Коринфынхидтэ 1-дэхи 13:5 - Библи

⁵ Хайра дуратай хүн бадашадаггүй, өөртөө олзо бэдэрдэггүй, абаһаар сухалдадаггүй, муу юумэ һанаандаа баряад байдаггүй.

Шэнэ Хэлсээн

⁵ Хайра дуратай хүн бадашадаггүй, өөртөө олзо бэдэрдэггүй, абаһаар сухалдадаггүй, муу юумэ һанаандаа баряад байдаггүй.

Коринфынхидтэ 1-дэхи 13:5 ပူးပေါင်းရင်းမြစ်များ

2 Хаан түрэнүүд 10:3

аммоонуудай ноёд өөрынгөө хаан Хануунда иигэжэ хэлэбэ: – Давид танда шаналалаа мэдүүлхэеэ зониие эльгээхэдээ эсэгытнай хүндэлһэндөө эльгээгээ гэжэ һанаа гүт? Үгы даа, энэ хотые тагнан хаража һандаргаахаяа Давид тан руу зоноо эльгээгээ.

Иоов 21:27

Таанарай намайе яажа буруудхаха, ямар харюу үгэхэ байһые би мэдэнэб.

Һургаал 14:17

Түргэн сухалтай хүн мунхаг үйлэ хэдэг, хорон һанаагаар мууе хэдэг хүн үзэн ядагдадаг.

Исай 3:5

Хүн бүхэн бэе бэеэ дарлажа байха. Залуушуул аха захатанаа хүндэлхэеэ болихо, хара зон нэрэ түрэтэйшүүлээ хүндэлхэгүй.

Ерэмияа 11:19

Үүсэлүүлхээр хүтэлэгдэн ябажа байһан номхон хурьган мэтэ байгаа бэлэйб. Урдаһаамни муу юумэ дайсадай зохёожо байһые мэдээгүй һэм: «Жэмэстэйнь хамта модо отолжо унагаая, тэрэниие хюдан һалгаая, тиихэдэмнай хүрьһэтэ алтан дэлхэй дээрэ улад зон тэрээн тухай мартаха», – гэжэ тэдэ хэлсэжэ байгаал.

Тоололго 12:3

Моисейһээ бэшэ даруу номгон зантай хүн энэ дэлхэй дээрэ үгы байгаа.

Тоололго 16:15

Моисей аргагүй ехээр уурлажа, Эзэндэ иигэжэ хэлэбэ: – Эдэнэй нэгэндэшье би муу юумэ хээгүйб. Эдилгэ болгожо нэгэшье элжэгэ абаагүйб. Эзэн, тэдээнһээ үргэл бэлэг бү абыт!

Тоололго 32:6

Моисей Рэүбээнэй болон Гаадай обогуудай хүнүүдтэ: – Таанадай аха дүүнэр дайнда ошохо, тиихэдэнь таанад эндээ үлэхэ гэбэ гүт?

Матвей 5:22

Хүндэ дэмы уурлаһан хүн зарга шүүбэридэ орохо зэргэтэй гэжэ Би мүнөө таанадта хэлэнэб. Хүниие «рака» гэһэн хүн Зүблэлэй гэшүүдэй заргада үгтэхэ ёһотой; хүниие «тэнэг» гэһэн хүн гал тамада унаха ёһотой гэжэ Би таанадта хэлэнэб.

Матвей 9:4

Тэдэнэй һанал бодол мэдэжэ байһан Иисүүс хэлэбэ: – Таанар юундэ иимэ харата һанал сэдьхэлдээ түрүүлбэт?

Марк 3:5

Иисүүс тэдэниие сухалтайгаар хараад, зүрхэ сэдьхэлэйнь мохооршоһондо уйдан гашуудажа, үбшэн хүндэ хандан: – Гараа һарбай, – гэбэ. Үбшэн хүнэй гараа һарбайхадань, хатаһан гарынь эдэгэшэһэн байба.

Лука 7:39

Гэртээ Иисүүсые уриһан фарисей иигэжэ байһыень хараад: – Энэ хүн үнэхөөрөө лүндэншэ байгаа һаа, хүлыень ямар эхэнэрэй хүрэжэ байһые мэдэхэл һэн даа; нүгэлтэй эхэнэр байна гэжэ тухайлхал һэн даа, – гэжэ зосоогоо бодобо.

Коринфынхидтэ 1-дэхи 10:24

Нэгэнтнайшье өөрынгөө һайн һайханай түлөө бү оролдог, харин бусадай аша тулада оролдожо байг.

Коринфынхидтэ 1-дэхи 10:33

Ямаршье юумэ хэхэдээ, би өөрынгөө аша туһада бэшэ, харин бүхы хүнүүдэй абарагдахын тула, тэдэнэй аша туһада оролдодогби.

Коринфынхидтэ 1-дэхи 11:18

Нэн түрүүн, танай бүлгэм суглархадаа, хоорондоо хубаарана гэжэ би дуулааб, нэгэ талаараа тиимэл байха гэжэ би бодоноб.

Коринфынхидтэ 1-дэхи 12:25

Тиимэһээл бэе соо ямаршье илгарал хубаарал үгы, харин олон янзын эрхэтэнүүд бултадаа бэе бэеэ анхаржа байха ёһотой.

Коринфынхидтэ 1-дэхи 7:36

Гэрлэхэб гэжэ үгөө үгэһэн хүн һамганиинь болохо басаганайнгаа энэ наһандаа хадамгүй байхань аягүй гэжэ тоолоод, заабол гэрлэхэ хэрэгтэй гэжэ бодобол, өөрынгөө дураар болог. Һамга абахадаа, тэрэ хүн ямаршье нүгэл хэнэгүй.

Коринфынхидтэ 2-дохи 5:19

Бурхан Христоос соо оршожо, энэ дэлхэйн зонтой эбээ нэгэдхээ, нүгэлнүүдыень хүлисөө. Тиигээд эб нэгэдхэхэ тухай мэдээсэлээ маанадта даалгаа.

Галадуудта 5:13

Аха дүүнэрни, Бурхан таанадые эрхэ сүлөөдэ дуудаа. Энэ эрхэ сүлөөтнай хүсэлэнгүүдээ хангахын тулада муу юумэ үйлэдэхэ харгыда таанадые гансал бү түлхиг. Таанад бэе бэедээ дуратай байгты, бэе бэедээ туһалжа байгты.

Филиппынхидтэ 2:21

Бусад зон бүгэдөөрөө Иисүүс Христоосто һайшаагдаха юумэ бүтээхэ тухай огто бодонгүй, өөрынгөө амидаралай түлөө оролдожо ябадаг.

Филиппынхидтэ 4:8

Аха дүүнэрни, таанад һанал бодолдоо үнэн зүб, шулуун сэхэ, һайн һайхан, арюун сэбэр, илдам налгай, магтаалда хүрэмөөр юумэнүүд тухай сэдьхэжэ ябагты гэжэ түгэсхэлдөө захиха байнаб.

Фессалоникиинхидтэ 2-дохи 3:7

Бидэнэйл хэһэн юумые һажаажа хэхэ ёһотойгоо таанад өөһэдөөшье һайн ойлгонот. Таанадтай хамта байхадаа, бидэ журам сахидаг һэмди.

Тимофейдэ 2-дохи 2:10

Бурханай шэлэжэ абаһан хүнүүдэй Иисүүс Христоосой ашаар абарагдан, мүнхын алдарта хүртэхын тула би эдэ зоболонгуудые дабажа байнаб.

Тимофейдэ 2-дохи 4:16

Түрүүшынхиеэ өөрыгөө хамгаалхадамни булта намайе орхижо ошоо һэн. Тэдэ зониие Эзэн бү зэмэлэг лэ.

Яковай хандалга 1:19

Тиимэһээл, инаг хайрата аха дүүнэрни, шагнахадаа, шамдуухан, хэлэхэдээ, уурлахадаа, яаралгүй байгты.