Коринфынхидтэ 1-дэхи 12:11 - Библи

¹¹ Эдэ онсо абьяас бэлигүүдые гансал Һүлдэ хүн бүхэндэ Өөрынгөө дураар хайрладаг юм.

Шэнэ Хэлсээн

¹¹ Эдэ онсо абьяас бэлигүүдые нэгэл Һүлдэ хүн бүхэндэ өөрынгөө дураар хайрладаг юм.

Коринфынхидтэ 1-дэхи 12:11 ပူးပေါင်းရင်းမြစ်များ

Матвей 11:26

Зүб даа, Эсэгэмни! Та иимэл юумэнэй болохые хүсэжэ байгаа ха юмта.

Матвей 20:15

Өөрынгөө мүнгэтэй би дуратай юумэеэ хэхэ эрхэтэй бэшэ гүб? Али минии гар бардам байһанда ши атаархахаяа һанаба гүш?»

Иоанн 3:27

– Тэнгэриин үршөөгөөгүй юумэ хэншье абажа шадахагүй, – гэжэ Иоанн харюусаба. –

Иоанн 3:8

Һалхин дуратайл газартаа һалхилдаг. Һалхинай һалхилхые мэдэбэшье, хэзээ, хайшаа үлеэхыень таанар мэдэдэггүйт, Арюун Һүлдэһөө түрөөшэд энээндэл адли юм.

Иоанн 5:21

Эсэгэнь үхэһэн хүнүүдые амидыруулдаг, тиин Хүбүүнииньшье дуратайл хүнүүдээ амидыруулдаг.

Римэйхиндэ 12:6

Тиимэһээ Бурханай маанадта хайрлаһан элдэб янзын абьяас бэлигүүдээ хэрэглэнэбди. Хэрбээ Бурханай хэлэһые дамжуулха абьяас бэлигтэй байгаа һаа, һүзэгэйнгөө хэмжээгээр лэ хүргэхэ ёһотойбди.

Римэйхиндэ 9:18

Тиимэһээ Бурхан дуратайл хүнөө үршөөнэ, дуратайл хүнөө зүрюу болгоно.

Коринфынхидтэ 1-дэхи 12:18

Гэхэтэй зэргэ Бурхан бүхы эрхэтэнүүдые бэе соо Өөрынгөө дураар байрлуулаа.

Коринфынхидтэ 1-дэхи 12:4

Оюун сэдьхэлэй абьяас бэлигүүд элдэб янзын байдаг, тиин тэдэниие бултыень гансал Арюун Һүлдэ үршөөдэг.

Коринфынхидтэ 1-дэхи 12:6

Элдэб янзын абьяастайгаар албаяа хэжэ болохо, гэхэтэй сасуу нэгэл Бурхан хүн бүхэндэ тусхай ажал хэхэдэнь абьяас бэлиг хайрладаг.

Коринфынхидтэ 1-дэхи 7:17

Эзэнэй табилангаар хүн бүхэнтнай ажамидаржа байг лэ, Бурханай таанадые дуудахада ямар байгаа һэмта, тиимээрээл үлөөрэйгты. Тиигэжэл би бүхы һүзэглэгшэдэй бүлгэмүүдтэ заабарилдагби.

Коринфынхидтэ 1-дэхи 7:7

Хүн бүхэн намдал адли һамгагүй байһай гэжэ би хүсэнэб, гэхэтэй сасуу хүн бүхэн Бурханһаа өөрын тусгай абьяас бэлигтэй юм, нэгэ хүн иимэ абьяастай, нүгөө хүн тиимэ абьяастай.

Коринфынхидтэ 2-дохи 10:13

Зүгөөр бидэ Бурханай маанадта тогтооһон хэмжээе хэтэрүүлнэгүйгөөр бэеэ магтахабди. Тэрэ тогтоогдоһон хэмжээндэ танай дунда ажаллахамнай баһа оролсоно.

Эфесэйхиндэ 1:11

Бурхан Өөрынгөө зорилгоор, заяаһан ёһоороо маанадые Христоостой нэгэдхүүлэн Өөрын арад болгон шэлэжэ абаа.

Эфесэйхиндэ 4:7

Христоосой маанадта үгэхэ гэжэ шиидэһэн хэмжээгээр хүн бүхэмнай онсо абьяас бэлигтэ хүртэбэ.

Еврейнүүдтэ 2:4

Бурхан тэрэ гэршэлгэдэ элдэб янзын гайхамшагта үзэгдэлнүүдые болон дүлгэ тэмдэгүүдые нэмэн харуулжа, Өөрынгөө һайн дураар Арюун Һүлдэ хайрлаа.

Яковай хандалга 1:18

Бурхан Өөрынгөө һайн дураар үнэн зүб мэдээсэлэй ашаар бүхы зохёон бүтээгдэһэн юумэнүүдэйнгээ дээжэнь болгохын тула маанадые мүндэлүүлээ.