Коринфынхидтэ 1-дэхи 2:13 - Библи

¹³ Тиимэһээ бидэ хүнүүдэй сэсэн ухаанай һургаһан үгэнүүдээр дуугарнагүйбди, харин Һүлдын һургаһан үгэнүүдээр дуугарнабди. Тиигэжэл бидэ Һүлдые тогтоожо абаһан хүнүүдтэ оюун сэдьхэлэй үнэн зүбые Һүлдын үршөөһэн үгэнүүдээр тайлбарилнабди.

Шэнэ Хэлсээн

¹³ Тиимэһээ бидэ хүнүүдэй сэсэн ухаанай һургаһан үгэнүүдээр дуугарна бэшэбди, харин Һүлдын һургаһан үгэнүүдээр дуугарнабди. Тиигэжэл бидэ Һүлдые тогтоожо абаһан хүнүүдтэ оюун сэдьхэлэй үнэн зүбые Һүлдын үршөөһэн үгэнүүдээр тайлбарилна гээшэбди.

Коринфынхидтэ 1-дэхи 2:13 ပူးပေါင်းရင်းမြစ်များ

Лука 12:12

Тэрэ сагтаа Арюун Һүлдэ юу хэлэхыетнай танда заажа үгэхэ.

Хэрэгүүд 2:4

Тиихэдэнь булта Арюун Һүлдөөр дүүрэн, Һүлдын хүсөөр элдэб хэлэнүүд дээрэ дуугаралдаба.

Коринфынхидтэ 1-дэхи 1:17

Христоос намайе уһаар арюудхахын тула эльгээгээ бэшэ, харин сэсэрхэһэн уран үгэнүүдые хэрэглэнгүйгөөр Һайн Мэдээсэл номнохыемни эльгээгээ. Хэрбээ сэсэрхэһэн уран үгэнүүдые хэрэглэбэлни, Христоосой үхэл удхагүй дэмы болохо һэн.

Коринфынхидтэ 1-дэхи 14:2

Танигдахагүй хэлэнүүд дээрэ дуугаржа байһан хүнүүд бусад хүнүүдтэ бэшэ, харин Бурханда хандан дуугарна, тиимэһээ хэншье тэдэниие ойлгоногүй, тэдэ Арюун Һүлдын хүсөөр нюуса үнэн зүйлые айладхана.

Коринфынхидтэ 1-дэхи 2:1

Аха дүүнэр, Бурханай гэршэлгые номнохоёо таанадта ерэхэдээ, би уран гоё үгэнүүдые гү, али агууехэ ухаа хэрэглээгүй һэнби.

Коринфынхидтэ 1-дэхи 2:14

Зүгөөр Һүлдые тогтоожо абаагүй хүн Бурханай Һүлдын үгэһэн абьяас бэлигүүдые абажа шадахагүй. Тиимэ хүн тэдэ абьяас бэлигүүдые ойлгохогүй, тэдэниие ямаршье удхагүй гэжэ тоолохо. Ушарынь юуб гэхэдэ, тэдэ юумэнүүдые гансал оюун сэдьхэлээрээ ойлгожо болохо.

Коринфынхидтэ 1-дэхи 2:4

үгэнүүдээ хэлэхэдээ, номноходоо, би уран үгэнүүдые хэрэглэн идхаагүйб, харин Бурханай Һүлдын һүр хүсэн хэлэһыемни баталан идхажа байгаа.

Коринфынхидтэ 1-дэхи 9:11

Бидэ таанад соо оюун сэдьхэлэй үрэһэ таряабди. Тиигээд харюудань таанадһаа энэ дэлхэйн юумэнүүдые абабалнай буруу хэрэг гү?

Эфесэйхиндэ 5:19

Бурханай дуунуудаар, магтаалта дуунуудаар, Һүлдын хайрлаһан дуунуудаар бэе бэеэ урмашуулжа байгты. Үнэн зүрхэнһөө Эзэниие алдаршуулан дуулажа, магтажа ябагты.

Колоссынхидтэ 3:16

Христоосой һургаал ажамидаралайтнай гол хүтэлэгшэнь болог лэ. Бэе бэеэ ухаатайгаар, бодомжотойгоор һургажа, заабарилжа байгты. Бурханда баяр хүргэн, псаломууд, магтаалнууд, арюун нангин дуунуудые дуулажа байгты.

Пётрой 1-дэхи хандалга 1:12

Өөһэдынгөө аша туһада бэшэ, харин һүзэглэгшэ таанадай аша туһада тэдэнэр алба хэнэ гэжэ Бурхан тэдэ лүндэншэдтэ элирхэйлээ, тиимэһээ тэнгэриһээ эльгээгдэһэн Арюун Һүлдын дамжуулһан Һайн Мэдээсэлые айладхаһан хүнүүдые таанад мүнөө сонособот. Тэрэ нюусые Эльгээмэлнүүдшье мэдэхэ хүсэлтэй байна.

Пётрой 2-дохи хандалга 1:16

Манай Эзэн Иисүүс Христоосой ерэхэ тухай хэлэхэдээ, бидэ хэн нэгэнэй зохёоһон үльгэрнүүдые дабтаагүйбди. Бидэ өөһэдөө Тэрэнэй һүр жабхалангые үзэһэн гэршэнэр гээшэбди.