Коринфынхидтэ 1-дэхи 15:2 - Библи

² Тэрэнэй ашаар таанад абарагдаат. Минии номноһон Мэдээсэл хатуугаар баримталжа байһан ушарта таанад абарагдабат, үгы юм һаа, дэмы һүзэглэһэн байгаат.

Шэнэ Хэлсээн

² Тэрэнэй ашаар таанад абарагдаһан байгаат. Минии таанадта номноһон Мэдээсэл хатуугаар баримталжа байһандаа таанад абарагдабат, хэрбээ үгы юм һаа, таанад дэмы һүзэглэһэн байгаат.

Коринфынхидтэ 1-дэхи 15:2 ပူးပေါင်းရင်းမြစ်များ

Һургаал 23:23

Үнэниие абаһан хойноо тэрээндэ бү урбаарай. Мэргэн ухаае, заабари хүмүүжэл, мэдэлгэ ухаа алдажа болохогүй.

Һургаал 3:1

Хүбүүмни! Минии һургаалые бү марта, зүрхэншни минии заабари сахиха болтогой.

Һургаал 4:13

Эсэгын һургаалые алдангүй һанажа яба. Эсэгын һургаал хүбүүнэйнь амин гол мүн.

Лука 8:13

Шулуутай газарта унаһан үрэһэн гээшэнь – номнол үгэнүүдые шагнаад, тэрэниие ойлгожо баярлабашье, тэрэ үгын сэдьхэлдэнь гүнзэгы үндэһэлөөгүй ушарһаа тиимэ хүнүүд саг зуура һүзэглэбэшье, хатуу бэрхэ сагай ерэхэдэ һүзэглэхэеэ болишодог.

Хэрэгүүд 2:47

Бурханаа алдаршуулан, бүхы зондо һайшаагдажа байгаа. Тиихэдэ Эзэн абарагдаһан зоной тоо үдэрһөө үдэртэ олошоруулба.

Хэрэгүүд 8:13

Симоншье өөрөө этигээд, уһаар арюудхуулаа. Филиппэй хойноһоо тэрэ хаа хаанагүй дахажа, тэрэнэй бүтээжэ байһан гайхамшагта үйлэ хэрэгүүдыень, дүлгэ тэмдэгүүдыень харахадаа, ехэтэ гайхадаг һэн.

Римэйхиндэ 1:16

Һайн Мэдээсэл тухай номнохоёо би эшэнэгүйб. Ушарынь юуб гэхэдэ, тэрэ һүзэглэһэн хүн бүхэниие, нэн түрүүн еврейнүүдые, тиихэдэ баһал бусад арадуудые абарха Бурханай һүр хүсэн юм.

Римэйхиндэ 11:22

Бурхан ямар үршөөл хайратай, ямар уур сухалтай байдаг бэ гэжэ таанад эндэһээ харабат. Бурхан Өөртэнь үһэрхэһэн зондо уур сухалтайгаар, зүгөөр Тэрэнэй үршөөл хайрада байһан танда үршөөл хайратайгаар хандадаг. Тэрэнэй үршөөл хайрадань оршоогүй һаатнай, таанадые баһал таһалжа хаяха.

Коринфынхидтэ 1-дэхи 1:18

Христоосой хэрээһэн дээрэ үхэһэн тухай мэдээсэл хосорогшодто ямаршье удхагүй тэнэг юм, харин абарагдажа байһан бидэндэ тэрэ мэдээсэл Бурханай һүр хүсэн болоно.

Коринфынхидтэ 1-дэхи 1:21

Энэ дэлхэйн зоной өөһэдынгөө ухаагаар Бурханиие мэдэрхын аргагүй байхыень Бурхан Өөрөө оюун ухаагаараа заяагаа, тиигээд «тэнэг» гэгдэдэг мэдээсэлээр һүзэглэгшэ зониие абарха гэжэ шиидээ.

Коринфынхидтэ 1-дэхи 11:2

Намайе ходо һанажа, дамжуулһан һургаалнуудыемни баримталжа байһанайтнай түлөө би таанадые магтанаб.

Коринфынхидтэ 1-дэхи 15:14

Хэрбээ Христоос үхөөд, амидыраагүй һаа, маанадай номноһон дэмы, таанадай һүзэглэһэн дэмы юм.

Коринфынхидтэ 2-дохи 2:15

Ушарынь юуб гэхэдэ, бидэ абарагдажа болон хосоржо байһан зоной дунда Бурханай һанаашалһанаар Христоосой хангалынь болонобди.

Коринфынхидтэ 2-дохи 6:1

Бурханай буян хэшэгые дэмы бү абагты гэжэ бидэ Бурхантай хамта ажаллажа байһан ушарһаа таанадые гуйнабди.

Галадуудта 3:4

Али таанадтай ушарһан бүхы юумэн дэмы үнгэрөө гү? Дэмы үнгэрөөгүйл байгаа даа!

Эфесэйхиндэ 2:8

Этигэл һүзэгэйтнай ашаар таанадые Бурханай үршөөл хайра абараа. Тиин тэрэ этигэл һүзэгтнай өөһэдһөөтнай бэшэ, харин Бурханай үршөөһэн бэлэг гээшэ.

Колоссынхидтэ 1:23

Тиимэһээ таанад хатуу ба сухаришагүй һүзэглэжэ байха ёһотойт, Һайн Мэдээсэлые шагнажа этигэһэн найдабарияа алдаха ёһогүйт. Ушарынь юуб гэхэдэ, би Павел газар дэлхэй дээрэ бүхы амитадта номногдоһон тэрэ Һайн Мэдээсэлэй зарасань болооб.

Фессалоникиинхидтэ 2-дохи 2:15

Тиимэһээ, аха дүүнэрни, бидэнэй номноһон ба бэшэһэн һургаалнуудые баримталжа, бата бэхи байгты.

Тимофейдэ 2-дохи 1:9

Бурхан хэһэн хэрэгүүдэймнай түлөө бидэниие абараа бэшэ, харин Өөрынгөө һайн хүсэлөөр ба үршөөл хайраар бидэниие абаржа, нангин арад болгохоёо дуудаа. Бурхан сагай урадхалай эхи абахаһаа урда бидэндэ Иисүүс Христоосой ашаар Өөрынгөө үршөөлые хайрлаа.

Еврейнүүдтэ 10:23

Бурхан найдуулһанаа дүүргэхэ гэжэ этигэлтэй һаа, этигэжэ байһан тэрэ найдуулгаяа бата баримталан ябаял.

Еврейнүүдтэ 2:1

Тиимэһээ урасхалда абтахагүйн тула бидэ дуулажа абаһан юумэеэ хатуугаар сахижа байха ёһотойбди.

Еврейнүүдтэ 3:14

Хэрбээ бидэ эхилһэн амидаралаа һүүл болоторнь хатуугаар баримталжа байбал, Христоосто хабаатай болонобди.

Еврейнүүдтэ 3:6

Харин Христоос тэрээндэ орходоо Бурханай гэртэ байһан Хүбүүндэл адли найдабаритай. Өөһэдынгөө этигэжэ байһан зориг ба найдабари хадагалжа байбал, бидэ Тэрэнэй гэрынь болохобди.

Еврейнүүдтэ 4:14

Бидэ Бурханай дэргэдэ байһан Бурханай Хүбүүн Иисүүс гэдэг агууехэ Ахамад Санаартатайбди. Тиимэһээ өөһэдынгөө шүтэжэ байгаа һүзэг этигэлые хатуугаар сахижа ябаял.

Яковай хандалга 2:14

Аха дүүнэрни, этигэл һүзэгтэй байһанаа гэршэлхэ ямаршье юумэ хэдэггүй аад, этигэл һүзэгтэйб гэжэ хэлэдэгынь ямар аша туһатай юм бэ? Тиимэ этигэл һүзэг таанадые абарха аал?

Яковай хандалга 2:17

Этигэл һүзэгшье баһал тиимэ: үйлэ хэрэгүүдээр баталагдаагүй һаа, тиимэ этигэл һүзэг дэмы хооһон юм.

Яковай хандалга 2:26

Тиимэһээл, һүнэһэгүй бэеын амигүй байдагтал тон адляар үйлэ хэрэгээр баталагдаагүй этигэл һүзэг дэмы хооһон байдаг.