Коринфынхидтэ 1-дэхи 1:19 - Библи

¹⁹ Нангин Бэшэг соо: «Сэсэн мэргэшүүлэй ухаан һүнөөхэб, ухаатай зоной ухаан бодолыень буруушаахаб», – гэжэ хэлэгдэнэ.

Шэнэ Хэлсээн

¹⁹ Нангин Бэшэг соо: «Сэсэн мэргэн хүнүүдэй сэсэнииень һүнөөхэб, ухаатайшуулай ухаан бодолыень буруушаахаб», – гэжэ хэлэгдэнэ.

Коринфынхидтэ 1-дэхи 1:19 ပူးပေါင်းရင်းမြစ်များ

Исай 19:11

Нээрээ, Цооһан хотын ударидагшад тэнэг! Фараоной эгээл мэргэн ухаатай гэдэг зон тэнэг зүбшэлнүүдые үгэнэ. «Сэсэн мэргэшүүлэй уг удам, эртэ урдын хаашуулай ухаа халан абаһан зон гээшэбди» гэжэ фараондо яажа хэлэжэ шадахабта?!

Исай 19:3

Би Египедэй зоной түсэбүүдые һалгаахаб, һүр һүлдыень доройтуулхаб. Тэдэ шүтөөнүүдтэ, үхэһэн зоной һүнэһэ дуудагшадта, үзэл үзөөшэдтэ хандаха.

Исай 29:14

Тиимэһээ Би энэ арадтай гайхалтай, урид үзэгдөөгүй хэрэгүүдые дахин хэхэб, Сэсэн мэргэшүүлэй ухаан үгы болохо, ухаатай зоной ухаан һалаха».

Ерэмияа 10:7

Бүхы зон Таниие, үндэһэ яһатадай Хааниие, хүндэлхэ ёһотой. Үнэхөөр энэ Танда зохистой. Үндэһэтэдэй бүхы сэсэн мэргэн зоной дунда, хаашуулайнь дунда Тантай адли хэншье үгы.

Ерэмияа 8:9

Сэсэн мэргэн тэдэ зон нэрээ хухараа, мэгдэшоо, баригдаа, Эзэнэй үгэ тэдэ буруушааба – тиихэдээ тэдэ мэргэн ухаатай болоно гү? Үгы.

Коринфынхидтэ 1-дэхи 3:19

Энэ дэлхэйн сэсэн мэргэн гэжэ тоологдодог юумэнүүд Бурханай урда ямаршье удхагүй юумэнүүд юм. «Бурхан мэргэн ухаатайшуулые мэхэ гохоорнь баридаг», – гэжэ Нангин Бэшэг соо бэшээтэй байдаг.

Коринфынхидтэ 1-дэхи 4:10

Бидэ Христоосой түлөө тэнэг болообди, зүгөөр таанад Христоостой хамтаран сэсэн мэргэн болобот! Бидэ ахир һулабди, тиихэдэ таанад хүсэтэй болобот! Бидэнэй нэрые гутаагаа, харин таанад алдар солодо хүртэбэт!

Коринфынхидтэ 1-дэхи 4:6

Аха дүүнэр, таанадайл аша туһада би эдэ бүхэниие Аполлос бидэ хоёрой жэшээ дээрэ харуулбаб. Хүн бүхэнтнай Бурханай һургаалые гүйсэдхэжэ байһай гэжэ хүсэнэб. Хэнтнайшье нэгэ хүнөө хүндэлөөд, нүгөөдэеэ баһаад бү ябаһай.