Коринфынхидтэ 1-дэхи 1:20 - Библи

²⁰ Тиимэһээ сэсэн мэргэн зон хаанаб? Али эрдэмтэйшүүл хаанаб? Али энэ дэлхэйн уран арсалдагшад хаанаб? Энэ дэлхэйн сэсэн мэргэнэй тэнэг байһыень Бурхан харуулаа бэшэ аал?

Шэнэ Хэлсээн

²⁰ Тиимэһээ сэсэн мэргэн хүнүүд хаанаб? Али эрдэмтэй ухаатайшуул хаанаб? Али энэ дэлхэйн уран арсалдагша боосолдогшод хаанаб? Энэ дэлхэйн сэсэн мэргэнэй тэнэг байһыень Бурхан харуулаа бэшэ аал?

Коринфынхидтэ 1-дэхи 1:20 ပူးပေါင်းရင်းမြစ်များ

2 Хаан түрэнүүд 15:31

Хэн нэгэнэй Давидта: – Абшалоомтой нюуса хэлсээ хэгшэдэй дунда Ахитоопэл байна, – гэжэ хэлэхэдэнь, Давид: – Эзэн, Ахитоопэлэй зүблөөе ухаа удхагүй болгожо үгыт гэжэ би зальбарнаб, – гэбэ.

2 Хаан түрэнүүд 16:23

Тэрэ сагта Ахитоопэлэй зүбшэлнүүд Бурханһаа зүбшэл асуужа байһандал тоологдодог байгаа. Тэдэ Давидташье, Абшалоомдошье ехэ сэнтэй бэлэй.

2 Хаан түрэнүүд 17:14

Абшалоом болон бүхы израильшууд иигэжэ хэлсэбэ: – Хушай гэдэг архэй хүнэй зүбшэл Ахитоопэлэй үгэһэн зүбшэлһөө дээрэ. Тэдэ иигэжэ юундэ шиидээб гэхэдэ, Эзэн Абшалоомдо гай тодхор ушаруулхын тула Ахитоопэлэй һайн зүбшэл заабари хараада абтахагүй гэжэ шиидэһэн байгаа.

2 Хаан түрэнүүд 17:23

Ахитоопэл өөрынь зүбшэл заабариин тоогдоогүй байһые хараад, элжэгээ эмээллэн, түрэлхи хото руугаа гэртээ бусан ерэжэ, гэр бүлэдөө гэрээд үгэеэ хэлээд, бэеэ боожо алаба. Тэрэ эсэгынгээ булашада хүдөөлүүлэгдөө һэн.

Иоов 12:17

Түшэмэл ноёдые гар хооһоор ябуулжа, шүүгшэдэй мунхагые харуулан тушаалһаань үлдэжэ болохо.

Иоов 12:20

Ухаатай түшэмэд хэлэхэ үгэгүй боложо, сэсэн үбгэд хүгшэд дэмы гайхан хосорно.

Иоов 12:24

Арад олоной ударидагшад ушараа олохоо болижо, сүл губида харгыгаа төөрижэ жолоогоо алдана.

Исай 33:18

Татабари суглуулагшадһаа, хариин тагнуулшадһаа айха-һүрдэхэтнай һэегүй арилжа, гансал һанаандатнай үлэхэ.

Исай 44:25

Би худал лүндэншэдые илгажа тодоруулдагби, үзэлшэдэй үгэнүүдэй үнэн бэшые харуулдагби, сэсэн мэргэшүүлэй үгэнүүдые буруушаадагби, эрдэм мэдэсэнь удхагүй тэнэг гэжэ элирхэйлдэгби.

Исай 53:1

Зон иигэжэ хэлсэнэ: «Бидэнэй хэлэһэн үгэнүүдтэ хэн этигээ юм? Эзэн Бурханай эршэ хүсэн хэндэ нээгдэн эли болоо юм?

Ерэмияа 10:7

Бүхы зон Таниие, үндэһэ яһатадай Хааниие, хүндэлхэ ёһотой. Үнэхөөр энэ Танда зохистой. Үндэһэтэдэй бүхы сэсэн мэргэн зоной дунда, хаашуулайнь дунда Тантай адли хэншье үгы.

Матвей 13:22

Үүргэнэ соо унаһан үрэһэн гээшэнь иимэ удхатай: хэн нэгэн мэдээсэл дуулажа абабашье, энэ ажамидаралайнгаа түлөө оролдолгонь, эд зөөридэ обтолгонь мэдээсэлые даражархидаг, тиин тэрэ мэдээсэл ямаршье үрэ дүнгүй байдаг.

Иоанн 12:31

Иигээд энэ дэлхэйе шүүбэрилхэ саг тулажа ерээ, мүнөө энэ дэлхэйн Ноёниинь һэегүй намнуулха!

Хэрэгүүд 17:18

Эпикур болон стоик һургаалай гүн ухаантанууд тэрээнтэй уулзажа: – Энэ дэмы шашагша юу хэлэхэ һанаатайб? – гэжэ нэгэ зариманиинь хэлэжэ байба. – Үгы, энэшни хариин бурхадууд тухай номноно ха, – гэжэ нүгөөдүүлынь хэлэбэ. Юундэ тиигэжэ хэлсээб гэхэдэ, Павел Иисүүс тухай, Тэрэнэй амидыралга тухай номноо.

Римэйхиндэ 1:20

Бурханай харагдадаггүй мүнхэ һүр хүсэн болон Бурханай мүн шанарынь газар дэлхэйн бүтээгдэхэһээ эхилэн Тэрэнэй бүхы бүтээһэн юумэнүүдые хаража үзэһэнэй ашаар эли ойлгогдоно. Тиимэһээл үнөөхи зондо өөһэдыгөө хамгаалха юумэн байхагүй.

Римэйхиндэ 1:22

Тэдэнэр өөһэд тухайгаа ухаантайбди гэнэ, үнэн дээрээ тэдэнэр үбэштэй тэнэгүүд юм.

Коринфынхидтэ 1-дэхи 1:19

Нангин Бэшэг соо: «Сэсэн мэргэшүүлэй ухаан һүнөөхэб, ухаатай зоной ухаан бодолыень буруушаахаб», – гэжэ хэлэгдэнэ.

Коринфынхидтэ 1-дэхи 1:26

Аха дүүнэр, Бурханай таанадые дуудахада таанад ямар байһанаа һаныт: хүнүүдэй хэмжээгээр харабал, үсөөнтнайл сэсэн ухаантай, хэдыхэнтнайл һүр хүсэтэй, хэдыхэнтнайл дээгүүр уг изагууртай байгаа.

Коринфынхидтэ 1-дэхи 1:27

Тиимэһээ Бурхан энэ дэлхэйн сэсэн мэргэниие номгоруулхын тула ямаршье удхагүй гэжэ тоологдодог юумэнүүдые шэлэжэ абаа, энэ дэлхэйн һүр хүсые сарахын тула хүнүүдэй дундаһаа ахир һула гэжэ тоологдодогуудыень шэлэжэ абаа.

Коринфынхидтэ 1-дэхи 1:28

Бурхан энэ дэлхэй дээрэ шухала гэжэ тоологдодог юумые болюулхын тула хүнүүдэй дундаһаа ямаршье уг изагуургүй, дарлагдаһануудыень шэлэжэ абаа.

Коринфынхидтэ 1-дэхи 11:32

Харин бидэ Эзэнэй заргада ороод, хэһээлтэдэнь хүртэжэ байнабди, тиимэһээ энэ дэлхэйн зоноор хамта зэмэлэгдэхэгүйбди.

Коринфынхидтэ 1-дэхи 2:6

Зүгөөр сэсэн ухаан тухай мэдээсэлые би һүзэгөөрөө болбосон хүнүүдтэ номнодогби. Гэхэдээ тэрэ сэсэн ухаан энэ дэлхэйн бэшэ, эрхэ засагаа алдадаг энэ дэлхэйе захирагшадай бэшэ.

Коринфынхидтэ 1-дэхи 2:8

Тэрэ сэсэн ухаае энэ дэлхэйн захирагшадай нэгэньшье мэдэрээгүй. Хэрбээ мэдэрһэн байбал, тэдэ алдарта Эзэниие саазалхагүй һэн.

Коринфынхидтэ 1-дэхи 3:18

Таанад өөһэдыгөө бү мэхэлэгты. Хэрбээ таанадай хэн нэгэн энэ дэлхэйн шатада өөрыгөө сэсэн мэргэнби гэжэ тоолоболнь, үнэндөө сэсэн мэргэн болохын тула тэнэг болохо ёһотой.

Коринфынхидтэ 1-дэхи 3:19

Энэ дэлхэйн сэсэн мэргэн гэжэ тоологдодог юумэнүүд Бурханай урда ямаршье удхагүй юумэнүүд юм. «Бурхан мэргэн ухаатайшуулые мэхэ гохоорнь баридаг», – гэжэ Нангин Бэшэг соо бэшээтэй байдаг.

Коринфынхидтэ 1-дэхи 6:2

Бурханай хүнүүд энэ дэлхэйн зониие шиидхэхэ гэжэ таанад мэдэхэгүй аалта? Хэрбээ таанад энэ дэлхэйн зониие шиидхэхэ ушартай аад, жэжэ асуудалнуудаар шиидхэбэри гаргаха аргагүй аалта?

Яковай хандалга 4:4

Бурханда урбагша зон, энэ оршолон дэлхэйдэ дуратай байхадаа таанад Бурханай дайсад болонот гэжэ мэдэнэгүй аалта? Тиин энэ оршолон дэлхэйтэй нүхэсэхэеэ һанабал, Бурханай дайсан болонот.