Колоссынхидтэ 3:10 - Библи

¹⁰ Таанад шэнэ хүнүүд болобот. Таанадта Өөрыгөө бүрин мэдүүлхын тула Бурхан, Бүтээгшэ тиимэ хүнүүдые бүрил Өөртөө адли болгон шэнэдхэдэг.

Шэнэ Хэлсээн

¹⁰ Таанад шэнэ хүнүүд болобот. Таанадта өөрыгөө бүрин мэдүүлхын тула Бурхан, Бүтээгшэ тиимэ хүнүүдые бүрил өөртөө адли болгон шэнэдхэдэг юм.

Колоссынхидтэ 3:10 ပူးပေါင်းရင်းမြစ်များ

Эхин 5:1

Энэ болбол Адаамай угай бэшэг юм. Бурхан зониие бии болгоходоо, Өөрынгөө дүрэ үгэжэ бүтээһэн гэхэ.

Иоов 29:14

Гэм нүгэлгүй амидарха гээшэ минии хубида хубсаһа үмдэхэтэй адли юрын нэгэ хэрэг бэлэй.

Псалманууд 51:10

Харин би хадаа Бурханай нангин үргөө соо һалбаран ургажа байгаа чидүүн модон мэтэб, Бурханай энэрэл хайрада хэтэ мүнхэдөө найданаб.

Исай 52:1

Сион, һэрииш, һэрииш, дахин хүсэ шадалаа нэмэрыш! Нангин хото Иерусалим, алдар солынгоо хубсаһа үмдыш! Буруу номнолтон ба бэеэ арюудхаагүй зон шинии бартаануудаар бэшэ орохогүй.

Исай 59:17

Тэрэ үнэн зүбые хуяг мэтэ үмдэжэ, абаралые дуулга мэтээр толгой дээрээ табиба. Тэрэ зонһоо үһөөгөө абаха шанга хүсэлдэ нэрбэгдэбэ.

Эзэкээл 11:19

Би тэдээндэ ондоо зүрхэ, ондоо сэдьхэл үршөөхэб, үсэд шулуун зүрхыень абажа, үгэ дууламгай зүрхөөр һэлгэхэб.

Эзэкээл 18:31

Муу муухай юумэ өөрһөө зайсуулагты, сэбэр, арюун бодолтой, Намда үнэн сэхэ бологты. Тиигэбэл, Израилиин арад түмэн, таанад хосорхогүйт!

Эзэкээл 36:26

Үсэд зүрхыетнай үгэ дууламгай шэнэ зүрхөөр һэлгэхэб. Шэнэ һанаа бодолтой болохот.

Иоанн 17:3

Хэтэ мүнхын амидарал гээшэ ори ганса үнэн бодото Бурхан бологшо Таниие, мүн Танай эльгээһэн Иисүүс Христоосые мэдэхэ гэһэн удхатай.

Римэйхиндэ 12:2

Энэ дэлхэйн зондо адли бү байгты, харин ухаан бодолоо шэнэлүүлэн, өөһэдыгөө бүрин хубилгагты. Тиигэбэл таанад Бурханай эрхэ мэдэлые: Тэрээндэ таалагдама, зохистой, эрхим түгэс байхые мэдэжэ байхат.

Римэйхиндэ 13:12

Һүни үнгэрөөд, үдэр болохонь ойртобо. Харанхы мунхагта хабаатай юумэнүүдые хэхэеэ болёод, зэр зэбсэг баряад, гэрэл туяа соо тулалдахаяа бэлэн байял!

Римэйхиндэ 13:14

Харин Эзэн Иисүүс Христоосые хуяг дуулгадал адли үмдэел, нүгэлтэ мүн шанар байдалаа анхархаяа, хүсэлэнгүүдыень хангахаяа болиёл.

Римэйхиндэ 6:4

Уһаар арюудхуулхадаа, бидэ Христоостой хамта үхөөд хүдөөлүүлэгдөөбди. Тиимэһээ Эсэгынь алдарта һүр хүсэнэй Христоосые амидыруулһандал адляар бидэшье ажамидаралай шэнэ зүргөөр ябахабди.

Римэйхиндэ 8:29

Бурханай шэлэжэ абаһан хүнүүд Хүбүүндэнь адли байха табилантай, тиин Хүбүүниинь олон һүзэглэгшэ аха дүүнэрэй дунда ууган Хүбүүниинь байха.

Коринфынхидтэ 2-дохи 3:18

Тиимэһээ бидэ булта халхалагдаагүй нюураараа Эзэнэй алдарые харанабди. Эзэнэй Һүлдэ Эзэнэй алдарта бүри ойртуулан маанадые хубилгана.

Коринфынхидтэ 2-дохи 4:16

Иимэһээл бидэ хэзээшье урмаа хухардаггүйбди. Бэемнай хуушаржа байбашье, досоогоо үдэрһөө үдэртэ бидэ шэнэлнэбди.

Коринфынхидтэ 2-дохи 4:6

«Гэрэл туяагай харанхыһаа гэрэлтэхэнь болтогой», – гэжэ Бурхан хэлээ. Мүнөө тэрэл Бурхан манай сэдьхэлдэ гэрэлтэжэ, Христоосто оршожо байһан Бурханай алдарай мэдээгээр бидэниие гэгээрүүлээ.

Коринфынхидтэ 2-дохи 5:17

Христоостой нэгэдэһэн хүн бүхэн шэнэ хүнүүд гээшэ: урданай юумэнүүд һүнэгдөөд, бүхы юумэн шэнэдхэгдэбэ.

Галадуудта 3:27

Иисүүс Христоосой нэрэ алдараар уһаар арюудхуулһан зон, таанад булта Иисүүс Христоостой нэгэдэбэт.

Галадуудта 6:15

Отолуулһан гү, али отолуулаагүй гү – тэрэнь ямаршье хамаагүй. Шэнэ хүн бии боложо мүндэлһэниинь лэ шухала юм.

Эфесэйхиндэ 2:10

Ямар байнабди, тиимээр Бурхан бидэниие бүтээгөө, бидэниие Иисүүс Христоостой нэгэдүүлэн һайн һайхан хэрэгүүдые хэдэг заншалтай байхыемнай анханһаа түлэблэн бүтээгөө.

Эфесэйхиндэ 2:15

Тэрэ хоёр арадһаа Өөртэйгөө хамта нэгэ шэнэ арад нэгэдүүлэн бүтээжэ, энхэ тайбаниие мандуулхын тула Моисейн Хуули тогтоолнуудтайнь болон дүримүүдтэйнь хүсэнгүй болгоо.

Колоссынхидтэ 3:12

Таанад гэгээн хүнүүд гээшэт. Бурхан таанадта дуратай, таанадые Өөртөө шэлэжэ абаа. Тиимэһээ таанад бэе бэеэ хайрлажа, бэе бэедээ һайнаар хандажа байгты, номгон, даруу зантай, тэсэбэритэй байгты.

Колоссынхидтэ 3:14

Энээнһээ гадна үшөө бэе бэедээ дуратай байгты. Хайра дуран бүхы һүзэглэгшэдые холбодог, тиигэжэ тэдэнэр бодотоор нэгэдэдэг юм.

Филимондо 1:6

Бидэ хоёр һүзэглэгшэдэй хани нүхэсэл Иисүүс Христоостой нэгэдэһэн манай амидаралда үршөөл бүхэнэй гүнзэгы удхые мэдэрхэдэшни туһалха тухай зальбаржа байдаг хүнби.

Еврейнүүдтэ 6:6

Тиибэшье тэдэнэр һүзэг этигэлээ алдаа. Тэдэниие дахин нүгэлһөөнь Бурханда хандуулха аргагүй юм. Юундэб гэхэдэ, тэдэнэр Бурханай Хүбүүе дахин хэрээһэндэ хадажа, Тэрэниие хүнүүдэй урда гутааха.

Иоаннай 1-дэхи хандалга 2:3

Бурханай захяа заабариие сахидаг болоходоол, Бурханиие бидэ мэдэнэбди гэжэ лаб найдахабди.

Иоаннай 1-дэхи хандалга 2:5

Бурханай үгэ дуулагша хүн Бурханда үнэн сэдьхэлһээ дуратай байна. Бурхантай нэгэн хамта байһанаа бидэ иигэжэл мэдэхэ болонобди.

Гэршэлгэ 21:5

Хаан шэрээдэ Һуугша иигэжэ хэлээ: «Харалши, Би баран шэнэ юумэ хэнэб!» Тиигээд Тэрэ иигэжэ хэлэбэ: «Буулгажа бэшээд аба, эдэ үгэнүүдтэ этигэхэдэ болохо, юундэб гэбэл, эдэ бүхы үгэнүүд үнэн зүб юм».