Коринфынхидтэ 1-дэхи 16:1 - Библи

¹ Мүнөө дуталдажа байһан Иудей можын Бурханай хүнүүдтэ алта мүнгэ суглуулжа туһалха талаар хэлэһүүб. Галаадай һүзэглэгшэдэй бүлгэмүүдтэ юу хэхыень захяа һэнби. Таанадшье тэрэ захяа дүүргэгты.

Шэнэ Хэлсээн

¹ Мүнөө дуталдажа байһан Иудей можын Бурханай хүнүүдтэ алта мүнгэ суглуулжа туһалха талаар хэлэһүүб. Галадай һүзэглэгшэдэй бүлгэмүүдтэ юу хэхыень захяа һэнби. Таанадшье тэрэ захяае дүүргэгты.

Коринфынхидтэ 1-дэхи 16:1 ပူးပေါင်းရင်းမြစ်များ

Хэрэгүүд 11:28

Агааб гэжэ нэрэтэй тэдэнэй нэгэн бодожо, бүхы газар дэлхэйдэ ехэ үлэсхэлэн болохо гэжэ Арюун Һүлдын ашаар уридшалан хэлэбэ. Тиимэ үлэсхэлэн Клавдий хаанай захирха үедэ болоо һэн.

Хэрэгүүд 11:30

Шиидэһэнээ хүсэлдүүлэн, Барнааба Саул хоёроор бүлгэмэй хүтэлэгшэдтэ өөһэдынгөө мүнгэн туһаламжа дамжуулба.

Хэрэгүүд 16:6

Арюун Һүлдэ Асида Бурханай үгэ бү номногты гэһэн тула тэдэ бүхы Фригиин болон Галаадай можонуудаар ябаба ха.

Хэрэгүүд 18:23

Хэдэн сагай туршада Антиохдо байгаад, Павел замаа саашань үргэлжэлүүлэн, бүхы Галаадай болон Фригиин нютагуудаар ябажа, шабинарай этигэлые батадхан бэхижүүлбэ.

Хэрэгүүд 24:17

Иерусалимда олон жэл ерэнгүй байгаад, һаяар би арадтаа мүнгэнэй туһаламжа хүргэхэеэ, үргэл асархаяа ерээ һэм.

Хэрэгүүд 9:13

– Эзэн, аа! Танда һүзэглэдэг Иерусалимынхидта энэ хүн хэды ехэ хоро хүргөөб гэжэ би мэдэнэб. Энэ хүн тухай би олон хүнүүдһээ дуулаа һэнби.

Хэрэгүүд 9:41

Пётр тэрээндэ гараа үгэжэ, бодоходонь туһалан, Бурханай хүнүүдые болон бэлбэһэн эхэнэрнүүдые дуудажа, амиды Табитаае тэдэндэ харуулба.

Римэйхиндэ 12:13

Дуталдажа байһан һүзэглэгшэдтэй хубаалсажа, аяншадые гэртээ оруулан хүндэлжэ байгты.

Коринфынхидтэ 1-дэхи 11:34

Суглархадаа, Бурханай заргада орохогүйнтнай тулада үлэн хооһон байһан зонтнай гэртээ эдеэлжэ байг. Бусад асуудалнуудые таанадта ерэхэдээ тайлбарилжа үгэхэб.

Коринфынхидтэ 1-дэхи 16:15

Таанад Стефан ба тэрэнэй гэр бүлэ тухай мэдэнэт, тэдэнэр Ахайяын зоной дундаһаа анха түрүүн Эзэндэ һүзэглэһэн, Бурханай хүнүүдэй алба хэхэдэ өөһэдыгөө бүрин зорюулаа юм. Аха дүүнэрни,

Коринфынхидтэ 1-дэхи 4:17

Тиимэл зорилготойгоор Эзэндэ үнэн сэхэ Тимофейе таанадта эльгээнэб. Тэрээндэ би Хүбүүндээл адли дуратай хүнби. Хаанашье ябахадаа, һүзэглэгшэдэй бүхы бүлгэмүүдые һургадаг байһан тухаймни – Христоос Иисүүстэй нэгэдэһэн ажамидаралдаа баримталдаг юумэнүүд тухаймни – таанадта тэрэ һануулха.

Галадуудта 1:2

тиин тэрээнтэй хамта байгааша һүзэглэгшэдһөө Галаат можын һүзэглэгшэдэй бүлгэмдэ

Галадуудта 2:10

Тэдэ элшэнэр Иерусалимай ядуу һүзэглэгшэдэй бүлгэмдэ анхаралаа хандуулхыемнай бидэнһээ гуйгаа. Тиимэһээ би энээндэ һаналаа табижа, тэдэ зондо туһалдаг байгааб.

Филимондо 1:5

Бурханай бүхы зондо эльгэтэй байһан тухайшни, Эзэн Иисүүс Христоосто һүзэглэжэ байһан тухайшни дуулажа байдагби.

Филимондо 1:7

Хүндэтэ дүүмни, хайра дураншни намайе ехэтэ баясуулаа, аргагүй урмашуулаа. Ши бүхы һүзэглэгшэдэй сэдьхэлыень амаруулааш.

Еврейнүүдтэ 6:10

Бурхан болбол найдабаритай үнэн сэхэ юм. Тэрэ хэһэн хэрэгүүдыетнай, бусад һүзэглэгшэдтэ туһалһан, мүнөөшье туһалан, Өөртэнь үзүүлһэн хайра дурыетнай мартахагүй.

Иоаннай 1-дэхи хандалга 3:17

Энэ дэлхэйдэ юумээр дутадаггүй баян һуудаг хүн аад, аханар дүүнэрэйнгээ үгытэй ядуу һуухадань һанаагаа зободоггүй хүн: Бурханда дуратайб гэжэ яагаад хэлэжэ шадаха гээшэб?