Хуули дабталга 5:29 - Библи

²⁹ Өөһэдтэнь болон үхи хүүгэдтэнь хэтэ мүнхэдөө һайн байхын тула тэдэнэр Намайе хүндэлжэ, Минии захяа заабаринуудые бүхы наһаараа үнэнхэ зүрхэнһөө сахижа ябаа гээшэ һаань, хэды һайн байха байгааб!

Хуули дабталга 5:29 ပူးပေါင်းရင်းမြစ်များ

1 Угай бэшэг 29:18

Манай эсэгэнэрэй, Абраһаамай, Исаагай, Израилиин Эсэгэ Бурхан. Өөрынгөө арадай зүрхэ сэдьхэл, ухаан бодолой мэдэрэлые хэтын хэтэдэ үршөөн байгыт, тэдэнэй зүрхэ сэдьхэлые өөртөө шэглүүлэн ябыт.

Псалманууд 106:3

Үрнэ, умара зүгүүдһээ болон далайн талаһаа Тэрэнэй суглуулһан бүхы зон иигэжэ хэлэхэл.

Псалманууд 78:7

Юуб гэбэл, тэдэ Яковые залгижа, байра байдалынь хооһоруулаа.

Исай 3:10

Зүб шударга ябадалтай зон үйлэдэһэн хэрэгэйнгээ буян эдлэхэ, энэ болбол ехэ зүб гээд дэмжыт.

Исай 48:18

Хэрбээ Минии захяа заабаринуудта анхаралаа хандуулдаг һаатнай, үршөөлнүүд гол мүрэн мэтэ таанад руу урдаха байгаа, далайн долгид мэтээр буян таанадта ерэхэ һэн.

Ерэмияа 42:6

Муу, һайншье бидэндэ байгаа һаань, бидэ Эзэн Бурханайнгаа захиралтануудые сахин дүүргэхэбди. Тэрэнэй үгэ дуулаа һаамнай, бидэндэ һайн байхал.

Ерэмияа 44:4

Минии үзэн ядадаг иимэ жэгшүүритэй мухай юумэ хэхэһээ хоридог Өөрын албатан лүндэншэдые эльгээжэл таанадта байгааб.

Матвей 23:37

– Ай Иерусалим, Иерусалим, шинии хүнүүд лүндэншэдые аладаг, шамда эльгээһэн Бурханай мэдээсэгшэдые шулуудадаг! Даража дэгжээһэн дальбараануудаа дали дороо суглуулдаг шубуундал адляар шинии үри хүүгэдые суглуулха гэжэ Би хэды һэдээ зүдхөө гээшэбиб. Теэд ши Намайе зүбшөөгөөгүйш!

Лука 11:28

– Бурханай үгэ шагнаад, тэрэниие наринаар сахидаг хүнүүд үлүү ехэ жаргалтай! – гэжэ Иисүүс харюудань хэлэбэ.

Лука 19:42

– Хотын зон, амгалан байдалда юун хүргэхэб гэжэ энэ үдэр ойлгодог һайт! Теэд тэрэтнай мүнөө танай нюдэнһөө далда байна даа.

Иоанн 15:14

Минии захяа заабари сахин дүүргээ һаа, таанар Минии хани нүхэд болонот.

Коринфынхидтэ 2-дохи 5:20

Бидэ Христоосой бүрин эрхэтэ түлөөлэгшэд мүн, тиин Бурхан бидэнэрээр дамжан таанадта хандана. Бурхантай эбээ нэгэдхэгты гэжэ бидэ Христоосой нэрээр таанадые гуйнабди.

Коринфынхидтэ 2-дохи 6:1

Бурханай буян хэшэгые дэмы бү абагты гэжэ бидэ Бурхантай хамта ажаллажа байһан ушарһаа таанадые гуйнабди.

Хуули дабталга 10:12

Зай, Израилиин арад зон, Эзэн Бурхантнай таанадта гансал эрилтэтэй: Тэрэниие хүндэлэгты, Тэрэнэй зааһан замаар хододоо ябагты, Тэрээндэ дуратай байгты, үнэнхэ зүрхэнһөө Эзэн Бурхандаа һүгэдэгты.

Хуули дабталга 10:20

Эзэн Бурханаа хүндэлэгты, Тэрээндэ һүгэдэгты, Тэрээндэ хододоо үнэн сэхэ байгты. Гансал Тэрэнэйнгээ нэрээр тангариглагты.

Хуули дабталга 11:1

Эзэн Бурхандаа дуратай байгты, тэрэнэй захиралта, хуулинуудые, ёһо гурим, мүн захяа заабарииень хододоо сахин, дүүргэн ябагты.

Хуули дабталга 12:25

Эзэнэй захирһаар бүхы юумэ хээд байбалшни, шамда ба һүүлдэнь шинии уг удамда һайн байха. Шуһа бү эдеэрэй.

Хуули дабталга 12:28

Минии захин хэлэһэн үгэнүүдые дуулажа, сахин дүүргэгты. Эзэн Бурхандаа аятай, һайн юумэ хэжэ байбалтнай, таанадта, мүн үри һадаһандатнай хэтын хэтэдэ һайн байхал.

Хуули дабталга 19:13

Алуулха хүниие бү хайрлагты, өөрөө тэрэ зэмэгүй хүниие алаа ха юм. Израильһаа энэ гэм зайсуулагты, тиигэбэл, таанадта һайн байхал.

Хуули дабталга 22:7

Үндэгэнүүдыень, дальбараануудыень абахадашни болохо, харин эхыень таби. Иигээд байгаа һаашни, шамда һайн байха, удаан наһа наһалхаш.

Хуули дабталга 4:2

Минии заабарилан захирһан үгэнүүдтэ бү нэмэгты, тэдээнһээ хороожошье бү байгты. Эзэн Бурханайтнай захяа заабаринуудые дамжуулхадамни, сахин ябагты.

Хуули дабталга 4:40

Таанадта, үхи хүүгэдтэтнай танай һүүлээр һайн байхын тула, Эзэнэй хэтэ мүнхэдөө үгэжэ байгааша газарта удаан сагта таанадай ажаһуухын тула минии мүнөөдэр энэ дамжуулан хэлэһэн Тэрэнэй хуули ёһо, захяа заабариие сахин дүүргэн ябагты.

Хуули дабталга 5:16

Эзэн Бурханайнгаа үршөөһэн газарта үлзытэй һайн, ута наһатай һуухын тулада Эзэн Бурханайшни шамда захиһан ёһоор эхэ, эсэгэеэ хүндэлжэ ябаарай.

Хуули дабталга 5:30

Ошоод, майхангуудтаа бусахыень тэдэндэ хэлэ.

Хуули дабталга 5:33

Амиды мэндэ ябахын тула, эзэлхэ газартаа удаан сагта ажаһуужа, та бүгэдэндэ һайн байхын тула Эзэн Бурханайнгаа захирһан юумэ сахин дүүргэгты.

Хуули дабталга 6:17

Эзэн Бурханайнгаа таанадта захирһан захяа заабаринуудые, эрхэ нүхэсэлнүүдые, хуули ёһонуудые жэншэдгүй сахигты.

Хуули дабталга 6:18

Үнэн зүб, һайн хэрэгүүдые, Эзэнэй һанаанда таарама юумэ хэжэ байгты. Тиигэбэл, таанадта һайн байха, үбгэ эсэгэнэртэтнай Эзэнэй тангариглаһан тэрэ үрэжэлтэ һайхан газар нютагта ошожо, эзэмдэн ажаһуухат.

Хуули дабталга 6:3

Израилиин улад зон, соносогты, тиигээд эдэ бүгэдые жэншэдгүй сахин дүүргэхэеэ оролдогты! Тиигэбэл, таанадта һайн байха, угаа үнэржэн, шадал түгэс үндэһэ яһатан болохот, Эзэнэй, үбгэ эсэгэнэрэйтнай Бурханай, найдуулһаар, бүхы юумээр элбэг дэлбэг газартай болохот.

Хуули дабталга 8:6

Эзэн Бурханайнгаа захяа заабариие сахигты, Тэрэнэй замаар ябагты, Тэрэниие хүндэлэгты.

Еврейнүүдтэ 12:25

Эзэнэй айладахадань, шагнахагүйбди гэжэ бү арсаарайгты. Тэрэнэй газар дэлхэй дээрэ айладахадань, шагнангүй Өөрыень буруушааһан хүнүүд хэһээлтэһээ мултараагүй. Харин тэнгэриһээ айладахадань, арсабал, хэһээлтэһээ бүришье мултархагүйбди.

Яковай хандалга 1:25

Хүнүүдые эрхэ сүлөөтэй болгодог эрхим түгэс хуули та бүгэдын мэдэржэ, анхаржа байбалтнай, шагнаад, һүүлээрнь мартадаггүй, ажамидаралдаа хэрэглэдэг байбалтнай, ажамидаралтнай үлзы буянтай байхал.

Гэршэлгэ 22:14

Хубсаһаа сэбэрлэгшэд жаргалтай! Тэдэнэр амидаралай модондо хүртэлсэхэ эрхэтэй, тэдэнэр хаалгын үүдээр хотодо орохо эрхэтэй.

Рүүт 3:1

Хадам эхэ Наомиинь тэрээндэ: – Басагамни, шам тухай һанаагаа зобохо, гэр байраар хангаха үбгэ шамда бэдэрхэ һанаатайб.