Коринфынхидтэ 1-дэхи 14:2 - Библи

² Танигдахагүй хэлэнүүд дээрэ дуугаржа байһан хүнүүд бусад хүнүүдтэ бэшэ, харин Бурханда хандан дуугарна, тиимэһээ хэншье тэдэниие ойлгоногүй, тэдэ Арюун Һүлдын хүсөөр нюуса үнэн зүйлые айладхана.

Шэнэ Хэлсээн

² Танигдахагүй хэлэнүүд дээрэ дуугаржа байһан хүнүүд бусад хүнүүдтэ бэшэ, харин Бурханда хандан дуугарна, тиимэһээ хэншье тэдэниие ойлгоногүй, тэдэ Нангин Һүлдын хүсөөр нюуса үнэн зүйлые айладхана гээшэ.

Коринфынхидтэ 1-дэхи 14:2 ပူးပေါင်းရင်းမြစ်များ

Эхин 11:7

Тиимэһээ бэе бэеэ ойлгохоо болиторнь хэлыень худхан холиё!

Эхин 42:23

Иосиф хөөрэлдэһыень ойлгоно гэжэ аха дүүнэр мэдээгүй, юундэб гэхэдэ, Иосиф тэдээнтэй хөөрэлдэхэдөө, зорюута оршуулагшые хэрэглээ бэлэй.

4 Хаан түрэнүүд 18:26

Тиихэдэнь Хилкияагай хүбүүн Элиакиим, Шэбнаа ба Ёһаа тэрээндэ иигэжэ хэлэбэ: – Бидэнтэй араам хэлээр хөөрэлдэгты. Бидэ ойлгохобди. Еврей хэлэн дээрэ бү хэлэгты, зон хотын хэрэм хананууд дээрэһээ шагнажа байна.

Псалманууд 78:2

Богоолнуудайтнай бэе шубуу шонхорто эдишэ болгон, гэгээн зонойтнай бэе ан арьяатануудта үгөөл.

Матвей 13:11

Тиихэдэнь Иисүүс иигэжэ харюусаба: – Огторгойн хаан түрэ тухай гүн нюусанууд таанадтал тайлбарилагдана.

Марк 16:17

Намда этигэһэн хүн бүхэн гайхамшагта үйлэ хэрэгүүдые бүтээхэ аргатай байха. Минии нэрээр тэдэ ада шүдхэрнүүдые намнажа гаргаха, танигдахагүй хэлэнүүдээр дуугарха.

Марк 4:11

Иисүүс тэдэндэ: – Бурханай хаан түрэ тухай гүн нюусанууд таанадтал тайлбарилагдана, харин танһаа гадуур байһан зондо Би һургаалта үгэнүүдээр хөөрэнэ гээшэб.

Хэрэгүүд 10:46

Элдэб янзын хэлэнүүд дээрэ Бурханиие магтахые тэдэ дуулаба ха юм.

Хэрэгүүд 19:6

Павелай арбан хоёр оршом шабинар дээрэ гараа табихадань, Арюун Һүлдэ буужа, тэдэ элдэб хэлэнүүд дээрэ дуугаржа, номножо эхилбэ.

Хэрэгүүд 22:9

Замаймни нүхэд гэрэл туяа харабашье, намда хандаһан абяа дуулаагүй.

Римэйхиндэ 16:25

Бурханда магтаал соло дуудая! Тэрэ болбол Иисүүс Христоос тухай минии номноһон Һайн Мэдээсэлэй ёһоор танай һүзэгые бэхижүүлхэ аргатай. Урдань тэрэ Һайн Мэдээсэл үни удаан саг соо далда нюуса байгаа.

Коринфынхидтэ 1-дэхи 12:10

Тиигээд нэгэ хүнүүдтэ гайхамшагта үйлэ хэрэгүүдые бүтээхэ хүсэ шадал үгэнэ, нүгөөдүүлдэ Бурханай мэдээсэл тайлбарилха абьяас хайрлана, үшөө нүгөөдүүлдэ али мэдээсэл үнэхөөрөө Бурханһааб, али Бурханһаа бэшэ гү гэжэ илгаруулха абьяас олгоно, зарим хүнүүдтэ элдэб янзын танигдахагүй хэлэнүүд дээрэ дуугарха бэлиг хайрлана, үшөө зариманда тэрэ хэлэһэн юумыень тайлбарилжа үгэхэ абьяас олгодог.

Коринфынхидтэ 1-дэхи 12:28

Һүзэглэгшэдэй бүлгэм соо Бурхан хүн бүхэниие байрадань байлгаба: анха түрүүн, элшэнэрые, хоёрдохи һуурида Бурханай мэдээсэл элирүүлэгшэдые, гурбадахи һуурида һургагшадые, тиигээд гайхамшагта үйлэ хэрэгүүдые бүтээдэг зониие, хойноһоонь үбшэн хүнүүдые аргалан эдэгээдэг, бусад зондо туһалдаг, бусадые ударидадаг, элдэб танигдахагүй хэлэн дээрэ дуугардаг абьяастай хүнүүдые табяа.

Коринфынхидтэ 1-дэхи 13:1

Хэрбээ би хүнүүдэй гү, али Эльгээмэлнүүдэй хэлэн дээрэ дуугардаг аад, харин хайра дурагүй байгаа һаа, би ханхинаһан зэд, хонгирһон сан гээшэб.

Коринфынхидтэ 1-дэхи 13:2

Абарал буулгаха абьяастай, бүхы нюусануудтай болон мэдэсэтэй, хада уулануудые һууряарнь һэлгэхэ ехэ һүзэгтэй аад, хайра дурагүй юм һаа, би юуншье бэшэб.

Коринфынхидтэ 1-дэхи 14:16

Хэрбээ шинии һүнэһэ һүлдөөрөө Бурханда баясхалан хүргэжэ байбалшни, хэлэһэн юумыешни ойлгохогүй байһан юрын хүн хайшан гээд шинии баясхаланда «болтогой» гэжэ хэлэхэб.

Коринфынхидтэ 1-дэхи 14:26

Тиигээд юун гэжэ хэлэхэбиб, аха дүүнэр? Танай суглархада, нэгэнтнай Бурханай дуунуудтай, нүгөөдэтнай һургаалтай, үшөө нүгөөдэтнай Бурханай нээжэ үгэһэн мэдээсэлтэй, заримантнай танигдахагүй хэлэнүүд дээрэ үгтэһэн мэдээсэлтэй, нүгөө заримантнай хэлэгдэһэн юумэнэй тайлбарилгатай байдаг. Эдэ бүгэдэ булта һүзэглэгшэдэй бүлгэмэй аша туһада юм.

Коринфынхидтэ 1-дэхи 15:51

Зай, би таанадта үнэн зүб нюуса нээнэб: бидэ булта үхэхэгүйбди, гэхэтэй сасуу бүреэгэй һүүлшынхиеэ дуугархада, бидэ булта нюдэнэй сабшаха зуура гэнтэ хубилгагдахабди. Бүреэгэй дуугархада, үхэһэн хүнүүд хэтын хэтэдэ үхэхэгүйгөөр амидыруулагдаха, тиин бидэшье хубилгагдахабди.

Коринфынхидтэ 1-дэхи 2:10

Тэрэ нюусаа Бурхан бидэндэ бүхы юумые харадаг, далда байһан Бурханайшье зорилгые харадаг Һүлдынгөө ашаар нээгээ.

Коринфынхидтэ 1-дэхи 2:7

Минии номнодог сэсэн ухаан хүнүүдһээ далда хадагалагдаһан Бурханай нюуса ухаан юм, гэхэтэй зэргэ Бурхан манай магтаал солотой байхын тула газар дэлхэйн үшөө бүтээгдээгүй байхада тэрэ ухаа заяагаа юм.

Эфесэйхиндэ 6:19

Һайн Мэдээсэл тухай нюуса зоригтойгоор тайлбарилан элирүүлхэдэмни Бурханай намда хэрэгтэй үгэнүүдые үгэжэ байхын тула минии түлөө баһа зальбаржа байгты.

Хуули дабталга 28:49

Хэлыеньшье танай мэдэхэгүй арад түмэниие дэлхэйн захаһаа Эзэн таанадта эльгээхэ. Бүргэдтэл адли, тэдэ таанадта добтолон орохо.

Колоссынхидтэ 2:2

Тэдэниие урмашуулхын, хайра дураарнь нэгэдүүлхын тула, үнэн зүб ойлгосо үгэдэг баталаатай баялигаар элбэг байлгахын тула би тиигэжэ хүдэлнэб. Тиигэжэл тэдэ зон Бурханай нюусые, Христоосые мэдэхэ.

Тимофейдэ 1-дэхи 3:16

Һүзэг этигэлэймнай элирүүлһэн үнэн зүбынь үнэхөөрөө агууехэ юм: Хүнэй дүрсэ дүрсэлэн Бурхан ерээ, Тэрэнэй үнэн зүб байһыень Арюун Һүлдэ харуулаа, Тэрэ Өөрыгөө Эльгээмэлнүүдтэ харуулаа. Арадуудай дунда Тэрээн тухай номноо, бүхы газар дэлхэйн зон Тэрээндэ этигээ, тиигээд Тэрэ тэнгэридэ дэгдээ.

Тимофейдэ 1-дэхи 3:9

һүзэгэйнгөө элирүүлһэн үнэн зүбые һэшхэлтэйгээр баримталха ёһотой.

Гэршэлгэ 10:7

Теэд долоодохи Эльгээмэлэй бүреэгээ дуугаргахадань, Бурханай нюуса түсэб бүрин бэелүүлэгдэхэ. Бурхан энэ түсэб тухай Өөрынгөө зарасанар-лүндэншэдтэ урид мэдээсэһэн байгаа».