Коринфынхидтэ 1-дэхи 12:13 - Библи

¹³ Бидэшье булта иудейнүүд гүбди, али бусад арадууд гү, барлагууд гүбди, али эрхэ сүлөөтэй гү, нэгэл Һүлдөөр нэгэ бэе болон уһаар арюудхуулаабди, зүрхэ сэдьхэлдэмнай нэгэл Һүлдэ үгтөө.

Шэнэ Хэлсээн

¹³ Бидэшье булта, иудейнүүд байгаа гүбди, али бусад арадууд гү, барлагууд байгаа гүбди, али эрхэ сүлөөтэй гү, нэгэл Һүлдөөр нэгэ бэе болон уһаар арюудхуулһан байгаабди, зүрхэ сэдьхэлдэмнай нэгэл Һүлдэ үгэһэн байна.

Коринфынхидтэ 1-дэхи 12:13 ပူးပေါင်းရင်းမြစ်များ

Дуунай дуун 5:1

Минии хубита, дүүхэймни! Сэсэрлигтээ би орооб. Һайхан үнэртэй дабирхай суглуулжа, зүгын үүрһээ балынь һорожо, үзэмэй дараһан архи шэмэжэ, һү уунам. Манай хайрата амарагууд! Хайрын зоогһоо амасагты! Хайрын архиһаа уугты! Ханажа садатараа эдеэлэгты!

Исай 55:1

Эзэн иигэжэ айладхана: «Ангаһан зон, уһан руу ерэгты! Мүнгэгүйшье хүн ерэжэ, эдигты! Ерыт! Үзэмэй дараһан архи, һү мүнгэгүйгөөр абагты!

Ёһээл 2:29

Тэдэ үдэрнүүдтэ Би богоол шэбэгшые Һүлдөөрөө нэбтэрүүлхэб.

Матвей 3:11

Нүгэлөө гэмшэһыетнай баталан би таанадые уһаар арюудханаб, теэд минии хойноһоо Заларан Ерэгшэ таанадые Арюун Һүлдэ гал хоёроор арюудхаха. Тэрэ намда орходоо агууехэ. Би Тэрэнэй гуталыеньшье абажа ябаха эрхэгүйб.

Лука 3:16

Тиихэдэнь Иоанн бултанда хандажа хэлэбэ: – Би таанарые уһаар арюудханаб. Харин намтай жэшээлхэгүй дээгүүр Хүн иишэ ерэнэ. Би Тэрэнэй гуталайнь ооһорыешье тайлаха эрхэгүйб. Тэрэ ерэхэдээ таанадые Арюун Һүлдэ гал хоёроор арюудхаха.

Иоанн 1:16

Тэрэ Өөрынгөө хизааргүй ехэ, урданайхиһаа үлүү ехэ буян хэшэгтэ маниие хүртүүлээ.

Иоанн 1:33

Би Тэрэниие мэдэхэгүй байгааб, теэд Бурхан уһаар лэ арюудхахыемни намайе эльгээхэдээ иигэжэ хэлэһэн юм: «Арюун Һүлдэ хэнэй дээрэ буужа тогтохые харанаш, Тэрэл хүнүүдые Арюун Һүлдөөр арюудхаха».

Иоанн 3:5

– Би шамда үнэниие хэлэнэб: уһанһаа, Һүлдэһөө түрэһэн хүн лэ Бурханай хаан орондо орожо шадаха!

Иоанн 4:10

– Бурханай юу үршөөдэгые, шамһаа уһа эриһэн хүнэй Хэн байһые мэдэжэ байгаа һаа, ши өөрөө Тэрэниие гуйха бэлэйш, тиихэдэшни Тэрэ шамда амидаралта уһа үгэхэ һэн, – гэжэ Иисүүс харюусаба.

Иоанн 4:14

Харин Минии үгэхэ уһа ууһан хүн хэзээдэшье ундаа хүрэхэгүй. Минии үгэхэ уһан тэрэ хүнэй досоо булаг болон дэлгэржэ, мүнхын амидарал олгохо.

Иоанн 6:63

Ажамидарал гансал Һүлдэһөө эхи абадаг, харин хүнэй бэе эндэ юушье хэжэ шадахагүй. Таанадта Минии хэлэһэн үгэнүүд хадаа Һүлдэ, Ажамидарал гээшэ.

Хэрэгүүд 1:5

Иоанн уһаар арюудхаа, харин таанад һаядаа Арюун Һүлдөөр арюудхадаг болохот.

Римэйхиндэ 3:22

Иисүүс Христоосто һүзэглэһэн этигэл һүзэгэйнь ашаар Бурхан хүн бүхэниие, ямаршье илгаагүйгөөр, үнэн сэдьхэлтэнэй тоондо оруулна.

Римэйхиндэ 3:29

Али Бурхан гансал еврейнүүдэй Бурхан гү? Тэрэ баһал бусад арадуудай Бурхан бэшэ аал? Тиимэл даа,

Римэйхиндэ 4:11

Абраһаам һүзэгэйнгөө түлөө үшөө отолуулхынгаа урда тээ үнэн сэдьхэлтэнэй тоодо ороод, тэрэнээ баталан отолуулаа. Тиигэжэл Абраһаам отолуулаагүй аад, Бурханда һүзэглэһэнэйнгөө ашаар үнэн сэдьхэлтэн гэжэ тоологдоһон бүхы һүзэглэгшэдэй эсэгэнь болоо.

Коринфынхидтэ 1-дэхи 10:2

Үүлэн соо, далай соо тэдэнэр Моисейтэй нэгэдэн, «уһаар арюудхагдаа».

Галадуудта 3:23

Этигэлэй сагай ерээдүйдэ, этигэл һүзэгэй бидэндэ нээгдэтэр бидэ Хуулиин эрхэ мэдэлдэ байгаабди.

Галадуудта 3:28

Тиимэһээ мүнөө еврейнүүд, бусад арадуудшье илгаагүй, барлагууд, сүлөөтэйшүүлшье илгаагүй, эрэшүүл, эхэнэрнүүдшье илгаагүй. Таанад булта мүнөө нэгэн адли боложо, Иисүүс Христоостой нэгэдэбэт.

Эфесэйхиндэ 3:6

Тэрэнь бусад арадууд Һайн Мэдээсэлэй ашаар баһал Бурханай үршөөлдэ хүртэхэ, тэдэнэр баһал нэгэ бэеын эрхэтэн болохо, Бурханай Иисүүс Христоосоор дамжуулһан найдуулга баһа тэдэндэ үгтэхэ гэһэн удхатай юм.

Эфесэйхиндэ 4:5

Гансал Эзэн, гансал һүзэг этигэл, гансал уһан арюудхалга бии.

Эфесэйхиндэ 5:26

Һайн мэдээсэл номнон, уһаар мэтэ үгөөрөө сэбэрлэн, һүзэглэгшэдэй бүлгэмые Бурханда зорюулхын тула Христоос ами наһаяа үгөө.

Эфесэйхиндэ 6:8

Барлаг гүт, али эрхэ сүлөөтэй хүн гүт, Эзэн илгаагүйгөөр һайн юумэ хэһэнэйтнай түлөө ашыетнай харюулха гэжэ һанажа байгаарайгты.

Колоссынхидтэ 1:27

Энэ нюусаяа Бурхан Өөрынгөө хүнүүдтэ мэдүүлхэ гэжэ түсэблэнэ, гэхэтэй сасуу энэ үнэтэй ба алдарта нюусань бүхы хүнүүдтэ юм. Тэрэ нюусань – Христоос таанадай досоо гэһэн удхатай, таанад Бурханай алдарые хубаалсахат гэһэн удхатай.

Колоссынхидтэ 3:11

Эсэстээ грегүүдэй болон иудейнүүдэй хоорондо, отолуулһан болон отолуулаагүй хүнүүдэй хоорондо, хариин болон зэрлиг зоной хоорондо, барлагуудай болон сүлөөтэй хүнүүдэй хоорондо ямаршье илгаа үгы юм, гансал Христоос бии, тиин бүхы юумэн Христоос, бүхы юумэн соо Христоос байха.

Пётрой 1-дэхи хандалга 3:21

Тиигэжэ уһанһаа абарагдаһаниинь мүнөө бидэниие абаржа байдаг уһан арюудхалай бэлгэ тэмдэг болоо. Уһан арюудхалга бэеын муухайе арилгана бэшэ, харин Иисүүс Христоосой амидыралгын ашаар һайн һайхан сэдьхэл үршөөхыень Бурханһаа гуйна.