Коринфынхидтэ 1-дэхи 4:8 - Библи

⁸ Зай, тиихэдээ таанад бэеэ ханаба гүт? Баяжаба гүт? Таанад бидэнгүй хаанууд болообди гэжэ һананат. Үнэхөөрөө таанадай хаан шэрээдэ һуухые хүсэнэб, тиигэбэл бидэшье таанадтай хамта захирха һэмди.

Шэнэ Хэлсээн

⁸ Зай, тиихэдээ таанад садхалдиба гүт? Баяжаба гүт? Бидэнэй хаан шэрээдэ һуугаагүй байхада таанад хаанууд болобо гүт? Үнэхөөрөө таанадай хаан шэрээдэ һуухые хүсэнэб, тиигэбэл бидэшье таанадтай хамта захирха һэмди.

Коринфынхидтэ 1-дэхи 4:8 ပူးပေါင်းရင်းမြစ်များ

Һургаал 13:7

Зөөригүй аад, баян хэбэртэй болодог хүнүүд байдаг. Баян аад, өөрыгөө ядуу болгодог хүн байха.

Һургаал 25:14

Үгэхэ бэшэ аад, бэлэгүүдээ һайрхагша бороогүй үүлэн ба һалхин мэтэ.

Исай 5:21

Өөһэдыгөө ехэ сэсэн мэргэн, ухаатайбди гэжэ һанажа байгаашад гай гасаланда орохо!

Ерэмияа 28:6

– Һайн даа! Эзэн иигэжэ үйлэдэхэнь болтогой! Нангин үргөөгэй үнэтэ баялигуудые болон Вавилоон руу сүлэгдэһэн бүхы зониие Тэрэ һөөргэнь бусааха гэгшэ шинии үгэнүүдые Эзэн бэелүүлхэнь болтогой!

Тоололго 11:29

– Ай даа, намайе гансааран Эзэнэй мэдээе дуулгагша байһай гэжэ һанана гүш? Эзэн Һүлдэеэ Өөрын арад зондо бултанда бэлэглэжэ, тэдэ бүгэдэ лүндэншэд болодог һаань! – гэжэ Моисей хэлээд,

Матвей 5:1

Олон зоной хажуудань сугларһаниие харахадаа, Иисүүс хада дээрэ гаража, тэндэ һууба, тойроод шабинарынь сугларба.

Лука 6:25

Мүнөө дуран соогоо садхалан байгаашад, таанар үлэн хооһон ябажа, гашуудал зоболон үзэхэт. Мүнөө энеэлдэжэ ханяалдажа байгаашад, уйлаха бархирха сагтнай ерэжэ, зобохот.

Хэрэгүүд 26:29

– Түргөөр гү, түргөөр бэшэ гү, гэбэшье гансал та бэшэ, харин мүнөөдэр намайе шагнажа байгаашад булта (энэ гэнжэнүүдһээ гадна) намдал адли болохыень би Бурханда зальбарнаб, – гэжэ Павел харюусаба.

Римэйхиндэ 12:3

Бурханай намда үршөөһэн абьяас бэлигэй ашаар таанадай хүн бүхэндэ хэлэнэб: байһанһаан үлүү ехээр өөр тухайгаа бү һанажа байгты. Зүгөөр Бурханай шамда үгэһэн этигэл һүзэгэй хэмжээгээр өөр тухайгаа дарууханаар бодомжолжо байгты.

Коринфынхидтэ 1-дэхи 1:5

Христоостой нэгэдэхэдээ, таанад алишье талаһаа баяжабат, зондо Бурханай мэдээсэл дуулгахадаашье, тэрэниие ойлгоходоошье эрхим һайн болобот.

Коринфынхидтэ 1-дэхи 4:18

Таанадые би эрьежэ ошохогүйб гэжэ бодон заримантнай хамараа үргэшэбэ.

Коринфынхидтэ 1-дэхи 5:6

Таанадай омогорхолдожо байһантнай буруу. Багахан эһээбэри бүхы эдьхүүр эһээдэг гэдэгые таанад мэдэхэгүй аалта?

Коринфынхидтэ 2-дохи 11:1

Тэнэг зан гаргахадамни тэсэбэритэй байһайт гэжэ хүсэнэб. Хэрэг дээрээ тиимэл байдаг ха юмта даа.

Коринфынхидтэ 2-дохи 13:9

Маанадай ахир һула байхада, харин таанадай хүсэтэй байхада, бидэ баярладагбди. Тиигээд баһал таанадай заһархын түлөө бидэ зальбарнабди.

Галадуудта 6:3

Хэрбээ хэн нэгэн оройдоо хэншье бэшэ аад, бэеэ дээгүүр абабал, тэрэ хүн өөрыгөө дэмы мэхэлнэ.

Филиппынхидтэ 1:27

Эдэ бүгэдэндэ нэмэжэ хэлэбэл, таанад Христоос тухай Һайн Мэдээсэлэй һургаһан ёһоор амидарха ёһотойт. Тиимэһээ таанадта ошоно гүб, али ошонгүй байна гүб, таанад булта нэгэ зорилготой, Һайн Мэдээсэлэй һүзэгэй түлөө һанал нэгэн тэмсэнэт гэжэ дуулаһайб.

Филиппынхидтэ 2:12

Инаг хайрата нүхэдни, таанадтайгаа суг байхадамни, үгыемни ходо дууладаг һэнта. Теэд мүнөө хажуудатнай үгы байхадамни, бүришье һайнаар үгыемни дуулажа байха ёһотойт. Гүйсэд абарагдахын тула һүрдэн һүгэдэн ажаллажа байгты.

Гэршэлгэ 3:17

Юундэб гэхэдэ, „Би баяжааб, ехэ зөөритэй болооб, юугээршье дутанагүйб!“ – гэнэт. Теэд ямаршье зол хубигүй, үгытэй ядуу, баарһан, һохор балай, нюсэгэн болоод байһанаа мэдэнэгүйт!

Гэршэлгэ 5:10

Та манай Бурханай аша туһада тэдэ хүнүүдые санаартад, хаашуул болгоот – тэдэнэр газар дэлхэйн зониие зонхилжо байха!