Коринфынхидтэ 1-дэхи 10:10 - Библи

¹⁰ Тэдэнэй зариманиинь гэмэрэлдээд, Үхэлэй Эльгээмэлээр амяа һүнөөлгөө. Тиимэһээ бидэ тэдэндэл адли гэмэрэлдэхэ ёһогүйбди.

Шэнэ Хэлсээн

¹⁰ Тэдэнэй зариманиинь гэмэрэлдээд, Үхэлэй Эльгээмэлээр амяа һүнөөлгэһэн байгаа. Тиимэһээ бидэ тэдэндэл адли гэмэрэлдэхэ ёһогүйбди.

Коринфынхидтэ 1-дэхи 10:10 ပူးပေါင်းရင်းမြစ်များ

2 Хаан түрэнүүд 24:16

Бурханай Эльгээмэлэй Иерусалимые усадхахаяа һанахадань, Эзэн гай гасалан тушаа шаналан, зониие һалгаажа байһан Эльгээмэлдэ: – Хүрөө! Боли! – гэжэ захирба. Эзэнэй Эльгээмэл тэрэ үедэ евүүс хүн Арунаагай гүмнөө дээрэ байгаа.

1 Угай бэшэг 21:15

Бурхан Эльгээмэлээ Иерусалимые һандаргаха даабаритай эльгээбэ. Тэрэ Эльгээмэлэй хотые усадхажа эхилхэдэ, Эзэн гай гасалан тушаа шаналан, зониие һалгаажа байһан Эльгээмэлдэ: – Хүрөө! Боли! – гэжэ захирба. Эзэнэй Эльгээмэл тэрэ үедэ евүүс хүн Арнаанай гүмнөө дээрэ байгаа.

2 Угай бэшэг 32:21

Эзэн Эльгээмэлээ ябуулжа, тэрэ Ассириин сэрэгые ноёд һайдтайнь хамта хюдаба. Иигэжэ Ассириин хаан өөрынгөө газар руу нэрээ хухараад бусаа һэн. Тиигээд тэрэнэй өөрынгөө бурханай һүмэ соо мүргэл хэхэеэ ерэхэдэ, тэрэнэй түрэһэн хүбүүд эсэгээ һэлмээр сабшан алаа бэлэй.

Псалманууд 106:25

Тэрэ үгэ айладхаа – һалхин үлеэбэ, далайн долгинуудые дабалгатуулаба.

Египедһээ гаралга 12:23

Египет ороной ууган хүбүүдэй ами хороохо гэжэ ябаһан Эзэн тотого, хүндэлэбшэдэ байһан шуһа харахадаа, хажуугаартнай гараха, усадхагша элшые таанадта оруулхагүй.

Египедһээ гаралга 15:24

Зон гэмэрэлдэжэ эхилбэ, «юу ууха зонбибди?» гэжэ Моисейһээ асууба.

Тоололго 14:2

Израильшууд Моисей Аһароон хоёрто дураа гутан, иигэжэ шангаар гэмэрэлдэшэбэд: – Элһэн губида гү, али Египедтэ үхэхэеэ яагаабибди бидэнэр!

Тоололго 14:37

Тэрэ орон нютаг тухай муу үгэ тарааһан зондо Эзэн тахал үбшэн һүжэрүүлэн, тэдэниие хюдаба.

Тоололго 16:11

Эзэндэ эсэргүүсэжэ, ши, шамтай үгэеэ үгэлсэгшэд, буһалгаа хэхэ гэбэ гүт? Муу юумэ Аһароон таанадта хээгүйл! Теэд юундэ таанад Аһароондо дураа гутаа, гэмэрэлдээ юмта?!

Тоололго 16:41

Үглөөдэрынь бүхы израильшууд Моисей Аһароон хоёрто эсэргүүсэн ерээд: – Та хоёр лэ Эзэнэй зониие алаат! – гэжэ хашхаралдаба.

Тоололго 17:10

Эзэн Моисейдэ иигэжэ айладаба: – Аһарооной тулгуур Хэлсээнэй ханзын урда таби. Намда эсэргүү ябадал хэнгүй, Намда үнэн сэхээр алба хэһэн хүнүүдые амиды үлөөхэб гэһэн энэ зарлигыем Аһарооной һүлдэ тулгуур гэршэлжэ, арад зондош хэтын хэтэдэ һануулжа байг!

Тоололго 17:5

Би таанадай дундаһаа нэгые шэлэхэдэм, һүлдэ тулгууртань ногоон набшаһан ургаха. Таанад руу ходо гэмэрэлдэжэ байдаг израильшуудай гэмэрэлдээе Би иигэжэ болюулхаб!

Хэрэгүүд 12:23

Бурханай алдар соло дуудангүй байһанайнь түлөө Эзэнэй Эльгээмэл Иродые гэнтын үбшэнгөөр дайража, Ирод хаан үтэ хорхойдо барюулан үхэбэ.

Филиппынхидтэ 2:14

Ямаршье гэмгүй, арюун сэбэр, эрхим һайн Бурханай үхибүүдынь байхын тула таанад юушье хэхэдээ, бү гэмэрэлдэгты, арсалдаа бү гаргагты. Забхай зальхай, нүгэл шэбэлтэй зоной дунда амидархадаа амидарал хайрладаг мэдээсэлые хатуугаар баримталан, таанад тэдэ зоной дунда тэнгэридэ гэрэлтэжэ байһан одо мүшэдтэл адли яларан толоржо байха ёһотойт. Тиигэбэлтнай, Христоосой заларан ерэхэ үдэр би таанадаар бахархан омогорхохо шалтагаантай байхаб, бүхы оролдолгонуудни, үйлэ хэрэгүүдни дэмы үнгэрөөгүй гэжэ мэдэхэлби.

Еврейнүүдтэ 11:28

Этигэл һүзэгөөрөө тэрэ Паасхын баярые тогтоогоод, үхэлэй Эльгээмэлэй израильшуудай ууган хүбүүдтэнь хүрэнгүй үнгэрхын тула шуһаар үүдээ сасахыень арад зондоо захираа.

Иудын хандалга 1:16

Тэдэнэр бүхы юумэндэ дурагүйсэһэн гэмэрэлдэгшэд, тэдэнэр ташаяангы хүсэлэнгүүдээ дахажа ажамидардаг, ёһорхуу омог үгэнүүдээр өөһэдыгөө магтадаг, алта мүнгэндэ шуналтайгаар билдагуушалдаг.

Гэршэлгэ 16:1

Удаань долоон Эльгээмэлнүүдтэ хандан, Һүмэ доторһоо шангаар иигэжэ хэлэхые дуулааб: «Эндэһээ ошожо, Бурханай уур сухалай долоон аяга соохиие газарта адхагты!»