Хуули дабталга 6:18 - Библи

¹⁸ Үнэн зүб, һайн хэрэгүүдые, Эзэнэй һанаанда таарама юумэ хэжэ байгты. Тиигэбэл, таанадта һайн байха, үбгэ эсэгэнэртэтнай Эзэнэй тангариглаһан тэрэ үрэжэлтэ һайхан газар нютагта ошожо, эзэмдэн ажаһуухат.

Хуули дабталга 6:18 ပူးပေါင်းရင်းမြစ်များ

Египедһээ гаралга 15:26

Эзэн айладхаба: – Танай Бурхан болохо Эзэнэй үгэ дуулажа, Тэрээндэ таатай юумэ үйлэдэжэ, хэлэһэн зарлигынь соносожо, буулгаһан хуулииень тогтоожо байбалтнай, египет угсаатанда хүргэһэн үбшэн тахал таанадта хэзээдэшье хүргэхэгүйб. Би эмшэлэгшэ Эзэн гээшэб!

Исай 3:10

Зүб шударга ябадалтай зон үйлэдэһэн хэрэгэйнгээ буян эдлэхэ, энэ болбол ехэ зүб гээд дэмжыт.

Исай 38:3

– Эзэмни! Танай урда үнэн сэхээр, ямаршье гэм зэмэ хэнгүй ажаһууһыемни, Танда таарамжатай үйлэ хэрэгүүдые бүтээдэг байһыемни һаныт даа, – гээд, һугшаран уйлашаба.

Эзэкээл 18:19

Гэбэшье таанад «Хүбүүниинь эсэгынгээ гэмэй түлөө юундэ хэһээгдэхэгүйб?» гэжэ асуужа болохот. Юундэб гэхэдэ, тэрэ хүбүүн үнэн зүбөөр, сэбэр сэхээр юумэ үйлэдэдэг, бүхы хуули ёһонуудыем наринаар сахидаг, тиимэһээ тэрэ амиды мэндэ байха.

Эзэкээл 18:21

Хэрбээ муу хүн нүгэл хэхэеэ болижо, Минии бүхы хуулинуудые сахидаг, үнэн зүбые, сэбэр сэхые үйлэдэдэг болоо гээшэ һаа, амиды мэндэ үлэхэ, үхэхэгүй.

Эзэкээл 18:27

Харин муу зон һайн хэрэг үйлэдэжэ эхилбэл, абарагдаха.

Эзэкээл 18:5

Үнэн зүб, үнэн сэхээр хэрэг шиидхэдэг хэн нэгэн бии гэлэй.

Эзэкээл 33:14

Муу хэрэг үйлэдэгшэдэ «үхэхэш» гэжэ айладхахадам, тэрэ нүгэл хэхэеэ болижо, һайн, үнэн юумэ үйлэдэжэ эхилбэ гэел даа.

Эзэкээл 33:16

Нүгэлынь арюудхагдаха, һайн, үнэн юумэ тэрэ хэжэ эхилээ, тиимэһээ амиды мэндэ байха.

Эзэкээл 33:19

Муу хүн нүгэл үйлэдэхэеэ болижо, һайн, үнэн хэрэг хэжэ эхилээ һаа, амиды мэндэ үлэхэ.

Һошээ 14:9

Израилиин улад зон онгонуудта бэшэ мүргэхэгүй. Би тэдэнэй гуйлтануудыень дуулажа, тэдээн тушаа һанаа табин байхаб. Жэлэй дүрбэн сагта ногоорон байдаг модондол, Би тэдэниие аршалан хамгаалан байхаб, үршөөл хайраяа бэлэглэхэб.

Иоанн 8:29

Намайе эльгээгшэ ходо Намтай, Тэрэ Намайе гансаарыемни орхёогүй, юундэб гэбэл, Би Тэрэнэйнгээл дура хүсэлые бэелүүлнэб, – гэбэ.

Римэйхиндэ 12:2

Энэ дэлхэйн зондо адли бү байгты, харин ухаан бодолоо шэнэлүүлэн, өөһэдыгөө бүрин хубилгагты. Тиигэбэл таанад Бурханай эрхэ мэдэлые: Тэрээндэ таалагдама, зохистой, эрхим түгэс байхые мэдэжэ байхат.

Хуули дабталга 12:25

Эзэнэй захирһаар бүхы юумэ хээд байбалшни, шамда ба һүүлдэнь шинии уг удамда һайн байха. Шуһа бү эдеэрэй.

Хуули дабталга 12:28

Минии захин хэлэһэн үгэнүүдые дуулажа, сахин дүүргэгты. Эзэн Бурхандаа аятай, һайн юумэ хэжэ байбалтнай, таанадта, мүн үри һадаһандатнай хэтын хэтэдэ һайн байхал.

Хуули дабталга 13:18

Эзэн Бурханайнгаа үгыень дуулажа, минии мүнөө дамжуулжа байһан Тэрэнэй захяа заабаринуудые сахин, Эзэн Бурхандатнай таатай, һайн юумэ хэжэ байбалтнай, эдэ бүгэдэ гүйсэд бүтэхэ.

Хуули дабталга 4:40

Таанадта, үхи хүүгэдтэтнай танай һүүлээр һайн байхын тула, Эзэнэй хэтэ мүнхэдөө үгэжэ байгааша газарта удаан сагта таанадай ажаһуухын тула минии мүнөөдэр энэ дамжуулан хэлэһэн Тэрэнэй хуули ёһо, захяа заабариие сахин дүүргэн ябагты.

Хуули дабталга 5:29

Өөһэдтэнь болон үхи хүүгэдтэнь хэтэ мүнхэдөө һайн байхын тула тэдэнэр Намайе хүндэлжэ, Минии захяа заабаринуудые бүхы наһаараа үнэнхэ зүрхэнһөө сахижа ябаа гээшэ һаань, хэды һайн байха байгааб!

Хуули дабталга 5:33

Амиды мэндэ ябахын тула, эзэлхэ газартаа удаан сагта ажаһуужа, та бүгэдэндэ һайн байхын тула Эзэн Бурханайнгаа захирһан юумэ сахин дүүргэгты.

Хуули дабталга 6:10

«Үгэхэб» гэжэ үбгэ эсэгэнэртэтнай – Абраһаамда, Исаагта, Яковта тангариглан найдуулһан газар дайда, танай баряагүй мантан ехэ, һайн хотонуудтай тэрэ газарые Эзэн Бурханай та бүгэдэндэ үгэхэдэнь,

Хуули дабталга 6:19

Тиигэбэл, Тэрэ найдуулһанайнгаа ёһоор, дайсадыетнай үлдэхэ.

Хуули дабталга 8:11

Болгоомжотой байгты! Эзэн Бурханаа бү мартагты! Мүнөөдэр би таанадта захяа заабарииень, ёһо гуримыень, хуулинуудыень дамжуулнаб, тэдэниие сахигты.