанадай дунда үгы байхадаа дахин дабтанаб.

Колоссынхидтэ 2:5

Би бэеэрээ таанадай хажууда байгаашьегүй һаа, һанал бодолоороо таанадтай хамта байнаб, тиин Христоосто этигэһэн һүзэгэйтнай бата хатуу байһыень, хоорондоо эбтэй эетэй байхыетнай хараад баясанаб.

Фессалоникиинхидтэ 1-дэхи 2:17

Аха дүүнэрни, таанадтай саг зуура хахасаад байхадаа таанадаа ехэл үгылөөбди, таанадтай дахин уулзахаяа ехэл һэдээбди. Зүгөөр һанал бодолоороо ходо таанадтайгаа байгаабди.