Хуули дабталга 5:21 - Библи

²¹ Ондоо хүнэй һамганда бү һанаашарха, хүнэй гэр байрада, зөөри зөөшэдэ: газар таряаланда, богоол шэбэгшэндэ, сар элжэгэндэ, юрэдөө, хүндэ байһан ямаршье юумэндэ бү һанаашарха».

Хуули дабталга 5:21 ပူးပေါင်းရင်းမြစ်များ

2 Хаан түрэнүүд 11:2

Нэгэтэ үдэшэлэн Давид унтариһаа бодожо, хаанай ордоной хушалта дээрэ сэнгэжэ ябатараа бэеэ угаажа байһан нэгэ эхэнэрые хушалта дээрэһээ хараба. Тэрэ эхэнэр угаа һайхан байгаа.

Иоов 31:9

Хэрбээ би танилайнгаа эхэнэртэй һамуурха гэжэ үүдэнэйнь хажууда отон хүлеэдэг байһан һаамни,

Египедһээ гаралга 20:17

Хүнэй гэр байра буляаха гэһэн хүсэлдэ бү абта, хүнэй һамганда, хүнэй богоол шэбэгшэндэ, сар элжэгэндэ, хүндэ байһан ямаршье юумэндэ бү һанаашарха.

Һургаал 6:25

Тэрэ эмын тансаг һайханиинь шинии дура буляаха ёһогүй, харасань бэе тээшэ бү татаг.

Михей 2:2

Тэдэ таряаланда һанаашархабал, хүсэ хэрэглэн, буляажа абана, гэр байрада обтобол, саб байса абана, хүниие, гэр хогшолыень, уг залгамжалан дамжуулдаг зөөри зөөшыень хуряажа абана юм.

Аввакуум 2:9

Өөрын гэр байрада хуули бусаар эд зөөри суглуулааша, гэнэ усалһаа болгоомжолон, үндэр газарта гэр уурхайгаа түхеэрээшэ хэн нэгэн абарагдахагүй!

Лука 12:15

– Алибаа юумэндэ шунахаһаа өөһэдыгөө һэргылжэ, болгоомжолжо ябагты. Хүнэй жэнхэни ами наһан эд зөөриһөө дулдыдадаг бэшэ, тиихэдэ хэды шэнээн баян бардам байһантнай ямаршье хамаагүй юм.

Римэйхиндэ 13:9

«Ханидаа бү урба; бү ала; хулгай бү хэ; хүнэй юумэндэ бү һанаарха» гэһэн захяа заабаринууд болон бусадшье олон заабаринууд «Дүтынгөө хүндэ өөртөөл адли дуратай бай» гэһэн гансал захяа заабари соо тобшологдоно.

Еврейнүүдтэ 13:5

Алта мүнгэндэ шунангүй, бии юумээрээ сэдьхэл дүүрэн байгты. Ушарынь гэхэдэ, «Би шамайе хэзээшье орхихогүйб, би шамайе хэзээшье хаяхагүйб», – гэжэ Бурхан айладаа.