Хуули дабталга 7:25 - Библи

²⁵ Бурхадайнь дүрсэнүүдые галда хаяжа шатаагты! Шүтөөнүүд дээрэнь байгааша алта-мүнгые абахаяа бү һанагты, юундэб гэхэдэ, тэрэ таанадта занга болохо. Эзэн Бурхантнай шүтөөнүүдые үзэн ядадаг.

Хуули дабталга 7:25 ပူးပေါင်းရင်းမြစ်များ

4 Хаан түрэнүүд 23:14

Тэрэ нангин шулуунуудые буталба, Ашэраагай модон сэргэнүүдые таһар сабшажа унагааба. Тиигээд тэрэ нангин тэдэ газарнуудта үхэһэн хүнүүдэй яһануудые хаяба.

1 Угай бэшэг 14:12

Пилиштүүд тэрьедэхэдээ, тэндэ шүтөөнүүдээ хаяа бэлэй. Давид захиралта үгэжэ, тэдэнииень галда шатаажа үгы хэбэд.

Египедһээ гаралга 20:17

Хүнэй гэр байра буляаха гэһэн хүсэлдэ бү абта, хүнэй һамганда, хүнэй богоол шэбэгшэндэ, сар элжэгэндэ, хүндэ байһан ямаршье юумэндэ бү һанаашарха.

Египедһээ гаралга 32:20

Тугалай хүрэгые галда хаяжа хайлуулаад, уйгааг тоброог болоторнь нюдэбэ. Тэрэнээ уһа руу хаяжа, Израилиин зониие үтэр уугты гэжэ зандаран, тэрэ уһыень уулгаба.

Египедһээ гаралга 8:26

Моисей харюудань: – Тиигэжэ болохогүй. Египет арад манай Бурхандаа хэһэн үргэл тахилые бузартай үйлэ, бузгай хэрэг гэжэ нэрлэхэл. Тэдэнэй ойро тахибалнай тэдэ маанадые шулуугаар шэдэжэ алаха бэшэ юм гү?

Исай 30:22

Таанад мүнгөөр хушаатай онгонуудаа, алтаар бүрхөөтэй хүрэгүүдээ абажа, муухай юумэндэл, бог шоройдол адляар холо хаяхат: «Зайлагты!»

Исай 41:24

Гэбэшье таанад юуншье бэшэт, юушье хэжэ шадахагүйт! Таанадта мүргэгшэд жэгшүүритэй!

Левит 13:52

Тэрэ хүн үмдэһэн бүхы хубсаһаяа шатааха ёһотой. Бүхы хубсаһаниинь нооһоншье, маалингашье, арһаншье байг, утаашаа болон хүндэлэн утаһанииньшье галда шатаагдаха ёһотой, юундэб гэхэдэ, хоротой һэлхэ үбшэнэй яра шарха халдаһан байна.

Левит 19:4

Онгондо бү хандагты, шудхамал бурхадые өөһэдтөө бү хэгты. Би танай Бурхан, Эзэн гээшэб.

Цэпаанияа 1:3

Улад зониие, мал, огторгойн жэгүүртэниие, далайн загаһадые усадхахаб. Газарай хүрьһэн дээрэһээ зониие үгы хэхэдэм, муу муухай зон бүдэрдэг зүйлнүүдтэеэ хамта һалаха. Энэ болбол Би, Эзэн, айладхаа мүн!

Хуули дабталга 12:3

Тэдэнэй үргэлэй шэрээнүүдые һандаргаагты, нангин шулуун баханануудыень бута сохигты, Ашэраагай баханануудые галдагты, бэшэ хэзээдэшье тэрэ газарта дурсагдахагүйгөөр бурхадайнь һиилэмэл хүрэгүүдые таһа сабшагты.

Хуули дабталга 13:16

Зонойнь бүхы зөөри хотын талмай дээрэ суглуулагты. Удаань энэ хотые бүхы зөөритэйнь Эзэн Бурхандаа үргэн шатаагты. Энэ хото хэтэ мүнхэдөө һандархай шулуун үлэгдэл болоод лэ үлэхэ, хэзээдэшье дахин бодхоогдохо ёһогүй.

Хуули дабталга 17:1

Дутагдал зэмдэгтэй үхэр гү, али хони Эзэн Бурхандаа бү үргэгты. Юуб гэхэдэ, энэ хадаа Эзэн Бурхандатнай жэгшүүритэй муухай юумэн гээшэ.

Хуули дабталга 23:18

Эзэн Бурханайнгаа үргөө руу ямаршье ёһо гуримаар үндэһэлэн янхан эхэнэрэй гү, али янхан эрын олоһон мүнгэ бү оруулагты. Юуб гэхэдэ, эдэ бүгэдэ Эзэн Бурхандатнай жэгшүүритэй муухай юумэн гээшэ.

Хуули дабталга 27:15

«Хэн нэгэн модо, шулуугаар гү, али шудхажа шүтөөн бүтээгээд, нюусаар тэрээниие табяа һаа, хараалай ехэ хараал өөртөө шэнгээхэ! Юуб гэхэдэ, тэдэ хадаа дарханай гараар хэгдэһэн, Эзэндэ жэгшүүритэй муухай юумэн гээшэл». Тиихэдэнь бүхы арад зон харюудань хэлэхэ: «Болтогой!»

Хуули дабталга 7:16

Эзэн Бурханайнгаа танай мэдэлдэ үгэһэн бүхы арадуудые усадхахат, тэдэниие бү хайрлагты, тэдэнэй бурхадта бү зальбарагты, юуб гэхэдэ, энэ хадаа таанадта табиһан урьха гээшэл.

Хуули дабталга 7:5

Тэдээндэ иимээр хандаха ёһотойт: үргэлэй шэрээнүүдыень һандаргагты, һүгэдэн мүргэдэг нангин шулуунуудыень бута сохигты, Ашэраа бурханда мүргэдэг тахилгата модонуудыень сабшан хаягты, һиилэмэл шүтөөнүүдынь гал дүлэндэ шатаагты!

Нүүнэй Иисүүс 7:1

Теэд Израилиин хүбүүд гэмтэ хэрэг хээ, Эзэндэ зорюулаатай юумэнһээ абаа. Иудын обогой Зээрахай Забдиин, тэрээнэй хүбүүн Хармиигай хүбүүн Ахаан хараалта юумэнһээ абаад, Эзэнэй уур хилэн Израилиин хүбүүдтэ буугаа.

Нүүнэй Иисүүс 7:21

олзын дунда нэгэ һайхан Шинаарай хубсаһа, хоёр зуун шээкэл мүнгэ, табин шээкэл жэнтэй монсогор алта харааб. Эдэ бүгэдые һайхашаагаад абааб; эдээниие майхан соогоо газарта булааб, мүнгэ доронь нюугааб.

Гэршэлгэ 17:5

Духа дээрэнь нюуса удхатайгаар иигэжэ бэшээтэй: «Агуу ниислэл Вавилоон – газар дэлхэйн янхан эмэнүүдэй жэрхэштэй муухай юумэнүүдэй эхэ».