Коринфынхидтэ 1-дэхи 14:6 - Библи

⁶ Тиимэһээ, аха дүүнэр, мүнөө таанадта ошоходоо, би танигдахагүй хэлэнүүд дээрэ дуугараад, харин Бурханай намда нээһэн мэдээсэл гү, али мэдэлгэ гү, али буулгагдаһан абарал гү, али һургаал заабари асараагүй һаа, таанадта ямар аша туһатай байхабиб?

Шэнэ Хэлсээн

⁶ Тиимэһээ, аха дүүнэр, мүнөө таанадта ошоходоо би танигдахагүй хэлэнүүд дээрэ дуугараад, харин Бурханай намда нээһэн мэдээсэл гү, али мэдэлгэ гү, али буулгагдаһан абарал гү, али һургаал заабари асараагүй һаа, таанадта ямар аша туһатай байхабиб?

Коринфынхидтэ 1-дэхи 14:6 ပူးပေါင်းရင်းမြစ်များ

Ерэмияа 16:19

Эзэмни, Та минии хүсэ шадал, минии Хамгаалагшат! Гай зоболоной үедэ намда туһалнат. Газар дэлхэйн захаһаа үндэһэтэд Танда ерэжэ: Манай үбгэ эсэгэнэр гансал худал хуурмаг бурхадтай, ямаршье аша туһагүй шүтөөнүүдтэй байгаа.

Ерэмияа 23:32

Минии, Эзэнэй, айладхал шагнагты! Худал зүүдэнүүдээ хөөрэжэ, тэдэ худал хуурмагаараа болон һайрхуу үгэнүүдээрээ арад зонойм толгой эрьюулнэ. Би тэдэниие эльгээгээгүйб, ямаршье захиралта үгөөгүйб. Тэдэ улад зондо ямаршье туһагүй. Энэ болбол Би, Эзэн, айладхана мүн!

Матвей 11:25

Баһа тэрэ сагта Иисүүс иигэжэ хэлэбэ: – Газар тэнгэриин Эзэн, Эсэгэмни! Сэсэн мэргэн, эрдэм номтой зонһоо далдалан нюуһан юумэеэ эгээлэй юрын зондо нээжэ элирүүлһэнэйтнай түлөө Танда баяр баясхалан хүргэнэб.

Матвей 16:17

Тиихэдэнь Иисүүс: – Ионын хүбүүн Симон, ши золтойш! Энэ үнэн зүбые шамда хүнэй һанаан нээгээ бэшэ, харин тэнгэридэ оршодог Минии Эсэгэ тайлбарилаа.

Матвей 16:26

Хэрбээ таанад бүхы дэлхэйе олзолоод, ами һүнэһэеэ алдабалтнай, танда ашагтай гү? Үгыл даа! Таанад ямаршье юумэ түлөөд, ами һүнэһэеэ бусаажа шадахагүйлта.

Хэрэгүүд 2:42

Тэдэ зон элшэнэрэй һургаал шагнадаг, бэе бэетэйгээ һайнаар харилсадаг, хамта хоол баридаг, зальбардаг бэлэй.

Римэйхиндэ 15:14

Аха дүүнэрни, таанад эрхим һайнта, элдэб янзын эрдэм мэдэрэлтэйт, бэе бэеэ һургаха аргатайт гэжэ би хатуу этигэлтэйб.

Римэйхиндэ 16:17

Аха дүүнэр, таанадай һуража абаһан бүхы юумые буруушаан, бэрхэшээл зоболон тулгаруулдаг, һүзэглэгшэдэй бүлгэмые хоорондонь хубаадаг хүнүүдһээ болгоомжолжо байгты гэжэ гуйнаб. Таанад тиимэ зонһоо зайсажа байгты.

Римэйхиндэ 6:17

Бурханда баяр баясхалан хүргэе! Таанад нэгэ үедэ нүгэлэй барлагууд байһан аад, номногдоһон һургаалай үнэн зүбые бүхы зүрхэ сэдьхэлээрээ дуулажа абаат.

Коринфынхидтэ 1-дэхи 10:33

Ямаршье юумэ хэхэдээ, би өөрынгөө аша туһада бэшэ, харин бүхы хүнүүдэй абарагдахын тула, тэдэнэй аша туһада оролдодогби.

Коринфынхидтэ 1-дэхи 14:1

Таанад хайра дураяа дэлгэрүүлжэ байгты. Оюун сэдьхэлэй абьяастай байхые, илангаяа Бурханай мэдээсэл элирүүлхэ абьяастай байхые хүсэжэ байгты.

Коринфынхидтэ 1-дэхи 14:7

Хүгжэм гаргадаг жэмбүүр ба ятага хоёрые абаад үзэе, тэдэнэй хүгжэмүүдэйнь илгаа эли тодо бэшэ байбалнь, бидэ жэмбүүр дээрэ наадаһые, ятага дээрэ наадаһые илгахагүй һэмди.

Коринфынхидтэ 2-дохи 11:6

Би уран гоё хэлэтэй бэшэб, гэхэтэй сасуу эрдэм мэдэлгэтэйб. Таанад өөһэдөөшье энээниие элдэб ушарнуудһаа тухайлһан мэдэһэн байнат.

Коринфынхидтэ 2-дохи 12:1

Һайрхахада ямаршье ашаг туһагүй байбашье, би һайрхаха ёһотойб. Зүгөөр мүнөө Эзэнэй элирүүлһэн үзэгдэл ба гэршэлгэнүүд тухай хэлэхэмни.

Эфесэйхиндэ 1:17

Манай Эзэн Иисүүс Христоосой Бурхан, алдарай Эсэгэ Өөрыень таанадай мэдэрхынтнай тулада сэсэн ухаан үршөөдэг Һүлдые таанадта хайрлаг лэ.

Эфесэйхиндэ 3:4

Тэрэ бэшэгыемни уншаад, Христоос тухай нюусые яажа ойлгожо байһыемни таанад мэдэжэ абахат.

Филиппынхидтэ 3:15

Оюун сэдьхэлээрээ болбосон хүн бүхэмнай иимэл һанал бодолтой байха ёһотой. Хэрбээ зариманайтнай ондоо һанал бодолтой байбал, Бурхан тэрэнииетнай эли болгожо харуулхал.

Тимофейдэ 2-дохи 2:14

Хэлэһэн эдэ бүгэдыемни шагнагшадтаа һануулжа байгаарай. Үгэнүүд тухай арсалдахаяа болигты гэжэ Эзэниие гэршэ болгон захиржа байгаарай. Тиимэ арсалдаан шагнагшадта ямаршье туһагүй, тэдэнэй һүзэг алдуулдаг.

Тимофейдэ 2-дохи 3:10

Зүгөөр ши минии һургаалые баримталбаш, намдал адли ажамидарнаш, намдал адли зорилготой, һүзэгтэй, хайра дуратай байнаш, намдал адли шиираг тэсэбэритэй байнаш.

Тимофейдэ 2-дохи 3:16

Нангин Бэшэгэй номуудынь бултадаа Бурханай урмашуулгаар бэшэгдээ, тиимэһээ тэдэ булта үнэн зүб юумэндэ һургадаг, алдуунуудые шүүмжэлэн элирүүлдэг, заһадаг, үнэн сэдьхэлтэйгээр ажамидархые заабарилдаг.

Тимофейдэ 2-дохи 4:2

Бурханай үгэ номногты гэжэ захинаб. Хүнүүдэй дуулаха дуратай, дурагүйшье байбалнь, сухарингүй номнохо ёһотойш. Буруу хэһэн юумэнүүдыень заажа, нүгэлнүүдыень шүүмжэлэн элирүүлэ. Гэхэтэй сасуу тэрэ хүнүүдые урмашуулжа, тэсэбэритэйгээр һурга.

Тидтэ 3:8

Энэ хэлээшэмнай үнэн. Үлзытэй хэрэгүүдые оролдосотойгоор бүтээжэ байхыень Бурханда һүзэглэһэн хүнүүдые ши идхан һургажа байгаарай. Иимэ хэрэгүүд зондо ехэл аша туһатай, һайн.

Еврейнүүдтэ 13:9

Тиимэһээ элдэб янзын һургаалнуудһаа зайсан, үнэн зүб замаар ябагты. Эдеэ хоол тухай гуримуудые сахихые бү оролдогты, тэдэ гуримууд тэдэниие сахиһан хүнүүдтэ ямаршье аша туһагүй байгаа, харин Бурханай хайра үршөөлөөр сэдьхэл зүрхэнтнай бэхижэбэл һайн гээшэ.

Пётрой 2-дохи хандалга 1:5

Тиимэһээл таанад дэмбэрэлтэ хэрэгүүдээрээ һүзэгөө бэхижүүлхые бүхы хүсэ шадалаараа оролдогты, дэмбэрэлтэ хэрэгүүдһээ гадна эрдэм ухаантай байхые, эрдэм ухаантай байхаһаа гадна бэеэ бариха аргатай, бэеэ барихаһаа гадна тэсэбэритэй байхые, тэсэбэритэй байхаһаа гадна Бурханда өөрыгөө зорюулан ажамидархые, Бурханда өөрыгөө зорюулан ажамидархаһаа гадна аха дүүнэрэй найрамдалтай, аха дүүнэрэй найрамдалһаа гадна хайра дуратай байхые бүхы хүсэ шадалаараа оролдожо байгты.

Пётрой 2-дохи хандалга 3:18

Зүгөөр, манай Эзэн ба Абарагша Иисүүс Христоосые саашадаашье мэдэржэ, үршөөл хайрадань хүртэжэ байгты. Тэрэ мүнөөшье, хэтын хэтэдэшье алдар солотой байһай! Болтогой!

Иоаннай 2-дохи хандалга 1:9

Христоосой һургаалһаа холодон, тэрэ һургаалые дахадаггүй хүн Бурхангүйгөөр ажаһууна. Харин Христоосой һургаалые баримталан сахигша Эсэгэ Бурхантай, Тэрэнэй Хүбүүнтэй нэгэн хамта байна.

1 Хаан түрэнүүд 12:21

Хэрэггүй, туһа хүргэхэгүй, абархагүй дэмы юумые бү дахагты.