Коринфынхидтэ 1-дэхи 3:5 - Библи

⁵ Эсэсэй эсэстэ Аполлос гэдэгтнай хэн бэ? Тиихэдэ Павел гэдэгтнай хэн бэ? Бидэ таанадай Христоосто һүзэглэхэдэ туһалһан юрэ Бурханай зарасанар гээшэбди. Бидэ Эзэнэй хүн бүхэндэмнай үгэһэн ажалыел бүтээгээбди:

Шэнэ Хэлсээн

⁵ Эсэсэй эсэстэ Аполлос гэдэгтнай хэн гээшэб? Тиихэдэ Павел гэдэгтнай хэн гээшэб? Бидэ таанадай Христосто һүзэглэхэдэ туһалһан юрэ Бурханай зарасанар гээшэбди. Бидэ Дээдын Эзэнэй хүн бүхэндэмнай үгэһэн ажалыел бүтээгээбди:

Коринфынхидтэ 1-дэхи 3:5 ပူးပေါင်းရင်းမြစ်များ

Матвей 25:15

Эзэн зарасанарайнгаа абьяас шадабари мэдэжэ байгаад, хүн бүридэнь шадал абьяасайнь зэргээр мүнгэ үгэбэ: нэгэндэнь табан мянган алтан мүнгэ, нүгөөдэдэнь хоёр мянган алтан мүнгэ, гурбадахидань нэгэ мянган алтан мүнгэ барюулба. Тиигээд аяндаа мордобо.

Лука 1:2

Эхинһээнь байлсаһан, болоһон бүгэдые хараһан зоной маанадта хөөрэһые тэдэ нүхэд буулгажа бэшэнэ.

Иоанн 3:27

– Тэнгэриин үршөөгөөгүй юумэ хэншье абажа шадахагүй, – гэжэ Иоанн харюусаба. –

Хэрэгүүд 18:24

Александриһаа уг гарбалтай Аполлос гэдэг еврей хүн Эфестэ бии болобо. Тэрэ ехэ уран хэлэтэй, Нангин Бэшэг һайн мэдэдэг һэн.

Хэрэгүүд 19:1

Аполлосой Коринфда байха үедэ Павел Галаадай ба Фригиин газар дайдые дабан, Эфес хүрэжэ ерэхэдээ, хэдэн шабинартай уулзаба.

Римэйхиндэ 15:16

бусад арадуудай аша туһада Христоос Иисүүсэй зараса болооб. Бусад арадые Арюун Һүлдын ашаар Бурханда зохистой арюун нангин үргэл болгохын тула би Бурханай Һайн Мэдээсэлые номнон, санаартанай ажал ябуулнаб.

Коринфынхидтэ 1-дэхи 12:28

Һүзэглэгшэдэй бүлгэм соо Бурхан хүн бүхэниие байрадань байлгаба: анха түрүүн, элшэнэрые, хоёрдохи һуурида Бурханай мэдээсэл элирүүлэгшэдые, гурбадахи һуурида һургагшадые, тиигээд гайхамшагта үйлэ хэрэгүүдые бүтээдэг зониие, хойноһоонь үбшэн хүнүүдые аргалан эдэгээдэг, бусад зондо туһалдаг, бусадые ударидадаг, элдэб танигдахагүй хэлэн дээрэ дуугардаг абьяастай хүнүүдые табяа.

Коринфынхидтэ 1-дэхи 16:12

Мүнөө манай һүзэглэгшэ нүхэр Аполлос тухай хэлэһүүб. Би тэрэниие таанадта һүзэглэгшэ аха дүүнэрээр хамта ошохыень ехэл гуйһан байгааб. Теэд тэрэ мүнөө таанадта ошохо аргагүй байна, гэхэдэ боломжо гарабал, тэрэ таанадта заабол ошохо.

Коринфынхидтэ 1-дэхи 3:10

Бурханай намда үгэһэн абьяас бэлиг хэрэглэн, би сэсэн барилгашандал мэтэ барилгын һуури татааб, үшөө ондоо хүн тэрэ һуурин дээрэ байра барина. Гэхэтэй сасуу хүн бүхэн яажа барижа байһанаа анхарха ёһотой.

Коринфынхидтэ 1-дэхи 3:22

Павел, Аполлос, Пётр, энэ газар дэлхэй, амин, үхэл, оршон үе, ерээдүй сагшье илгаагүй таанадай,

Коринфынхидтэ 1-дэхи 3:7

Тиимэһээ тариһан, уһалһан хүнүүдынь ямаршье хабаагүй, зүгөөр ургуулһан Бурхан гол шухала юм.

Коринфынхидтэ 1-дэхи 9:17

Хэрбээ би ажалаа һайн дураараа хэжэ байбал, шагналда хүртэхэ байгааб; гэхэдэ би Бурханай намда даалгаһан албые дүүргэнэб.

Коринфынхидтэ 2-дохи 11:23

Тэдэнэр Христоосой зарасанар гү? Тиихэдэ би тэдэнһээ үлүү һайн зарасань гээшэб. Тиигэжэ үбэштэйрһэндэл хэлэһэмни мэдээжэ. Би тэдэ зонһоо үлүү ехээр ажаллажа, бүри оло дахин түрмэдэ орооб, тоогүй оло дахин ташуурдуулан хэһээлгээд, үхэн алдааби.

Коринфынхидтэ 2-дохи 3:3

Христоосой Өөрөө энэ бэшэг бэшээд маанадаар дамжуулһаниинь эли байна. Энэ бэшэг бэхээр бэшэ, харин амиды Бурханай Һүлдөөр бэшээтэй, шулуун хабтагайнууд дээрэ бэшэ, харин хүнүүдэй сэдьхэлдэнь бэшээтэй.

Коринфынхидтэ 2-дохи 3:6

Тэрэл Бурхан бэшээтэй Хуули дээрэ бэшэ, харин Арюун Һүлдэ дээрэ һуури татаһан Шэнэ Хэлсээнэй зарасанар байха боломжо бидэндэ олгоо. Юундэб гэхэдэ, Хуули үхэл асардаг, харин Һүлдэ амидарал үршөөдэг.

Коринфынхидтэ 2-дохи 4:1

Бурханай үршөөл хайраар бидэ иимэ ажал хэнэбди, тиихэдээ урмаа хухарнагүйбди.

Коринфынхидтэ 2-дохи 4:5

Бидэ өөһэдыгөө айладханагүйбди, харин Иисүүс Христоосые Эзэн гэжэ, бидэ Иисүүсэй аша туһада танай зарасанарбди гэжэ номнонобди.

Коринфынхидтэ 2-дохи 4:7

Бидэ энэ баялиг хадагалһан шабар домбонуудта адли хүмди. Тиимэһээ бодото һүр хүсэн маанадһаа бэшэ, харин Бурханһаа эхи абадаг.

Коринфынхидтэ 2-дохи 5:18

Эдэ бүхы юумэнүүдые Бурхан бүтээгээ. Тэрэ маанадтай эбээ нэгэдхүүлхын тула Христоосые эльгээгээ, тиин эб нэгэдхүүлхэ тухай номнохые маанадта даалгаа.

Коринфынхидтэ 2-дохи 6:1

Бурханай буян хэшэгые дэмы бү абагты гэжэ бидэ Бурхантай хамта ажаллажа байһан ушарһаа таанадые гуйнабди.

Коринфынхидтэ 2-дохи 6:4

Ямаршье юумэ хэхэдээ, бидэ тохёолдоһон бэрхэшээл зоболонгуудые, дутагдал дундануудые, хүшэр байдалые даруу номгоноор дабажа гаран, өөһэдыгөө Бурханай үнэн зарасанар гэжэ харуулнабди.

Эфесэйхиндэ 3:7

Бурханай хүсэ шадалай нүлөөгөөр намда үгтэһэн тусгай үршөөлөөр би Һайн Мэдээсэлэй зарасань болооб.

Колоссынхидтэ 1:23

Тиимэһээ таанад хатуу ба сухаришагүй һүзэглэжэ байха ёһотойт, Һайн Мэдээсэлые шагнажа этигэһэн найдабарияа алдаха ёһогүйт. Ушарынь юуб гэхэдэ, би Павел газар дэлхэй дээрэ бүхы амитадта номногдоһон тэрэ Һайн Мэдээсэлэй зарасань болооб.

Колоссынхидтэ 1:25

Бурхан намайе һүзэглэгшэдэй бүлгэмэй алба хэгшээр табяад, таанадай һайн һайханай түлөө Бурханай үгые гүйсэд номнохо ажал даалгаа. Тэрэ Бурханай үгэ үнгэрһэн үе сагта хүн түрэлхитэнһөө далда байгаа, харин мүнөө Бурханай зондо элирхэйлэгдээ.

Тимофейдэ 1-дэхи 1:12

Намда ажаллаха хүсэ шадал үгэһэн Эзэн Христоос Иисүүстэ би баясхалан хүргэнэб. Намайе найдабаритай гэжэ тоолоод, Өөртэнь алба хэхыемни табиһандань баясхалан хүргэнэб.

Пётрой 1-дэхи хандалга 4:10

Хүн бүхэнтнай Бурханһаа абьяастай, тиин тэрэ олон янзын абьяаснуудаа ухаатайгаар, бэе бэедээ аша туһатайгаар хэрэглэжэ байгыт даа.