Хуули дабталга 6:13 - Библи

¹³ Эзэн Бурханаа хүндэлэгты, гансал Тэрээндэ алба хэгты, гансал Тэрэнэй нэрээр тангариглагты.

Хуули дабталга 6:13 ပူးပေါင်းရင်းမြစ်များ

Эхин 24:3

Исаак хүбүүндэмни һамга оложо үгэхэб гэжэ огторгой газар хоёрые бүтээһэн Эзэн Бурханай нэрээр тангаригла. Тиихэдэ минии мүнөө ажаһуужа байгша орон нютагай, энэ ханаһаан обог зоной басага бэшэ,

4 Хаан түрэнүүд 17:36

Харин Өөрынгөө агууехэ хүсөөр, Өөрынгөө баруун гараар таанадые Египедһээ гаргаһан гансал Эзэндэ ёһологты, гансал Тэрээндэ мүргэгты, гансал Тэрээндэ үргэл үргэгты.

Псалманууд 15:4

Ондоо бурханда хандагшадай зоболон олошорог! Шуһата ундан үргэлынь тэдэнтэй хамта үргэхэгүйб, нэрэнүүдыньшье амаараа дурдахагүйб!

Псалманууд 63:11

Зүб шударга хүн хорохо газар Эзэн дотор оложо баярлаха. Сэбэр һэшхэлтэй бүхы зон Тэрэниие магтан баясаха.

Египедһээ гаралга 20:7

Эзэн Бурханайнгаа нэрые дэмы бү дурда. Тэрэнэй нэрэ дэмы нэрлэдэг хэнииешье Эзэн хэһээлтэгүй орхихогүй.

Египедһээ гаралга 23:25

Эзэн Бурхандаа шүтэгты. Тиихэдэтнай, би эдихэ хоол, ууха уһыетнай үреэжэ, таанадые үбшэн тахалһаа зайлуулхаб.

Исай 45:23

Би Өөрөөрөө шахаа тангариг үргөөб! Минии аманһаа үнэн зүб үгэ гараа, тэрэниие һөөргэнь абажа, һэлгэжэ байхагүйб! Яһатан бүхэн урдамни мүргэхэ, ямаршье хэлэтэй хүн Намда этигэхэ тухайгаа тангариглаха.

Исай 48:1

Яковай үринэр, Израилиин нэрээр ябагшад, Иудын үриһээ гарагшад, энээниие соносыта! Эзэнэй нэрээр тангаригладагшье һаа, Израилиин Бурханай нэрэ дуудадагшье һаа, досоогоо Тэрээндэ үнэн сэхэ бэшэт, зүб шударга бэшэт.

Исай 65:16

Дэлхэй дээрэ байгшадай хэн нэгэн юрөөл тушаа гуйбал, бодото Бурханһаа юрөөл гуйха. Шахаа тангариг үргэхэеэ һанаһан хэн нэгэн үнэнхэ Бурханай урда тангариглаха. Урданай зоболонгууд мартагдаха.

Ерэмияа 12:16

Хэрбээ тэдэ Минии арад зоной шажан мүргэл даган абажа, Баалай урда Минии зониие тангариглажа һургаһандал, Минии нэрээр «Бурхан үзэг!» гэжэ тангариглажа байгаа һаа, тэдэ Минии арад зоной нэгэ хуби болохо.

Ерэмияа 4:2

үнэнхэ зүрхэнһөө, зүбөөр, шударгыгаар Минии нэрээр тангариглаха эрхэдэ хүртэхэш. Тиихэдэ бүхы үндэһэн арадууд Минии нэрээр бэе бэеэ үреэдэг болохо, Намайе магтажа байха.

Ерэмияа 5:2

Эзэн амиды гэжэ таанад хэды дахин хэлээшье хадаа хуурмаг тангариг үргэнэт.

Ерэмияа 5:7

Эзэн иигэжэ айладхана: Юундэ Би арад зоноо хүлисэхэ юмбиб? Тэдэ Намайе орхижо, хуурмаг бурхадаар тангаригладаг болоо. Минии тэдэниие садатар хооллуулхада, тэдэ забхайржа, янхан эхэнэрнүүдэй гэртэ үймэлдэнэ.

Левит 19:12

Намайе урдаа баряад, тангариг бү хэлэгты. Бурханайнгаа нэрэ бү гутаагты. Би Эзэн гээшэб.

Матвей 4:10

Тиихэдэнь Иисүүс шолмосто: – Ай, сатана! Намһаа зайла! «Ши Эзэн Бурхандаал шүтэжэ, гансал Тэрээндэ алба хэжэ бай!» – гээд Нангин Бэшэг соо хэлэгдэнэ, – гэжэ харюусаба.

Матвей 5:33

«Эзэндэ үгэһэн тангаригаа бү эбдэ, тэрэнээ сахижа яба», – гэжэ эртэ урда сагһаа хүнүүдтэ хэлэдэгые таанар баһа дуулаа һэн бэзэт.

Лука 4:8

– Эзэн Бурхандаа шүтэжэ, гансал Тэрээндэ алба хэгты гэжэ Нангин Бэшэг соо бэшээтэй байдаг, – гэжэ Иисүүс харюусаба.

Хуули дабталга 10:12

Зай, Израилиин арад зон, Эзэн Бурхантнай таанадта гансал эрилтэтэй: Тэрэниие хүндэлэгты, Тэрэнэй зааһан замаар хододоо ябагты, Тэрээндэ дуратай байгты, үнэнхэ зүрхэнһөө Эзэн Бурхандаа һүгэдэгты.

Хуули дабталга 10:20

Эзэн Бурханаа хүндэлэгты, Тэрээндэ һүгэдэгты, Тэрээндэ хододоо үнэн сэхэ байгты. Гансал Тэрэнэйнгээ нэрээр тангариглагты.

Хуули дабталга 13:4

Эзэн Бурханаа шүтэн ябагты, Тэрэниие хүндэлэгты! Захяа заабаринуудыень сахигты, үгыень дуулагты! Тэрээндэ мүргэгты, Тэрээндэ үнэн сэхэ байгты!

Хуули дабталга 13:5

Эзэн Бурханайтнай захиһан замһаа таанадые хадууруулхаяа һанажа уряалһан, Египедэй газар дайдаһаа гаргаһан, богоол байдалһаатнай мултаруулһан Эзэн Бурхандаа урбахыетнай тухирдаг тэрэ лүндэншые гү, али зүүдэндээ юумэ харадаг хүниие хороохо хэрэгтэй. Өөһэдһөө муу юумэ зайсуулха ёһотойт.

Хуули дабталга 5:11

Эзэн Бурханайнгаа нэрые дэмы бү дурда. Тэрэнэй нэрэ дэмы нэрлэдэг хэнииешье Эзэн хэһээлтэгүй орхихогүй.

Хуули дабталга 5:29

Өөһэдтэнь болон үхи хүүгэдтэнь хэтэ мүнхэдөө һайн байхын тула тэдэнэр Намайе хүндэлжэ, Минии захяа заабаринуудые бүхы наһаараа үнэнхэ зүрхэнһөө сахижа ябаа гээшэ һаань, хэды һайн байха байгааб!

Хуули дабталга 6:2

Таанад, үри һадаһадтнай Эзэн Бурханаа бүхы наһаараа хүндэлжэ ябагты. Минии дамжуулжа байһан Тэрэнэй бүхы хуули ёһо, захяа заабаринуудые сахин ябагты. Тиигэбэл, удаан саг соо ажаһуухат.

Нүүнэй Иисүүс 2:12

Тиигээд Эзэнэй нэрээр намда тангариглагты: минии танда һайниие хэһэн ёһоор минии эсэгын гэртэ һайниие хэхээ хэлэгты. Намда найдамтай тэмдэг үгэгты,

Нүүнэй Иисүүс 23:7

Танай урда үлэһэн тэдэ арадуудтай бү худхалдагты, тэдээнэй бурхадай нэрые бү дурдагты, тэдээгээр бү тангариглагты, тэдээндэ бү алба хэгты, һүгэдэн бү дохигты.

Нүүнэй Иисүүс 24:14

Эзэнһээ айгты, сэбэрээр, үнэн сэхээр Тэрээндэ алба хэгты. Голой саана Египедтэ танай эсэгэнэрэй алба хэһэн бурхадта бү шүтэгты, Эзэндэ алба хэгты.

1 Хаан түрэнүүд 20:3

Гэбэшье Давид дахин тангариглан: – Намайе танай нюдэндэ хайра үршөөл олоо гээд танай эсэгэ һайн мэдэнэ. Тэрэ «Ёнатааниие гомдохоохогүйн тула энэ хэрэгые тэрээндэ бү мэдүүлэгты» гэжэ хэлээ. Харин би Эзэнэй нэрээр болон танай ами наһаар тангаригланаб, үхэл хүрэтэр нэгэ алхам лэ намда үлөө, – гэбэ.

1 Хаан түрэнүүд 7:3

Самуил Израилиин бүхы арад зондо иигэжэ хэлэбэ: – Хэрбээ таанад бүхы ухаан бодолоороо Эзэндэ эрьен хандажа байгаа һаа, өөһэд хоорондоһоо хариин бурхадай болон Аштаартуудай дүрсэнүүдые зайлуулагты, үнэнхэ зүрхэнһөө бэеэ Эзэндэ зорюулагты, гансал Тэрээндэ мүргэгты. Тиихэдэ Эзэн таанадые пилиштүүдэй һабарһаа абарха.