Коринфынхидтэ 1-дэхи 2:14 - Библи

¹⁴ Зүгөөр Һүлдые тогтоожо абаагүй хүн Бурханай Һүлдын үгэһэн абьяас бэлигүүдые абажа шадахагүй. Тиимэ хүн тэдэ абьяас бэлигүүдые ойлгохогүй, тэдэниие ямаршье удхагүй гэжэ тоолохо. Ушарынь юуб гэхэдэ, тэдэ юумэнүүдые гансал оюун сэдьхэлээрээ ойлгожо болохо.

Шэнэ Хэлсээн

¹⁴ Зүгөөр Һүлдые тогтоожо абаагүй хүн Бурханай Һүлдын үгэһэн абьяас бэлигүүдые абажа шадахагүй. Тиимэ хүн тэдэ абьяас бэлигүүдые ойлгохогүй, тэдэниие ямаршье удхагүй гэжэ тоолохо. Ушарынь юуб гэхэдэ, тэдэ юумэнүүдые гансал оюун сэдьхэлээрээ ойлгожо болохо юм.

Коринфынхидтэ 1-дэхи 2:14 ပူးပေါင်းရင်းမြစ်များ

Һургаал 14:6

Сабаагүй ябадалтай хүн сэсэ мэргэниие бэдэрбэшье олохогүй. Ухаатай хүндэ мэдэлгэ бэлээр олдодог.

Матвей 16:23

Иисүүс Пётрто хандан: – Холо боло Намһаа, сатана! Ши Намда һаад хэнэш. Шинии һанал бодолнуудшни Бурханһаа үршөөгдэнэ бэшэ, харин хүн шанарһаашни бүрилдэнэ, – гэбэ.

Иоанн 10:20

– Энэтнай досоогоо ада шүдхэртэй болоод, дэмыржэ байна. Таанар Энээниие юундэ шагнанабта? – гэжэ олониинь хэлэбэ.

Иоанн 12:37

Тиимэ олон дүлгэ тэмдэгүүдые Иисүүсэй харуулбашье, зон этигэбэгүй.

Иоанн 14:17

Туһалагша болбол Үнэн зүйлэй Һүлдэ мүн, тэрэ Һүлдые дэлхэйн зон абажа шадахагүй, юундэб гэбэл, Тэрэниие харанагүй, мэдэнэгүй бшуу. Харин таанар Тэрэниие мэдэнэт, Тэрэ таанартай мүнөө байна, ерээдүйдэшье досоотнай байха.

Иоанн 14:26

Минии аша туһада Эсэгэмни таанарта Туһалагшые, Арюун Һүлдые эльгээхэ. Тэрэ Арюун Һүлдэ таанарые али бүхы юумэндэ һургаха, Минии хэлэһэн юумэ баран һануулха.

Иоанн 15:26

Минии эльгээһэн Туһалагша Эсэгэһээмни ерэхэдээ, Минии тухай гэршэлхэ. Тэрэ болбол Эсэгэһээмни эхи абаһан үнэн зүбые хэлэдэг Һүлдэ болоно.

Иоанн 5:44

Таанар бэе бэедээ магтуулхаяа ехээр хүсэнэт, харин Бурханай магтаалда хүртэхэ гэжэ оролдоногүйт! Таанартал адли хүнүүд Намда этигэхэ аал?

Иоанн 8:43

Юундэ таанар Минии хэлэһэн үгые ойлгохо, дуулаха шадалгүй байнабта!

Хэрэгүүд 16:14

Тэдэ эхэнэрнүүдэй дунда Тиатир хотын Лидия гэжэ нэрэтэй, улаан бүд наймаалдаг Бурханда һүзэглэдэг эхэнэр бидэниие шагнажа байгаа. Эзэн Павелай хэлэжэ байһан үгэнүүдые энэ эхэнэрэй дуулажа абахын тула оюун ухааень нээбэ.

Хэрэгүүд 17:18

Эпикур болон стоик һургаалай гүн ухаантанууд тэрээнтэй уулзажа: – Энэ дэмы шашагша юу хэлэхэ һанаатайб? – гэжэ нэгэ зариманиинь хэлэжэ байба. – Үгы, энэшни хариин бурхадууд тухай номноно ха, – гэжэ нүгөөдүүлынь хэлэбэ. Юундэ тиигэжэ хэлсээб гэхэдэ, Павел Иисүүс тухай, Тэрэнэй амидыралга тухай номноо.

Хэрэгүүд 17:32

Үхэһэн хүнүүдые амидыруулһан тухай дуулахадаа, нэгэ зарим зон ташаганаса энеэлдэбэ, нүгөө зариманиинь: – Бидэ таниие үшөө дахин шагнуужамди, – гэлдэбэ.

Хэрэгүүд 18:15

Харин үгэнүүдһээ, нэрэ алдарһаа боложо, өөһэдынгөө Хуулиин асуудалнуудаар арсалдаа юм бол, өөһэдөө шиидхэгты. Энэ асуудалаар танай заргаша байха аргамгүй, – гэбэ.

Хэрэгүүд 25:19

Харин тэдэ өөһэдынгөө шажанай талаар, Павелай амиды гэжэ баталан хэлэдэг Иисүүс гэдэг үхэһэн хүн тухай асуудалаар арсалдаа.

Коринфынхидтэ 1-дэхи 1:18

Христоосой хэрээһэн дээрэ үхэһэн тухай мэдээсэл хосорогшодто ямаршье удхагүй тэнэг юм, харин абарагдажа байһан бидэндэ тэрэ мэдээсэл Бурханай һүр хүсэн болоно.

Коринфынхидтэ 1-дэхи 1:21

Энэ дэлхэйн зоной өөһэдынгөө ухаагаар Бурханиие мэдэрхын аргагүй байхыень Бурхан Өөрөө оюун ухаагаараа заяагаа, тиигээд «тэнэг» гэгдэдэг мэдээсэлээр һүзэглэгшэ зониие абарха гэжэ шиидээ.

Коринфынхидтэ 1-дэхи 1:23

Харин бидэ саазалуулагдаһан Христоос тухай, еврейнүүдэй дурые гутаадаг, бусад арадуудта, ямаршье удхагүй байдаг мэдээсэлые номнонобди.

Коринфынхидтэ 1-дэхи 1:25

Бурханай тэнэг гэжэ һанагдадаг юумэнь хүнүүдэй ухаанһаа сэсэн юм, Бурханай бирагүй һула гэжэ һанагдадаг юумэнь хүнүүдэй хүсэ шадалһаа хүсэтэй юм.

Коринфынхидтэ 1-дэхи 15:44

Һуулгагдахадаа, юрэ махабад бэе байгаад, амидырхадаа, оюун сэдьхэлэй бэе байха. Юрэ махабад бэе байбал, оюун сэдьхэлэй бэешье байха.

Коринфынхидтэ 1-дэхи 15:46

Анха түрүүн оюун сэдьхэлтэй бэшэ, харин юрэ махабад бэетэй ерэхэ, хожомынь оюун сэдьхэлэй һүлдэтэй ерэхэ.

Коринфынхидтэ 1-дэхи 2:12

Бидэ энэ дэлхэйн зондол адляар бодомжолхогүйн тула энэ дэлхэйн һүлдые тогтоожо абаагүй хүмди, зүгөөр Бурханай эльгээһэн Һүлдые тогтоожо абаа хүмди, тиимэһээ Бурханай маанадта үршөөһэн бүхы юумые мэдэхэбди.

Коринфынхидтэ 1-дэхи 3:1

Аха дүүнэр, Һүлдэ тогтооһон хүнүүдтэл адляар таанадта хандан хэлэхэ аргагүй байгааб, харин энэ дэлхэйн хүнүүдтэл, Христоосто һүзэглэһэнөөрөө нарай үхибүүд байһан хүнүүдтэл мэтэ хандан хэлээб.

Яковай хандалга 3:15

Тиимэ ухаан дээдэ тэнгэриһээ үгтэнэ бэшэ, харин энэ дэлхэйһээ, ганса бэеэ бодоһонһоо, ада шүдхэрһөө эхитэй ухаан юм.

Иоаннай 1-дэхи хандалга 2:20

Таанарта Арюун Һүлдэ Бурханһаа үгтөө, тиимэһээ таанар бүхы юумэ мэдэнэт.

Иоаннай 1-дэхи хандалга 2:27

Бурханай таанадта үгэһэн Арюун Һүлдэ сэдьхэлдэтнай байна, тиимэһээ таанарые хэн нэгэнэй һургаһанай хэрэгынь үгы. Арюун Һүлдэ үнэн зүб юумэ хэлэнэ, худал юумэ хэлэнэгүй, тиигэжэ таанарые бүхы юумэндэ һургана. Арюун Һүлдын һургаһан ёһоор таанар Христоостой нэгэн хамта байгты.

Иоаннай 1-дэхи хандалга 5:20

Ёһотой Бурханиие бидэнэй танидаг болохын тула маанадта Бурханай Хүбүүн ерэжэ ойлгуулаа гээд бидэ мэдэнэбди. Бидэ Бурхантай нэгэн хамта, Тэрэнэй Иисүүс Христоостой нэгэн хамта байнабди. Иисүүс Христоос хадаа ёһотой Бурхан гээшэ, хэтэ мүнхын амидарал гээшэ.

Иудын хандалга 1:19

Тиимэ зонһоо боложо хүнүүд эбээ таһалдаг, тэдэ зон бэеынгээ хүсэлэнгүүдтэ хүтэлүүлэн, Арюун Һүлдэгүй ажамидардаг.