Коринфынхидтэ 1-дэхи 4:5 - Библи

⁵ Тиимэһээ тогтоогдоһон сагай болоогүйдэ хэнииешье бү шүүбэрилэ. Эзэн ерэхэдээ, шэб харанхыда хоргодоһон юумэнүүдые гэрэлтүүлхэ, хүнүүдэй далда һанаа зорилгые элирүүлхэ, тиихэдэ хүн бүхэн хэһэн зэргээрээ Бурханайл магтаалда хүртэхэ.

Шэнэ Хэлсээн

⁵ Тиимэһээ тогтоогдоһон сагай болоогүйдэ хэнииешье бү шүүбэрилэ. Дээдын Эзэн ерэхэдээ, шэб харанхыда хоргодоһон юумэнүүдые гэрэлтүүлхэ, хүнүүдэй далда һанаа зорилгые элирүүлхэ, тиихэдэ хүн бүхэн хэһэн зэргээрээ Бурханайл магтаалда хүртэхэ.

Коринфынхидтэ 1-дэхи 4:5 ပူးပေါင်းရင်းမြစ်များ

Иоов 12:22

Хамагай далда зүйл эли болгожо, гүн харанхые гэрэлдэ абажа ерэдэг.

Һургаал 12:8

Хүн ухаан бэлигээрээ хүндэлүүлдэг, харин тэнэгые зон тоодоггүй.

Экклезиаст 11:9

Залуу байгаа сагтаа баярлажа сэнгэ. Залуу наһанайш үдэрнүүдтэ зүрхэ сэдьхэлшни хүхюун тэнигэр байг. Сэдьхэлэй хүсэл, өөрынгөө нюдэнэй хараса дахан бай. Гэхэдээ энэ бүгэдынгөө түлөө Бурханай урда харюусаха саг ерэхэ гэжэ бү мартаарай.

Экклезиаст 12:14

Бурхан нюусашье һаань, бүхы юумэ, һайтайнь муутайнь шүүжэ харадаг.

Ерэмияа 16:17

Хэһэн юумыень бултыень Би харанаб. Тэдэ Намһаа хоргодожо шадахагүй – гэм зэмэнь Намһаа хорохогүй.

Ерэмияа 23:25

Минии нэрэһээ худал лүндэншэдэй зүүдэн соонь айладхал буулгаһан тухайм хэлэжэ байһые Би мэдэнэб.

Һошээ 8:13

Таанад Намда тахил үргэхэеэ мяха асараад, тэрэнээ эдижэ байнат. Теэд Би, Эзэн, энээндэ дурагүйб. Мүнөө Би тэдэнэй нүгэлнүүдые һанажа, энээнэйнь түлөө тэдэниие хэһээхэм. Би таанадые Египет руу һөөргэнь бусаахаб!

Малаахи 3:18

Тиихэдэ таанар дахяад Намда ерэхэт, һайн муугай, зүб буруугай хоорондохи илгаа, Бурханда һүгэдэдэг үнэн шударга хүнэй ба нүгэл үйлэдэгшын хоорондохи илгаа ойлгохот.

Матвей 10:26

Тиин тэдэ зонһоо бү айгты: эли болохогүй ямаршье далда юумэн байдаггүй, мэдээжэ болохогүй нюуса юумэн байдаггүй.

Матвей 24:30

Тиихэдэ тэнгэридэ Хүн түрэлхитэнэй Хүбүүнэй бэлгэ тэмдэг үзэгдэхэ. Тэрэ сагта газар дэлхэйн бүхы угсаатан Хүн түрэлхитэнэй Хүбүүнэй тэнгэриин үүлэн дээрэ тамаран, агуу хүсэтэйгөөр, алдар солотойгоор буужа ерэхые харахадаа бархиралдаха.

Матвей 24:46

Эзэнэйнгээ бусажа ерэхэдэ, үүргэеэ һайнаар дүүргэжэ байһан зараса аза жаргалтай даа!

Матвей 25:21

Эзэниинь тэрээндэ: «Ехэ һайн! Ши бэрхэ, найдабаритай зараса байнаш! Бага юумэ эрхилхэдээ ши найдабаритай байбаш, тиимэһээ би шамда бүришье ехэ юумэ даалгахамни! Орожо, эзэнтэйгээ хамта баярла», – гэбэ.

Матвей 25:23

Эзэниинь тэрээндэ: «Ехэ һайн! Ши бэрхэ, найдабаритай зараса байнаш! Бага юумэ эрхилхэдээ ши найдабаритай байбаш, тиимэһээ би шамда бүришье ехэ юумэ даалгахамни! Орожо, эзэнтэйгээ хамта баярла», – гэбэ.

Лука 6:37

– Бусад зониие бү шүүбэрилэн зэмэлэгты, тиигэбэл Бурхан таанадые шүүбэрилэн зэмэлхэгүй. Бусадые бү муушалагты, тиихэдээ өөһэдөө муушалуулхагүйт. Бусадые хүлисэжэ байгты, тиихэдэтнай Бурхан таанадые хүлисэхэ.

Иоанн 21:22

– Һөөргөө бусажа ерэтэрни энэ шабиингаа амиды байхые Минии хүсөөшье һаамни, шамда ямар хэрэг байнаб? Ши Минии хойноһоо дахаад яба! – гэжэ Иисүүс хэлэбэ.

Иоанн 21:23

Тиимэл ушарһаа тэрэ шабинь үхэхэгүй гэһэн һураг бэшэнүүдэйнь дунда тараба. Теэд үхэхэгүй гэжэ Иисүүс хэлээгүй, харин: «Һөөргөө бусажа ерэтэрни энэ шабиингаа амиды байхые Минии хүсөөшье һаамни, шамда ямар хэрэг байнаб?» – гэжэ хэлээ һэн.

Иоанн 5:44

Таанар бэе бэедээ магтуулхаяа ехээр хүсэнэт, харин Бурханай магтаалда хүртэхэ гэжэ оролдоногүйт! Таанартал адли хүнүүд Намда этигэхэ аал?

Римэйхиндэ 14:4

Ондоо хүнэй зарасые шүүбэрилжэ байхаар ши хэн гээшэбши? Тэрэ хүнэйшни эзэниинь лэ зарасынгаа зүб гү, али буруу байһыень мэдэхэ. Тэрэ зүб байха, юундэб гэбэл, Эзэн тэрэниие зүб байлгаха арга хүсэтэй юм.

Римэйхиндэ 2:1

Заримантнай буруу юумэ хэжэ байһан зониие шүүбэрилдэг. Зүгөөр тиигэжэ байһандатнай таанадта ямаршье хүлисэл байхагүй. Бусад зониие зэмэлхэдээ, таанад өөһэдыгөө зэмэлнэт, ушарынь юуб гэхэдэ, таанад үнөөхил зонтойгоо адли буруу юумэ хэһэн гэмтэй болонот.

Римэйхиндэ 2:16

Тон энээндэл адляар номноһон Һайн Мэдээсэлэймни ёһоор тэрэ Үдэр Иисүүс Христоосой ашаар бүхы хүнүүдэй нюуса бодолгонуудыень Бурхан гэмнэн шүүхэ.

Римэйхиндэ 2:29

Жэнхэни еврей болбол гансал махабад бэеэ отолуулһан бэшэ, харин зүрхэ сэдьхэлэйнгээ гүн соо отолуулһан байха ёһотой. Энэнь Хуулиин тогтоолнуудай бэшэ, харин Арюун Һүлдын ажал юм. Тиимэ хүн уладай магтаалда бэшэ, харин Бурханай магтаалда хүртэхые хүсэдэг.

Римэйхиндэ 2:7

Һайн һайхан хэрэгүүдые бүтээжэ ябадаг, алдар соло, нэрэ түрэ, һүнэшэгүй ажамидарал бэдэржэ байдаг зондо Бурхан мүнхын амидарал үршөөхэ.

Коринфынхидтэ 1-дэхи 1:7

Тиимэһээ манай Эзэн Иисүүс Христоосой ерэхые хүлеэхэ үедээ таанад ямаршье абьяас бэлигээр дуталданагүйт.

Коринфынхидтэ 1-дэхи 11:16

Хэн нэгэнэй энэ асуудалаар арсалдаха һанаатай байбал, бидэшье, Бурханай һүзэглэгшэдэй бүлгэмшье ондоо тиимэ ёһо заншал үгы юм гэжэ хэлэхэб.

Коринфынхидтэ 1-дэхи 11:26

Энэ хилээмэ эдихэ, энэ аягаһаа ууха бүхэндөө таанад Эзэнэй ерэтэр Тэрэнэй үхэл тухай айладхажа байнат.

Коринфынхидтэ 1-дэхи 15:23

Гэхэдээ хүн бүхэн өөрынгөө ээлжээгээр, хамагай түрүүн Христоос, тиигээд Тэрэнэй ерэхэдэ, бүхы Тэрэнэй хүнүүд амидыруулагдаха.

Коринфынхидтэ 1-дэхи 3:13

Тиихэдэ хүн бүхэнэй ажалай шанарынь Христоосой ерэхэ Үдэр мэдэгдэхэ. Тэрэ Үдэр хүн бүхэнэй ажалые гал дүлэн элирүүлхэ, гал дүлэн тэрэниие туршаха, тиигээд бодото шанарыень харуулха.

Коринфынхидтэ 1-дэхи 3:14

Һуурин дээрэ баригдаһан, гал дүлые тулажа гараһан хүнэй ажал байбал, барилгашань шагналаа абаха.

Коринфынхидтэ 1-дэхи 3:8

Тариһан, уһалһан хүнүүдэй хоорондо ямаршье илгаа үгы, Бурхан хүн бүхэниие хэһэн ажалайнь зэргээр шагнаха.

Коринфынхидтэ 2-дохи 10:18

Өөрыгөө магтаһан хүн бэшэ, харин Эзэнэй магтаалда хүртэһэн лэ хүн үнэхөөрөө һайшаагдана.

Коринфынхидтэ 2-дохи 10:9

Тиихэдэ гансал бэшэг соогоо таанадые айлганаб гэжэ бү бодооройгты.

Коринфынхидтэ 2-дохи 4:2

Бидэ нюужа байхаар эшхэбтэр хэрэгүүдые хэхэеэ болёобди, хүниие мэхэлхэ хуурахаяа гү, али Бурханай үгэ хазагайруулхаяа оролдоногүйбди. Үнэн зүб тухай айладхажа байһыемнай Бурхан гэршэлхэ. Тиимэһээ маанадта этигэжэ найдажа болохо юм.

Коринфынхидтэ 2-дохи 5:10

Газар дэлхэй дээрэ ябахадаа муу, һайн юумэ хэһэнэйнгээ түлөө шүүлгэхын тула бидэ булта Христоосой зарга шүүбэридэ орохо ёһотойбди.

Фессалоникиинхидтэ 1-дэхи 5:2

Эзэн ерэхэдээ, һүниндөө гэтэжэ ороһон хулгайшандал хүлеэгөөгүй байхада ерэхэ гэжэ таанад өөһэдөө яһала һайн мэдэнэт.

Еврейнүүдтэ 4:13

Бурханһаа далда, нюуса юумэн гэжэ үгы. Харин бүхы юумэн Тэрэнэй харасада элиржэ, нээгдэдэг. Тиин бидэ булта Тэрээндэ өөһэд тухайгаа тоосоо хэхэ ёһотойбди.

Яковай хандалга 4:11

Аха дүүнэр, бэе бэеэ бү шүүмжэлэгты. Һүзэглэгшэ нүхэрөө шүүмжэлхэдээ, али зэмэлхэдээ, таанад Хуули шүүмжэлнэ, зэмэлнэ гээшэт. Зүгөөр Хуули зэмэлхэдээ, таанад Хуули сахигша бэшэ, харин Хуули шүүбэрилэгшэ болобо гээшэт.

Яковай хандалга 5:7

Зай, аха дүүнэр, Эзэнэй заларан ерэтэр тэсэбэритэй байгты. Таряашаниие хараад үзыт, тэрэ газарһаа ургаса абахын тула ехэл тэсэбэритэйгээр намарай болон хабарай бороо хүлеэдэг.

Яковай хандалга 5:9

Аха дүүнэр, бэе бэедээ гомдохол бү баригты, тиигэбэл таанад гэмнүүлхэгүйт; Заргаша Бурхан үүдэнэй саана зогсоно.

Пётрой 1-дэхи хандалга 1:7

Юундэб гэхэдэ, тэдэ зоболонгууд танай һүзэг бодото гү гэжэ туршана, батална гээшэ. Галда шатажа үгы болодог алтаншье галаар туршагдадаг, зүгөөр танай һүзэг алтанһаа үлүү үнэтэй, тиимэһээл тэрэнэйтнай үнэн байһыень заабол туршаха, баталха хэрэгтэй. Тиигээд лэ таанад Иисүүс Христоосой заларан ерэхэ Үдэр магтаалда, алдар солодо, нэрэ түрэдэ хүртэхэт.

Пётрой 1-дэхи хандалга 5:4

Тиигэбэл, таанад эгээн ехэ Адуулагшын ерэхэдэ, һүнэшэгүй алдарай шагналда хүртэхэт.

Пётрой 2-дохи хандалга 3:12

огторгойн шатажа һүнэхэ, огторгойдо байһан нара, һара, одо мүшэдэй галда хайлаха Бурханай тэрэ Үдэрые хүлеэжэ, тэрэ үдэрые ойртуулхын тула бүхы шадалаараа оролдохо ёһотойт.

Пётрой 2-дохи хандалга 3:4

«Ерэхэб гэжэ үгөө таанадта үгөө бэшэ һэн гү? Тиигээд хаанаб Тэрэтнай? Үбгэ эсэгэнэрнайшье наһа бараа, теэд бүхы юумэн юртэмсэ дэлхэйн бүтээгдэһэнһээ хойшо тэрэл хэбээрээ байнал!» – гэжэ хэлэхэ.

Иудын хандалга 1:14

Тэдэнэр тухай Адаамай долоодохи үеын үри һадаһан болохо Эноох иигэжэ уридшалан айладаа: «Тоогүй олон гэгээнүүдтэйгээ хамта Эзэн ерэнэ.

Гэршэлгэ 1:7

Хаража байгты: үүлэн соогуур Тэрэ ерэхэ. Бүхы хүнүүд, мүн жадаар хадхаашадшье Тэрээниие хараха. Газар дэлхэйн бүхы арадууд Тэрээниие шаналан хайрлаха. Үнэхөөрөө тиихэ. Болтогой!

Гэршэлгэ 20:12

Үхөөшэдые, багашуулые, ехэшүүлые хаан шэрээгэй урда зогсожо байхыень би харабаб. Номууд нээлгээтэй байба. Удаань баһа нэгэ ном – амидаралай ном дэлгэгдэбэ. Үхөөшэд тэдэнэй өөһэдынь үйлэ хэрэгэй ёһоор, мүн номуудта бэшээтэй байһан ёһоор шиидхүүлээ.