Хуули дабталга 8:15 - Библи

¹⁵ Үргэн гэгшын, аймшагтай элһэн сүл губиин дундуур, элдэб хорото могойнуудтай, хадхууртай хорхойнуудтай, уһагүй хуурай газараар Тэрэ таанадые хүтэлэн гаргаа. Хабсагай шулуунһаа уһа гаргажа, Тэрэ таанадта үгэһэн байна.

Хуули дабталга 8:15 ပူးပေါင်းရင်းမြစ်များ

Псалманууд 105:41

Тэдэниие үндэһэтэдэй гарта дамжуулба, дайсадынь тэдэниие зонхилжо эхилбэ.

Псалманууд 114:8

Юуб гэхэдэ, Та намайе үхэлһөө, нюдыем нулимсаһаа, хүлыем бүдэрхэһөө абараат.

Исай 30:6

Урда зүгэй элһэн сүл губиин амитад тушаа Эзэнэй буулгаһан айладхал энэ: Арсаланай, хорото могойн, луугай һуурижаһан аймшагтай орон нютагаар элшэнэр аяншална. Элжэгэдтээ, тэмээнүүдтээ хүндэ ашаа тээн, тэдэ ондоо арад зондо бэлэг-сэлэг абаашахаяа һэдэнэ. Теэд тэрэ арад өөһэдтэнь ямаршье туһа хүргэхэгүй.

Исай 35:7

Хатаһан газар сөөрэм боложо, ангаһан газараар уһан урдажа, сүүбэн шонын унтадаг газарнуудаар хулһан, зэгсэнүүд ургаха.

Исай 43:19

Харагты, Би шэнэ зүйл хэхэм. Тэрэ мүнөө бэелүүлэгдэжэ эхилээ, харахадатнай болохо. Мүн Би хээрэ талада зам гаргажа, элһэн сүл губида уһа урдахуулхаб.

Ерэмияа 2:6

Тэдэ Нам тухай һанаагаа табяашьегүй. Харин Би тэдэниие Египедэй газар нютагһаа абаран гаргажа, элһэн сүл губяар, ханха зайдан, хонхо-ёнхо газараар, ган гасуур, аюултай газараар, хэнэйшье хүндэлэн гаража үзөөгүй, хэнэйшье оршон амидараагүй газараар хүтэлэн ябажа гаргааб.

Һошээ 13:5

Хатаһан хуурай газарта Би таанад тушаа һанаагаа табин байгааб.

Тоололго 20:11

Моисей гараа үргэжэ, тэрэ дулдыгаар байсын шулууе хоёр дахин тоншобо. Тэрэ шулуунһаа уһанай ехээр урдахада, тэндэ байһан хүнүүд болон үхэр мал уһа уужа, ундаа харяабад.

Тоололго 21:6

Эзэн тэдээн руу хорото могойнуудые эльгээбэ. Могойнуудта хадхуулжа, олон израильшууд үхэбэ.

Коринфынхидтэ 1-дэхи 10:4

нэгэ адли гайхамшагтай унда уужа байгаа. Тэдэнтэй хамта ябаһан гайхамшагтай хабсагайһаа тэдэ уужа байгаа. Тэрэ хабсагай болбол Христоос Өөрөө мүн һэн.

Хуули дабталга 1:19

Эзэн Бурханайнгаа захирһанай ёһоор, Хорээб хадаһаа буужа, энэ үргэн, аймшагтай элһэн сүл губи бултыень гаталан гараабди, энээниие та бүгэдэ өөһэдөө хараа гээшэ аабзат даа. Иигэжэ эмоор обог зоной уулархаг нютаг руу зорижо, Кадээш-Барнээ гэгшэдэ хүрөөбди.

Хуули дабталга 32:13

Эмээл дээрээ һуулгаһандал, Тэрэ Яковай уг удамые гүбээ газарнуудые унуулан ябуулжа, таряалангай ургасаар хооллуулаа, хабсагайһаа – зүгын бала, сахюур шулуунһаа оливын тоһо гарган тэнжээгээ.