Хуули дабталга 7:18 - Библи

¹⁸ Теэд тэдээнһээ бү айгты! Фараондо, мүн бүхы улад зондонь Эзэн Бурханайтнай юу хэһые һанаад үзыт.

Хуули дабталга 7:18 ပူးပေါင်းရင်းမြစ်များ

Псалманууд 105:5

Танай шэлэһэн зоной жаргалые харахым тула, Танай арад түмэнтэй хүхилдэхын, Танай уг залгамжатай хамта Таниие магтахын тула!

Псалманууд 77:11

Хэһэн хэрэгүүдынь, харуулһан гайхамшагта үйлэнүүдынь тэдэ мартаа.

Псалманууд 77:12

Тэрэ элинсэг хулинсагайнь хараһаар байтар Египедэй газар дайдада Цооһанда гайхамшагта үйлэнүүдые хээ бэлэй:

Псалманууд 78:11

Шорондо байгаашадай ёолохонь Танда дуулдаг, үхэхэ ёһотой зониие агууехэ хүсэ шадалаараа абарыт!

Тоололго 21:34

Эзэн Моисейдэ иигэжэ айладаба: – Тэрээнһээ ши бү ай. Ушар юуб гэхэдэ, Би тэрэниие, сэрэгшэдыень, тэрэнэй бүхы газар дайдые шинии гарта үгэхэб. Хэшбоондо ажаһууһан Эмоорой Сиһоон хааниие яагаад ши диилээ һэмши, тэрээндээл тон адляар тэрэниие диилэхэш.

Хуули дабталга 1:29

Би таанадта иигэжэ хэлээ һэм: «Тэдэнһээ бү сошогты, бү айгты.

Хуули дабталга 1:30

Эзэн Бурхантнай таанадые хүтэлэн урдатнай ябана. Египедтэ байхада хараһаар байтарнай манда туһалһандал адляар, Тэрэ манай түлөө тэмсэхэ.

Хуули дабталга 20:1

Дайсадайнгаа урдаһаа байлдаанда гарахадаа, таанадһаа олон моритой, дайшалхы тэргэтэй, сэрэгтэй байһыень обёороод, бү айгты, юуб гэхэдэ, Египедһээ гаргаһан Эзэн Бурхантнай таанадтай байһаар.

Хуули дабталга 3:6

Хэшбооной хаан Сиһооной хотонуудые һандаргааһандал, бидэ тэдэниие һандаргаабди. Эдэ хотонуудта эрэшүүл, эхэнэрнүүдые, үхи хүүгэдые бултыень үгы хээ бэлэйбди.

Хуули дабталга 31:5

Эзэнэй тэдэниие таанадаар диилүүлхэдэнь, минии хэлэһэн захяа заабаринуудай ёһоор тэдээндэ хандаарайгты.

Хуули дабталга 31:6

Хатуу шанга, эрэлхэг зоригтой байгты, тэдээнһээ бү айгты, бү һүрдэгты, юуб гэхэдэ, Эзэн Бурхантнай таанадтай хамта ябана. Тэрэ таанадые орхихогүй, хаяхагүй.

Нүүнэй Иисүүс 8:1

Эзэн Иисүүстэ хэлээ: – Бү ай, бү һүрдэ; дайлалдаха шадалтай бүхы зоноо абаад, Һай хото тээшэ ошо. Би Һай хотын хааниие, тэрээнэй арад зониие, тэрээнэй хотые, тэрээнэй газар шинии гарта үгэнэб.

Ударидагшад 6:13

Гидоон тэрээндэ иигэжэ хэлэбэ: – Хүлисэгты, минии Эзэн. Хэрбэеэ бидэнтэй Эзэнэй байгаа болбол, юундэ бидэнэр ходол гай тодхорто оронобибди? «Эзэн бидэниие Египедһээ гаргаа» гэжэ бидэнэй үбгэ эсэгэнэрэй хөөрэлдэдэг Тэрэнэй эди шэдинүүдынь хаанаб? Мүнөө Эзэн бидэниие орхижо, мидиануудай гарта үгөөл!