Коринфынхидтэ 1-дэхи 13:4 - Библи

⁴ Хайра дуратай хүн тэсэбэритэй, энэрхы сэдьхэлтэй, атаархадаггүй, һайрхадаггүй, бүдүүрхэдэггүй, дээрэлхэдэггүй юм.

Шэнэ Хэлсээн

⁴ Хайра дуратай хүн тэсэбэритэй, энэрхы сэдьхэлтэй юм, атаархадаггүй, һайрхадаггүй, бүдүүрхэдэггүй, дээрэлхэдэггүй юм.

Коринфынхидтэ 1-дэхи 13:4 ပူးပေါင်းရင်းမြစ်များ

Эхин 30:1

Харин Рахээл Яковһаа үхибүүтэй боложо шадахагүй байһанаа хараад, эгэшэдээ атаархан, Яковта иигэжэ хэлэбэ: – Намда хүүгэдые үгөөгүй һааш, би үхэхэм.

Эхин 37:11

Аханарынь Иосифто атаархан хоролхобо, харин эсэгэнь энэ хөөрөөень һанаандаа хадууба.

Нэхэмьяа 9:17

Тэдэнэй дунда Танай бэелүүлһэн эди шэдинүүдыетнай мартаад, үгыетнай дуулахаяа арсаал. Тэдэнэр үсэд зан харуулжа, Египет руу һөөргөө богоол болохоёо бусахын тула өөһэдтөө удамаршые шэлэн табяал! Зүгөөр Та – хүлисэгшэ, һайхан зантай, нигүүлэсхы сэдьхэлтэй, уур сухалда абташагүй, хайра ехэтэ Бурханта; Та тэдэниие орхёогүйт.

Псалманууд 10:5

Хэн зүб шударгаб, хэн бурууб гэжэ Эзэн шалгадаг, хүсэрхэлдэ дуратай хүниие үзэн ядадаг.

Һургаал 10:12

Үзэн ядалга арсалдаа түрүүлдэг, дуран нүгэл хилэнсые дабадаг.

Һургаал 13:10

Бэеэ дээгүүр абхуулдаг зан гансал хэрэлдээндэ асардаг. Заабари шагнадагынь сэсэн байна.

Һургаал 17:14

Хёморол хэрэлдээнэй эхин хадаа уһатай хаалтада нүхэ гаргаһантай адли. Даамжархаһаань урда хэрүүлээ тогтоогты.

Һургаал 17:9

Гомдохооһон хүниие хүлисэхэдөө нүхэртэй болохош. Харин гомдол тухай дахин һануулбал, анда нүхэрөө алдажа болохош.

Һургаал 19:22

Үгэдөө найдамтай байха гээшэ сэгнэгдэдэг. Худалша хуурмагһаа үгытэй ядуу байһаниинь дээрэ.

Һургаал 31:20

Үгытэй ядууда тэрэ үгэдэг, зобоһондо туһалха гараа һарбайдаг. ל Лаамэд

Һургаал 31:26

Хэлэн дээрэнь – сэсэн үгэ, амаа нээхэдээ, һайн һургаал хэлэдэг. צ Цадээ

Экклезиаст 10:4

Зонхилдог даргын шамда уурлахада, абаһаар һуурияа бү орхи. Түбшэн даруу зан буруу ябадал зайлуулдаг.

Матвей 27:18

Иисүүстэ атаархажа байһан дээрэһээ еврейнүүдэй захирагшад Тэрээние барижа асараа гэжэ Пилат һайн мэдэжэ байгаа.

Хэрэгүүд 7:9

Үбгэ эсэгэнэрнай Иосифто атаархажа, тэрэниие барлаг болгон Египедтэ худалдаа. Гэбэшье Бурхан тэрэниие орхёогүй,

Римэйхиндэ 1:29

Тиимэһээл тэдэнэр нүгэл шэбэлдэ унаһан, зальхай забхай ябадалтай, алта мүнгэндэ шунаһан, хара һанаатай зон. Тэдэнэр атаархадаг, аладаг, хэрүүл ама гаргадаг, худалаар хэлэдэг, харата ааша гаргадаг, хүниие хардадаг,

Римэйхиндэ 13:13

Үдэрэй гэрэл туяада ажамидаржа байһан зондо зохихоор өөһэдыгөө абажа ябаял: забхай найр наада хэнгүй, архидангүй, ташаяаралдангүй, зальхайралдангүй, хэрүүл ама гаргангүй, атаархалдангүй байжа үзэел.

Коринфынхидтэ 1-дэхи 3:3

Ушарынь юуб гэхэдэ, таанад үшөөл энэ дэлхэйн хүнүүдэй жама ёһоор ажамидарнат. Бэе бэедээ атаархалдадаг, хоорондоо арсалдадаг байһантнай таанадай энэ дэлхэйн хүнүүдэй заншалаар бэеэ абажа ябадаг энэ дэлхэйн хүнүүд байһыетнай харуулна бэшэ аал?

Коринфынхидтэ 1-дэхи 4:18

Таанадые би эрьежэ ошохогүйб гэжэ бодон заримантнай хамараа үргэшэбэ.

Коринфынхидтэ 1-дэхи 4:6

Аха дүүнэр, таанадайл аша туһада би эдэ бүхэниие Аполлос бидэ хоёрой жэшээ дээрэ харуулбаб. Хүн бүхэнтнай Бурханай һургаалые гүйсэдхэжэ байһай гэжэ хүсэнэб. Хэнтнайшье нэгэ хүнөө хүндэлөөд, нүгөөдэеэ баһаад бү ябаһай.

Коринфынхидтэ 1-дэхи 5:2

Харин тиихэдэ таанад омогорхолдобот! Орондонь таанад гашуудаха байгаат, тиимэ бузар юумэ хэһэн хүниие өөһэдһөө холодуулха ёһотой байгаат.

Коринфынхидтэ 1-дэхи 8:1

Мүнөө онгонуудта үргэгдэһэн эдеэн тухай асуудалаар хөөрэлдэе. Бидэ булта мэдэлгэтэйбди гэжэ тэдэнэй хэлээшэ үнэн зүб юм. Гэхэдэ тиимэ мэдэлгэ хүниие омог бардам болгодог, харин хайра дуран бэхижүүлдэг юм.

Коринфынхидтэ 2-дохи 12:20

Таанадта ошоходоо, бидэ бэе бэедээ урмаа хухарна гүбди гэжэ һэргылнэб. Таанадай дунда хэрүүл ама, атаа жүтөө, уур сухал, хэрэлдээ, хардалга, хоблолго, омогорхолго, журамгүй байдал гараагүй аабза гэжэ айнаб.

Коринфынхидтэ 2-дохи 6:6

Бидэ арюун сэбэр, мэдэлгэтэй, тэсэбэритэй, үршөөл буянтай байдагбди. Арюун Һүлдэ маанадтай оршодог, тиин хайра дуран үнэн зүрхэнһөөмнай гарадаг.

Галадуудта 5:26

Ехээрхүү дээрэлхүү зан гаргангүй, бэе бэедээ өөдэрхэн хэрүүлхэнгүй, атаархангүй ябаял даа.

Эфесэйхиндэ 4:2

Ходо даруу, номгон, тэсэбэритэй байгты. Бэе бэедээ тэсэбэритэйгээр хандажа, өөһэдынгөө хайра дурые харуулжа байгты.

Эфесэйхиндэ 4:32

Харин бэе бэеэ энхэрэн, хайрлажа ябагты, Бурханай Христоосоор дамжан таанадые хүлисэһэндэл адляар бэе бэеэ хүлисэжэ байгты.

Филиппынхидтэ 1:15

Тиихэдээ нэгэ зариманиинь манда атаархаһан, маанадтай арсалдаһан шалтагаанһаа Христоос тухай номноно, харин нүгөө зариманиинь һайн дураараа, туһалхаяа хүсэжэ байһан дээрэһээ номноно.

Колоссынхидтэ 1:11

Тэрэнэй алдарта хүсэ шадалаар бэхижэн, таанад аргагүй ехэ тэнхээ тэсэбэритэй болохот. Тиимэһээ тэнгэриин гэрэл туяада Өөрынгөө һунгаһан хүнүүдтэ бэлдээд байһан юумые хубаалсаха эрхэ таанадта үгэһэн Эсэгэ Бурхандаа баяртайгаар баясхалан хүргэгты.

Колоссынхидтэ 2:18

Үзэл үзэдэг хадаа бусад хүнүүдһээ дээгүүрби гэдэг хүнүүд, даруу зантай байһан хэбэр үзүүлдэг хүнүүд, Эльгээмэлнүүдтэ шүтэдэг хүнүүд шагналыетнай бү буляаг лэ. Тиимэ хүнүүд ехэ ухаатайб гэжэ дэмы һайрхана. Үнэндөө тэдэнэр тэнэгүүд юм.

Колоссынхидтэ 3:12

Таанад гэгээн хүнүүд гээшэт. Бурхан таанадта дуратай, таанадые Өөртөө шэлэжэ абаа. Тиимэһээ таанад бэе бэеэ хайрлажа, бэе бэедээ һайнаар хандажа байгты, номгон, даруу зантай, тэсэбэритэй байгты.

Фессалоникиинхидтэ 1-дэхи 5:14

Аха дүүнэрни, залхуу хүнүүдтэ ухаан заагты, зориггүй хүнүүдые урмашуулжа байгты, һулахан хүнүүдтэ дэмжэлгэ үзүүлэгты, хүн бүхэндэ ехэ тэсэбэритэй хандажа байгты гэжэ бидэ баһа гуйнабди.

Тимофейдэ 1-дэхи 6:4

юушье мэдэхэгүй омог зантай хүн гээшэ. Тиимэ хүн арсалдаа гаргажа, үгэ буляалдажа һурашанхай. Тэдэнь атаа жүтөөн, хэрүүл ама, хорон үгэ ба хуурмаг һэжэг түрүүлдэг.

Тимофейдэ 2-дохи 2:25

Шамда эсэргүүсэһэн хүнүүдые Бурхан нүгэл үйлэдэхыень болюулжа, Өөртөө хандуулха, үнэн зүбые мэдэрхэ боломжо үгэхэ магадалтай юм хадань ши тэдэ зониие ехэл дарууханаар заһажа байгаарай.

Тимофейдэ 2-дохи 3:10

Зүгөөр ши минии һургаалые баримталбаш, намдал адли ажамидарнаш, намдал адли зорилготой, һүзэгтэй, хайра дуратай байнаш, намдал адли шиираг тэсэбэритэй байнаш.

Тимофейдэ 2-дохи 4:2

Бурханай үгэ номногты гэжэ захинаб. Хүнүүдэй дуулаха дуратай, дурагүйшье байбалнь, сухарингүй номнохо ёһотойш. Буруу хэһэн юумэнүүдыень заажа, нүгэлнүүдыень шүүмжэлэн элирүүлэ. Гэхэтэй сасуу тэрэ хүнүүдые урмашуулжа, тэсэбэритэйгээр һурга.

Тидтэ 3:3

Бидэшье өөһэдөө урдань баһал тэнэг, үгэ дууладаггүй, эндүүржэ ябадаг һэмди. Ташаяан хүсэлэнгүүдэй болон элдэб янзын сэдьхэлээ ханалгын мэдэлдэ байгаабди. Бидэ атаархалдан, хара һанаатайгаар амидардаг, бэе бэеэ үзэн ядадаг һэмди.

Яковай хандалга 4:5

«Зосоомнай оршоһон һүлдын үнэн сэхэ байхые Бурхан хүсэнэ», – гэжэ Нангин Бэшэг соо дэмы хэлэгдээгүй юм.

Пётрой 1-дэхи хандалга 2:1

Худалаар хэлэхэеэ, нүгэл хэхэеэ болигты, хүнэй нюур бү харагты, хүндэ бү атаархагты, худалаар бү гэршэлэгты.

Пётрой 1-дэхи хандалга 3:8

Түгэсхэлдэнь хэлэхэдэ, таанад булта нэгэ һанал бодолтой, адляар юумэндэ хандажа байгты, бэе бэедээ аха дүүнэдтэл адли дуратай, бэе бэеэ хайрлажа, даруухан ажамидарагты.

Пётрой 1-дэхи хандалга 4:8

Нэн түрүүн үнэн зүрхэнһөө бэе бэедээ дуратай байгты, юундэб гэхэдэ, дуран олон нүгэлнүүдые хүлисэн арилгадаг.

Иоаннай 1-дэхи хандалга 4:11

Инаг хайрата аха дүүнэрни, Бурханай иимэ ехээр манда дурлаһан хадань бидэшье бэе бэедээ дуратай байха ёһотойбди.