Хуули дабталга 7:24 - Библи

²⁴ Хаашуулыень танай мэдэлдэ Тэрэ үгэхэ, алтан дэлхэй дээрэ тэдэнэй нэрэшье үлэхэгүй. Хэншье таанадта эсэргүүсэжэ шадахагүй, бултыень таанад һалгаахат!

Хуули дабталга 7:24 ပူးပေါင်းရင်းမြစ်များ

Псалманууд 9:5

Иигэжэ Та минии заргалдаан, шүүхын хэрэг шиидхээт, сэнтиидээ залараат, Үнэн шударга шүүгшэ!

Египедһээ гаралга 17:14

Эзэн Моисейдэ иигэжэ зарлигтаба: – Хуйламал бэшэгтэ дурасхаал болгон бэшээд, Иисүүстэ соносхоорой: Амалээгые газарай нюрууһаа Би огтолон һалгахаб – нэрэньшье үлэхэгүй!

Һургаал 10:7

Үнэн ёһото ябадалтай хүн һайн дурасхаал үлөөнэ, нүгэлтэ хүнэй нэрэ үгы болодог.

Исай 54:17

Харин ямаршье зэр зэбсэг шамайе шархатаахагүй, шамайе зэмэлжэ хэлэһэн хүн бүхэндэ харюутайл байхаш. Би Өөрын зарасанарые аршалхаб, илалта туйлуулхаб!» Иигэжэ Эзэн айладана юм.

Ерэмияа 10:11

Таанад, улад зон, үндэһэ яһатанда иигэжэ хэлыт: «Огторгой болон газарые бүтээгээгүй бурхад үгы хэгдэжэ, хүрьһэтэ дэлхэй дээрэһээ халиха».

Цэпаанияа 1:4

Иудын болон Иерусалимай бүхы ажаһуугшадые усадхахаяа гараа һунгахаб. Баалда мүргэдэг зүйлнүүдэй бүхы үлдөөсые энэ газарһаа үгы хэхэб, шүтээнэй санаартад тушаа һануулха юушье үлөөхэгүйб.

Римэйхиндэ 8:37

Эдэ бүхы ушарнуудта бидэ маанадта дуратай байһан Христоосой ашаар илалта туйлан гаранабди.

Коринфынхидтэ 1-дэхи 15:57

Харин манай Эзэн Иисүүс Христоосой ашаар маанадта илалта хайрлаһан Бурханда баяр баясхалан хүргэел!

Хуули дабталга 11:25

Хэншье танай урдаһаа тулажа шадахагүй. Эзэн Бурханайтнай найдуулһанай ёһоор, хайшаашье ошоболтнай, танай урда арадуудые Тэрэ һалгануулан байха.

Хуули дабталга 25:19

Эзэн Бурханайтнай эзэлхыетнай танай хуби гэжэ үгэжэ байгаа газар дайдада ороходоо, оршон тойронхи дайсадһаатнай Тэрэнэй амаруулхадань, амалээг арад тухай дурсалгашье алтан дэлхэй дээрэ бү үлөөгты, бултыень хюдагты! Энээн тушаа бү мартагты!

Хуули дабталга 29:20

Иимэ хүниие Эзэн хүлисэхэгүй, тэрээндэ ехэ сухалдажа, зэбүүрхэжэ, Израилиин бүхы обогуудһаа тэрэниие илган гаргаха, хюдаха. Хуули соо, тогтооһон хэлсээнэй хуйламал бэшэг соо баталагдаһан хараал шэрээл иимэ хүндэ хүрэжэ, тэрэнэй нэрэшье алтан дэлхэй дээрэ мартагдаха. Эзэн иигэжэ тэрэниие хэһээхэ.

Хуули дабталга 9:14

Намда һаалта бү хэ, Би тэдэниие хюдахам, алтан дэлхэй дээрэ нэрэньшье мартагдаха, харин тэдэнһээ хүсэтэй, олон тоото улад зониие шамһаа үдэн гаргахаб».

Хуули дабталга 9:3

Теэд мүнөө одоо мэдэжэ байгты: Эзэн Бурхантнай бүхы юумэ үрэбхилдэг гал дүлэндэл, таанадай урда ябана. Тэрэ тэдэниие хюдаха, таанадаар диилүүлхэ. Эзэнэй та бүгэдэндэ найдуулһанай ёһоор, таанад газар уһыень эзэмдэхэт, түргөөр тэдэниие һалгаахат.

Нүүнэй Иисүүс 1:5

Шинии бүхы наһан соо хэншье шамтай тэнсэхэгүй; Моисейн хажууда байһандал адли Би хажуудаш байхаб: шамһаа холодохогүйб, шамайе орхихогүйб.

Нүүнэй Иисүүс 10:23

Хэлэһэн зарлигынь дүүргээ. Тэдэ табан хаашуулые – Иерусалимай хааниие, Хэброоной хааниие, Ярмуудай хааниие, Лахиишэй хааниие, Эглооной хааниие агуйһаа гаргаад, Иисүүстэ асараа.

Нүүнэй Иисүүс 10:40

Иисүүс бүхы хадын газарые, Нээгэб ба доро газарнуудые, хадын бооридо байһан газар нютагуудые, тэдээнэй хаашуулые усадхаад, хэнииешье амиды үлөөгөөгүй, бүхы амитай амитадые Эзэнэй, Израилиин Бурханай захиһан ёһоор хараалда хүртөөгөө.

Нүүнэй Иисүүс 10:42

Эдэ газарнуудай бүхы хаашуулые, тэдээнэй газарые Иисүүс нэгэл ябадалаар эзэлэн усадхаа; юундэб гэхэдэ, Эзэн, Израилиин Бурхан Израилиин түлөө тэмсээ.

Нүүнэй Иисүүс 10:8

Эзэн Иисүүстэ хэлээ: – Тэдээниие Би шинии гарта үгөөб: хэнииньшье шинии урдаһаа тэсэхэгүй.

Нүүнэй Иисүүс 11:17

Халак хадаһаа Сэһиир хүрэтэр, Хэрмооной хажуудахи Ливаанай талын Бааһал-Гаад хүрэтэр газарые эзэлэн абаад, тэдэнэй бүхы хаашуулынь барижа хюдаа, алаа.

Нүүнэй Иисүүс 12:24

Тирцаагай нэгэ хаан. Бүхыдөө гушан нэгэн хаан бэлэй.

Нүүнэй Иисүүс 21:44

Эсэгэнэртэнь тангариглаһан ёһоороо бүхы талаһаань амгалан байдал Эзэн тогтоогоо; дайсадайнь хэнииньшье тэдэнэй урда тэсээгүй, бүхы дайсадые Эзэн тэдээнэй гарта үгөө.

Нүүнэй Иисүүс 23:3

Эзэнэй, танай Бурханай танай урда дайлалдаһан арадуудыетнай таанар хараат, юуб гэхэдэ, Эзэн, танай Бурхан, Өөрөө танай урда дайлалдаа.

Нүүнэй Иисүүс 23:9

Эзэн агууехэ ба хүсэтэй арадуудые танһаа үлдөө, мүнөө хүрэтэр танай урда хэншье тэнсэжэ тэсээгүй.

Нүүнэй Иисүүс 6:2

Бүхы дайлалдаха шадалтай зон хотые тойрон ябагты, үдэрэй нэгэ дахин хотые тойрогты; тиигэжэ зургаан үдэр тойрооройгты.