Коринфынхидтэ 1-дэхи 3:15 - Библи

¹⁵ Хэрбээ хүнэй ажалынь галда шатабал, тэрэ хүн гарзада орохо, тиигэбэшье тэрэ хүн өөрөө абарагдаха, галда шатахаһаа абарагдаха гэжэ хэлэхэдэ болохо.

Шэнэ Хэлсээн

¹⁵ Хэрбээ хүнэй ажалынь галда шатабал, тэрэ хүн гарзатай байха, тиигэбэшье тэрэ хүн өөрөө абарагдаха, галда шатахаһаа абарагдаха гэжэ хэлэхэдэ болохо.

Коринфынхидтэ 1-дэхи 3:15 ပူးပေါင်းရင်းမြစ်များ

Иоов 23:10

Үзэгдэхэгүйнь шухала бэшэ юм бэзэ, гэшхэһэн бүхы мүрым Тэрэ һайн мэдэнэ. Намайе шалган туршаад, холисогүй шэжэр алта элирүүлһэндэл хэлэхэ.

Амоос 4:11

Содом болон Гоморрые һандаргааһандаа адляар Би таанад руу тон тиимэ һандарал эльгээгээб. Таанар гал дүлэнһөө шүүрэн абагданхай сусал мэтэ байгаат. Теэд таанар Нам руу эрьеэгүйт. Энэ болбол Би, Эзэн, тунхаглана мүн!

Захарияа 3:2

Эзэн эрлиг дайсанда айладаба: – Эзэн шамайе буруушаажа байна. Үнэхөөр Иерусалимые шэлэһэн Эзэн шамайе буруушаана! Энэ хүн галһаа абтаһан сусалда адли бэшэ гү?!

Хэрэгүүд 27:21

Хүнүүд үнинэй эдеэлхэеэшье болибо. Тиихэдэ Павел тэдэнэй урда гараад, иигэжэ хэлэбэ: – Нүхэд, минии үгэ дуулажа, Криит арал дээрэ үлэхэ байгаабди. Тиигээ һаа, бидэ иимэ гай оһолдо орохогүй һэмди, иимэ ехэ гарзашье гарахагүй байгаа.

Хэрэгүүд 27:44

харин үлэһэн зониие эрье хүрэтэр модон дээрэ гү, али кораблиин хэлтэрхэй дээрэ тамаржа ошохыень захирба. Тиигэжэ булта хуурай газар дээрэ бүтэн бүрин гараба.

Пётрой 1-дэхи хандалга 4:18

«Һайн хүнүүдэй абарагдахань хүшэр байхада, һүзэггүй, нүгэлтэй зон яахань гээшэб?» – гэжэ Нангин Бэшэг соо хэлэгдэнэ.

Иоаннай 2-дохи хандалга 1:8

Тиимэһээ бэеэ нарин нягтаар абажа ябагты, юунэй түлөө бидэнэй ажаллаһые миин бү хосороогты, теэд ажалайнгаа түлөөһые хүсэд дүүрэнээр абаха гэжэ оролдогты.

Иудын хандалга 1:23

Хүнүүдые хэһээлтын галһаа аршалжа байгты. Бусад зониие үршөөжэ хайрлагты, тиибэшье тэдэнһээ болгоомжолжо, нүгэлөөр бузарлуулагдаһан хубсаһанһаань жэрхэжэ байгты.

Гэршэлгэ 3:18

Баян болохын тула галаар арюудхагдаһан алта Намһаа худалдажа абахыетнай зүблэнэб, шарбай нюсэгэн бэеэ харуулжа ябахагүйн тула сагаан хубсаһа Намһаа абажа үмдэгты, юумэ харадаг болохын тула нюдэнэй эм абажа, нюдэндөө түрхигты.