Хуули дабталга 5:15 - Библи

¹⁵ Египедтэ богоол байһанаа, тэндэһээ Минии, Эзэн Бурханайшни, бар хүсөөрөө, агууехэ шадалаараа шамайе гаргаһан тухай бү марта. Тиимэһээ Би, Эзэн Бурханшни, субботые жэншэдгүй сахихыешни захирнаб.

Хуули дабталга 5:15 ပူးပေါင်းရင်းမြစ်များ

Эхин 15:13

Тиигээд Эзэн айладхал тэрээндэ буулгаба: – Шинии үри һадаһад хожом хариин газарта нүүхэ, дүрбэн зуугаад жэлэй туршада тэндэ богоол болон дарлуулха.

Эхин 19:16

Зүгөөр Лоот яаха гээшэб гэжэ бодолгото болон удаарба, хүдэлбэгүй. Эзэнэй Лоодые хайрлаһан ушарһаа тэдэ хоёр Эльгээмэлнүүд Лоодые, тэрэнэй һамга болон хоёр басагадыень гарһаань хүтэлэн, хотоһоо гаргаба.

Египедһээ гаралга 13:14

Хожом хэзээ нэгэтэ хүбүүншни «Энэ юун гэһэн удхатайб?» гэжэ асууба гэлэй, тэрээндэ иигэжэ харюусахаш: «Эзэн хүсэтэ гараараа Египедэй дарлалтаһаа маанадые гаргаһан юм.

Египедһээ гаралга 13:16

Энэ хадаа шамда гар дээрэ отолһон, сохо дээрэ шатааһан шарха мэтэ сараа тамга болохо жэшээтэй. Юуб гэхэдэ, Эзэн ашата хүсөөрөө маанадые Египедһээ гаргаа».

Египедһээ гаралга 13:3

Моисей угсаата арадтаа хэлэбэ: – Египедһээ, богоол байһан газарһаа гараһан энэ үдэрые һанажа ябагты, тэндэһээ таанадые Эзэн хүсэ хүсэлэн гаргаа һэн. Эһээгдэһэн юумэ бү эдигты.

Египедһээ гаралга 13:9

Энэ хадаа Эзэнэй зарлиг тогтоохын тулада гар дээрэш тэмдэг, нюдэнэйш урда хүшөө болохо ёһотой. Эзэнэй зарлиг хуули үгэ хэлэндэш хододоо байха ёһотой, юуб гэхэдэ, Эзэн хүсэ хүсэлэн, Египедһээ шамайе гаргаһан байна.

Египедһээ гаралга 20:11

Юуб гэхэдэ, Эзэн огторгой, газар, далай бүтээгээд, досоонь байгааша бүхы юумэ зургаан үдэрэй туршада байгуулаа, харин долоодохи үдэртэ амараа. Тиимэһээ Эзэн гарагай долоое үреэлдөө хүртөөгөөд, нангин үдэр болгоо.

Египедһээ гаралга 6:6

Израиль угсаатанда иигэжэ дуулга: «Би Эзэнби! Би таанадые Египедһээ гаргахаб, дарлалтаһаа сүлөөлхэб! Би таанадые абархаб, Минии гар һунаалгаатай, хэһээлтэм шанга!

Исай 63:9

Бүхы зоболонһоо Тэрэ тэдэниие абараа. Тэнгэриин Эльгээмэл бэшэ, Өөрөө Эзэн тэдэниие абараа һэн. Өөрын хайраар, үршөөлөөр Тэрэ тэдэниие абараа. Үнгэрһэн сагуудта Тэрэ хододоо тэдэниие үргэн, һанаагаа табин ябаа һэн.

Даниил 9:15

Эзэн Бурхамнай, агууехэ хүсөөрөө Өөрын арад түмэниие Египедэй орон нютагһаа гаргаат, мүнөөшье хүрэтэрөө алдар солотнай гэрэл мэтэ толорно. Харин бидэ нүгэлтэйбди, буруу юумэ хээбди.

Хуули дабталга 15:15

Египедэй газар дайдада богоол байһанаа, Эзэн Бурханайшни шамайе сүлөөлһые бү марта. Тиимэһээл би мүнөө шамда захиржа захижа байна ха юмбиб.

Хуули дабталга 16:12

Египедтэ богоол байһанаа бү мартагты, тиигэжэ эдэ хуулинуудые сахин гүйсэдхөөрэйгты.

Хуули дабталга 26:8

Бар хүсөөрөө, агууехэ шадалаараа, аймшагтай үзэгдэлнүүдээр, дүлгэ тэмдэгүүдэй, мүн гайхамшагта үзэгдэлнүүдэй аргаар Эзэн маанадые Египедһээ гаргаа.

Хуули дабталга 5:6

«Би шамайе Египедэй дарлалтаһаа гаргаһан Эзэн Бурханшни гээшэб.

Хуули дабталга 9:12

Тиигээд Эзэн намда айладаба: «Эндэһээ түргөөр доошоо буу, юуб гэхэдэ, Египедһээ гаргаһан арад түмэншни муу зантай болоо. Минии зааһан харгыһаа түргэхэнөөр тэдэ хадуураа, шудхамал хүрэг өөһэдтөө хээ».

Тидтэ 2:14

Христоос маанадые бузар муухай нүгэлнүүдһээмнай аршалан, мэдэлдэнь байдаг, үлзытэй хэрэгүүдые хэхэ гэжэ зүдхэдэг сэбэр арад болгохын тула Өөрыгөө бидэнэй түлөө үргөө.