Хуули дабталга 7:6 - Библи

⁶ Энээниие юундэ хэхэбта гэхэдэ, таанад Эзэн Бурханайнгаа нангин арад түмэн гээшэт. Дэлхэй дээрэ байгааша арадуудай дундаһаа таанадыел Өөрын арад болгохо гэжэ Эзэн Бурхантнай шэлэһэн байна.

Хуули дабталга 7:6 ပူးပေါင်းရင်းမြစ်များ

3 Хаан түрэнүүд 3:8

Танай шэлэгшэ, тооложо барамаар бэшэ үй түмэн арад зонойтнай дунда би байнаб.

Эзраа 9:2

басагадаар һамга хэхэһээ гадна хүбүүдтээ һамга абхуулна, тиигэжэ нангин шуһамнай буса түрэлтэдтэй холисолдожо байна. Энэ хуули буса ябадалда аха захатан, нэрэтэй түрэтэйшүүл эхи табяа.

Псалманууд 114:2

Нам руу шэхээ табин соносодог ушарһаань амиды мэндэ сагтаа би Тэрэниие дуудан байхаб!

Псалманууд 135:4

Агууехэ хэрэгүүдые гансаараа хэдэг Тэрээндэ. Юуб гэбэл, энэрэл хайрань хэтэ мүнхын.

Псалманууд 50:5

Юуб гэбэл, би алдуутайгаа мэдэнэм, нүгэлни ходо урдам байна.

Египедһээ гаралга 6:7

Таанадые Минии арад болгожо, Бурхантнай болохоб. Таанадые Египедэй дарлалтаһаа гаргаһан танай Эзэн Бурхан гэжэ һанажа ябахат.

Исай 41:8

Харин ши, Минии богоол Израиль! Минии шэлэһэн Яков! Минии нүхэр Абраһаамай үри һадаһад!

Исай 41:9

Би таанадые дэлхэйн захаһаа асаржа, газарай хирхагһаа дуудажа, иигэжэ айладхаа бэлэйб: Таанад Минии богоолнууд гээшэт. Би таанадые голоогүйб, шэлэн абааб.

Исай 6:13

Зоной арбанай нэгэ хубишье эндэ үлөө һаань, энэ газар дайда дахин хооһоруулагдаха. Сарса болон зандан мододые тайрахада, үндэһэн түгсүүл үлэдэг. Тэрээн мэтэ нангин үрэ энэ орон нютагай үндэһэн мүн.

Исай 62:12

Таанад «Эзэнэй абарһан нангин арад түмэн» гэжэ нэрлэгдэхэт. Иерусалим хадаа «Эзэнэй орхёогүй хото, Бурханай дуратай хото» гэжэ нэрлэгдэхэ.

Ерэмияа 2:3

Израиль, таанад Минии нангин хуби, ургасымни дээжэ мэтэ бэлэйт. Таанадые харшалагша уласуудые бултыень буруутан болгожо, гай тодхор тэдээндэ буулгаа бэлэйб. Энэ болбол Би, Эзэн, айладхажа байгаа мүн!

Эзэкээл 20:5

Минии, Эзэн Бурханай, Израилиие Өөрын арад түмэн болгон шэлэһэн, Египет орон нютагта тэдээндэ Өөрыгөө харуулжа, өөһэдынь болон үри һадаһадайнь Бурхан болохоб гэжэ Яковай обогто тангариг үргэһэн тухайм тэдээндэ дуулгаарай.

Левит 20:24

«Үрэжэлтэй һайхан энэ газарые таанадай харьяата газар болохо,» – гэжэ найдуулаа һэм. Тиигээд мүнөө тэрэниие үгэнэб. Би танай Эзэн гээшэб, таанадые бусад арадуудһаа илган шэлээ һэм.

Левит 20:26

Таанад арюун байжа, гансал Минии арад түмэн байха ёһотойт. Юуб гэбэл, Би Эзэн гээшэб, Би арюун нангин гээшэб, гансал Минии байхынтнай түлөө ондоо арадуудһаа таанадые илган абааб.

Амоос 3:2

Дэлхэйн обогуудһаа гансал таанадые мэдэржэ байгааб. Тиимэһээ бүхы гэмэйтнай түлөө таанадыел шиидхэн асуухаб.

Малаахи 3:17

«Өөрын эзэмшэлһэн орон байгуулхадам, тэдэ Минии байха болоно. Өөртэнь үйлэ бүтээдэг хүниие үршөөдэгтэй адли Би тэдэниие үршөөхэб» гэжэ Түмэн Сэрэгтэ Эзэн айладажа байна.

Хэрэгүүд 13:17

Израилиин арад зоной Бурхан манай үбгэ эсэгэнэрые шэлэжэ абаад, хариин газарта, Египедтэ ажаһуухадань, тэдэниие агууехэ үндэһэн болгоо. Тиигээд хүсэн түгэлдэр гараараа Бурхан тэдэниие Египедһээ гаргажа,

Римэйхиндэ 9:4

Тэдэ израильшууд Бурханай шэлэжэ абаһан хүнүүд юм. Бурхан тэдэндэ алдараа харуулаа, тэдэнтэй хэлсээ баталаа, тэдэндэ Хуули, тиигээд шүтэлгын Һүмэ ба найдуулгаа үгөө.

Хуули дабталга 14:2

Юундэб гэхэдэ, таанад Эзэн Бурханай нангин арад ха юмта. Дэлхэйн арадууд сооһоо Эзэн таанадыел Өөрынгөө арад болгохо гэжэ шэлэһэн байна.

Хуули дабталга 14:21

Үхэһэн амитадай һэе бү эдигты. Танай хотодо байгша ерүүл хариин хүндэ тэрэниие үгэгты, үгышье һаа, худалдагты, тэрэ эдиг. Юуб гэхэдэ, таанад Эзэн Бурханайнгаа нангин арад ха юмта. Эшэгые эхынь һүн соо бү шанагты.

Хуули дабталга 26:18

Эзэн таанадые Өөрынь хубиин арад түмэн гээд мүнөөдэр айладхана. Өөрынь захяа заабаринуудые сахин ябаха тухай Тэрэ захирна.

Хуули дабталга 26:19

«Өөрынгөө бүрилдүүлһэн таанадые бусад арадуудһаа бүри олон болгохоб, хүндэтэй, нэрэ түрэтэй, толотомо һайханаар ажаһуухат, Минии Өөрын нангин арад болохот», – гэжэ Эзэн Бурхантнай тунхаглана.

Хуули дабталга 28:9

Эзэн Бурханайнгаа захяа заабаринуудые сахин дүүргэжэ, Тэрэнэй захирһанай ёһоор бүхы юумэ хээ гээшэ һаатнай, та бүгэдэндэ тангариглаһанай ёһоор, Эзэн таанадые Өөрын нангин арад болгохол.

Хуули дабталга 33:3

Нээрээшье, Тэрэ Өөрынгөө арадта дуратай! Гэгээн зониинь Тэрэнэй гарта! Тэдэнь һургаал абахаяа хүлдэнь һүгэдэн байна.

Хуули дабталга 4:20

Таанадые Эзэн түмэр зууха сооһоо абажа гаргаһандал, Египедһээ абаран гаргаа. Өөрын арад түмэн болгохын тула. Энэнь бэелээ.

Хуули дабталга 4:37

Үбгэ эсэгэнэртэтнай дурлаһандаа Тэрэ таанадые шэлээ, Өөрөө асари ехэ хүсөөрөө таанадые Египедһээ гаргаа.

Тидтэ 2:14

Христоос маанадые бузар муухай нүгэлнүүдһээмнай аршалан, мэдэлдэнь байдаг, үлзытэй хэрэгүүдые хэхэ гэжэ зүдхэдэг сэбэр арад болгохын тула Өөрыгөө бидэнэй түлөө үргөө.

Пётрой 1-дэхи хандалга 2:9

Тиихэдэ таанад шэлэгдэжэ абтаһан угсаатан гээшэт, Хаанай санаартад, нангин арад, Бурханай хүнүүд болонот, шэб харанхыһаа таанадые гайхалтай гэрэл туяадаа дуудаһан Бурханай агууехэ үйлэ хэрэгүүд тухай номнохоор шэлэгдэһэн хүнүүд гээшэт.

Пётрой 2-дохи хандалга 2:5

Бурхан урдын хүнүүдыешье хайрлаагүй, дорой ябадалтай зониие уһан галабаар һүйдхөө. Тиихэдэ Бурханда үнэн зүбөөр хандаха тухай һургадаг Нойе, тэрээнтэй хамта үшөө долоон хүнэй амиие үлээгөө.

Пётрой 2-дохи хандалга 2:9

Үнэн сэдьхэлтэй зониие туршалгануудһаа яажа аршалхые, муу муухай ябадал гаргагшадые Зарга шүүбэриин Үдэрэй хэһээлтэ хүрэтэр яажа һахижа байхые Эзэн мэдэхэ гэжэ урда хэлэгдэһэн харуулна.

1 Хаан түрэнүүд 12:22

Юуб гэхэдэ, Эзэн агууехэ нэрынгээ түлөө Өөрын арад түмэниие орхихогүй. Ушарынь гэбэл, Эзэн таанарые Өөрынгөө арад зон болгон шэлээл!